Abdias 1:1 - Maktub gə́ To gə Kəmee

¹ Némḭdi gə́ Abdias oo lé ɓa nee: Mbaidɔmbaije gə́ Njesigənea̰ pata togə́bè wɔji ne dɔ Edɔm pana: Jeḛ j’oo ta gə́ ḭ rɔ Njesigənea̰’g ləm, D’ula njekaḭkula mbuna ginkoji dəwje gə raŋg’g ləm tɔ Pana: Ubaje naŋg ḭje tar, Ar sí j’aw j’iŋgaje Edɔm gə mba rɔ səa.

Abdias 1:1 ပူးပေါင်းရင်းမြစ်များ

Gḭ-Néje 25:30

Esawu ula Jakob pana: Ma m’ra ndòo rɔi’g ya, am lɔ-mḭji kas neelé bəl m’o̰ mbata lab ɔrm. Yee gə́ bèe ɓa d’unda ne ri Esawu lé lə Edɔm.

Gḭ-Néje 36:8

Esawu ra ɓee dɔ mbal gə́ Seir. Esawu lé to Edɔm.

Gḭ-Néje 36:9

Aa ooje ŋgaka Esawu gə́ to bɔ Edɔmje gə́ d’isi dɔ mbal gə́ Seir lé.

Pakɔsje 137:7

Njesigənea̰, maji kari ar məəi olé teḛ dɔ néra Edɔmje’g Mee ndəa gə́ deḛ taa ne Jerusalem lé deḛ pana: Kərje, kərje kər-kər waje rəw-rəw Saar teḛje ne ginee gə́ bər ya.

Esai 21:11

Ndərta gə́ wɔji dɔ Duma. Dəw kára gə́ si Seir no̰ ɓarm dəjim pana: Njeŋgəmloo, see ta gə́ wɔji dɔ loondul to ban wa. Njeŋgəmloo, see ta gə́ wɔji dɔ loondul to ban wa.

Esai 21:12

Njeŋgəmloo lé tel ilá keneŋ pana: Loo si àr ya Nɛ loo to bidig ɓəi. Ɓó lé seḭ ndigi dəjije ta ndá Gə́ dəjije ya, Waje ndòo rɔ sí ndá gə́ telje reeje.

Esai 30:4

Mbaije ləa teḛ Soa̰’g mba̰ ləm, Njékulaje ləa kara teḛ Hanɛs’g ləm tɔ.

Jeremi 25:17

Bèe ɓa m’taa bai neelé ji Njesigənea̰’g ndá m’ar ginkoji dəwje gə raŋg lai gə́ Njesigənea̰ ulam gə́ rɔ dee’g lé d’ai.

Jeremi 25:21

M’ar Edɔmje gə Moabje gə Amo̰je d’ai.

Jeremi 51:46

Maji kar meḛ sí pélé wəs-wəs el ləm, ɓəlje gə mba kaa néje gə́ seḭ ooje mee ɓee’g el ləm tɔ, mbata ləb neelé to ləb koo sor ta néje ləm, ləb gə́ njekorè gée lé sorta gə́ raŋg a ɓar ləm, néra kərm-kərm a taa loo mee ɓee’g pəl-pəl ləma, njedumdɔloo a kḭ rɔ gə maree gə́ njedumdɔloo lé ləm tɔ.

Ejekel 35:1

Njesigənea̰ ulam ta gə rɔtaje nee pana:

Misee 2:13

Yeḛ gə́ a kɔs kəm loo mbudu teḛ lé A kaw no̰ dee’g. D’a kɔs kəm loo mbudu ləm, D’a dəs tarəwkɔg’d ləma, D’a teḛ kaw ləm tɔ. Mbai lə dee a njaa no̰ dee’g ləm, Njesigənea̰ a to njekɔrno̰ dee ya ləm tɔ.

Matiyo 24:6

Seḭ a kooje ta rɔ na̰ lə dəwje ləm, seḭ a kooje sor rɔ gə́ d’a gə rɔ na̰ ləm tɔ ndá meḛ sí to dɔ rɔ sí’g mba kar meḛ sí pélé wəs-wəs dɔ ta’g neelé el mbata lé riri kara néje gə́ togə́bè lé a teḛ ya. Nɛ a to ndɔ gə́ rudu lé el nja dɔrɔ ɓəi.

Mark 13:7

Loo gə́ seḭ ooje ta rɔ gə́ dəwje rɔ na̰ ləm, gə sor rɔ gə́ d’a kɔr ləm tɔ lé ndá maji kar sí ɓəlje gə mbəa el mbata lé riri kara néje neelé d’a teḛ ya. Nɛ ndɔ gə́ rudu lé nai ya dɔrɔ ɓəi.