Abdias 1:14 - Maktub gə́ To gə Kəmee

¹⁴ Ndɔ gə́ deḛ d’isi dan néurti’g lé Kəm kar sí ɔrɔje rɔ nébaoje lə dee gə ji sí el ləm, Kəm kar sí aarje tɔ-rəwje’g Gə mba tɔl njékaḭje el ləma, Njé’g lə dee gə́ teḛ ta yoo’g pəd-pəd lé kara Kəm kar sí ɔm deeje ji dee’g ndɔ néurti’g el ləm tɔ.

Abdias 1:14 ပူးပေါင်းရင်းမြစ်များ

Gḭ-Néje 35:3

Jeḛ j’a kḭ tuga loo kaw Betel. Lée gə́ neelé ɓa m’a ra loo-nékinjaməs keneŋ kar Ala, yeḛ gə́ oo ndum mee ndɔ gə́ ma m’nai ne dan nékəmndoo’g ləm, gə nai səm loo-mbá gə́ ma m’aw keneŋ lé ləm tɔ.

Pakɔsje 31:8

Mbɔl dɔ meenoji ləi ɓa M’a si ne dan rɔkal’g gə dan rɔlel’g ləm tɔ Mbata i oo ndòo koo ləm gao ləm, I gər néɓəŋgərəti ləm gao ləm tɔ.

Esai 16:3

Maji kar sí wɔji síje ta kəmkàr ləm, Raje sə sí né gə́ to gə dɔ najee ləm, Loo gə́ kàr aar daŋdɔ lé Ɔmje ndil sí dɔ sí’g areeje to asəna gə loondul bèe ləm, Iyaje dɔ deḛ gə́ jeḛ n’korə deeje ləma, Maji kar sí unje dɔ njeteḛ ta-rɔ’g el ləm tɔ

Esai 16:4

Ya̰je loo arje Moabje gə́ tuba dee lé Ree d’isi mee ɓeeje’g lə sí ləm, Maji kar sí toje gə́ njo̰loo-kiya-rɔ lə dee No̰ njetujiloo’g ləm tɔ. Mbata nékəmndoo a godo ləm, Njetuji loo lé a kunda ŋgaŋ buguru ləma, Yeḛ gə́ njetuba ɓee gə gɔlee lé a sané pá ləm tɔ.

Esai 37:3

Ndá deḛ d’ulá pana: Ejekias pa togə́bè pana: ndɔ gə́ ɓogənè lé to ndɔ néurti ləm, gə ndɔ kwɔji kəmkàr ləma, gə ndɔ rɔkul ləm tɔ, mbata nai lam ba kar ŋganje teḛ meḛ ko̰ deeje’g nɛ siŋgá gə́ ka̰ koji dee ne godo.

Jeremi 30:7

Meeko̰ gə́ ban ɓa bèe wa! Mbata ndɔ neelé to ndɔ gə́ boo! Ndɔ gə́ raŋg gə́ as səa kédé lé godo. To kàr néɓəŋgərəti mbata lə Jakob, Nɛ yeḛ a teḛ ta’g gə majee ya.

Amɔs 1:6

Njesigənea̰ pa togə́bè pana: Gə mbata kaiya ra Gajaje gə́ aw gə́ kédé-kédé lé ndá N’a tel gə ndu neḛ nda̰ el, Mbata deḛ d’wa koso-dəwje bula Gə́ ɓərje d’ɔm dee ji Edɔmje’g.

Amɔs 1:9

Njesigənea̰ ɓa pa togə́bè pana: Gə mbata kaiya ra Tirje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ɔm koso-dəwje bula ji Edɔmje’d gə́ ɓərje Lal kar meḛ dee olé dɔ manrɔ’g lə ŋgako̰ deeje Gə́ deḛ man ne rɔ dee d’ar dee lé.

Abdias 1:12

Mee kàree gə́ némeeko̰ ra ŋgoko̰ sí lé Kəm kar sí ooje gə́ nérɔlel el ləm, Kəm kar sí alje rɔ sí dɔ ŋgaka Judaje’g ndɔ tuji’g lə dee el ləma, Ndɔ gə́ néurti teḛ lé Kəm kar sí teḛje ta sí Ulaje ne sul dɔ dee’g el ləm tɔ.

Matiyo 22:9

Togə́bè ndá awje gə tɔ-rəwje mba ɓar deḛ lai gə́ seḭ a kiŋga deeje lé mba kar dee ree loo-naḭ’g neelé ya.