3 Ja̰ 1:8 - Maktub gə́ To gə Kəmee

⁸ Togə́bè ɓa, maji kar sí j’waje dəwje gə́ togə́bè lé gə́ rɔ sí’g mba kɔm ne sə dee na̰’d sad dɔ kula kankəmta’g neelé ɓəi.

3 Ja̰ 1:8 ပူးပေါင်းရင်းမြစ်များ

Pakɔsje 94:16

See na̰ ɓa a kuba naŋg kḭ mbata ləm Mba koma̰ gə njémeeyèrje lé wa, Esé see na̰ ɓa a korè dɔm Koma̰ ne gə njéra némajelje lé ɓəi wa.

Matiyo 10:14

Loo gə́ d’a kwa sí gə́ rɔ dee’g el əsé d’a koo ta lə sí el ndá teḛje mee kəi’g neelé əsé mee ɓee’g neelé gə́ ɗaga ndá kundaje kor gɔl sí’g ya.

Matiyo 10:40

Yeḛ gə́ wa sí gə́ rəa’g ndá yeḛ kara wam gə́ rəa’g ya ləm, yeḛ gə́ njekwam gə́ rəa’g kara wa dəw gə́ njekulam gə́ rəa’g ya ləm tɔ.

Lugu 11:7

Ɓó lé dəw gə́ to naŋg kəi ya ula təa aree pana: Jɔgm el ŋga mbata m’udu rəw-kəi ləm dɔm’g ar sí jeḛ gə ŋganəmje n’toje loo-to sí’g naŋg kɔl-kɔl ɓó m’oo loo kḭ tar kari muru lé el.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

2 Njé gə́ Kɔrḭtə 8:23

Togə́bè ɓa, ta gə́ wɔji dɔ Titə lé yeḛ to njeboalookaw lə sí ləm, gə njeboakula lə sí gə́ nai gə́ darɔm-ma nja rɔ sí’g ləm tɔ. Ta gə́ wɔji dɔ ŋgako̰ síje lé deḛ to njékaḭkulaje lə Eglisəje gə́ to rɔnduba lə Kristi.

Njé gə́ Pilibə 4:3

I majikoji gə́ to gə́ njeboakula ləm lé kara ma m’ra ndòo rɔi’g mba kari la gə denéje neelé dɔ né gə́ ndée ra dee, mbata loo-rɔ gə́ ma m’rɔ mba kar Tagə́maji aw ne gə́ kédé-kédé lé deḛ nja d’orəm-ma gə Klema̰ gə njéboakulaje ləm gə́ raŋg gə́ ri dee to mee maktub gə́ ka̰ sí gə kəmə lé més ya.

Njé gə́ Kolosə 4:11

Jeju gə́ deḛ ɓaree Justus lé ra sí lapia tɔ. Deḛ nja to mbuna njékḭja tamɔd deeje ləm, deḛ nja gə kar dee ba ɓa ra səm kula na̰’d mbata ɓeeko̰ lə Ala ləm tɔ, deḛ to gə́ njekar məəm oso naŋg ləmséje lé tɔ.

1 Njé gə́ Tesalonikə 3:2

ndá jeḛ j’ula Timote rɔ sí’g. Yeḛ lé to ŋgoko̰ sí gə́ to kura lə Ala loo kɔr goo Tagə́maji lə Kristi ndá jeḛ j’ulá mba karee ndəji sí kar sí ŋgəŋje ne dan meekun’g lə sí ləm,

Piləmɔ̰ 1:2

j’ar Apia kɔnan sí gə́ dené ləm, gə j’ar Arsipə njeboarɔ lə sí ləma, j’ar Eglisə gə́ mbo̰ dɔ na̰ mee kəi’g ləi ləm tɔ.

Piləmɔ̰ 1:24

Mark gə Arisitarekə gə Demas gə Lugu gə́ to njéboakulaje ləm lé rai lapia tɔ.

3 Ja̰ 1:10

Gelee gə́ nee ɓa, ɓó lé m’a kaw ndá m’a kulá ne néreaje gə́ majel lé təsərə karee oo mbata ta meeyèr gə́ yeḛ ɔr ila dɔ sí’g lé. Yee gə́ nee ɓa gə karee el nɛ yeḛ ɔs ŋgako̰ síje gə́ raŋg ŋgərəŋ ləm, deḛ gə́ ndigi kwa dee gə́ rɔ dee’g lé yeḛ ɔg dee loo ra ləma, yeḛ tuba dee mee Eglisə’g ləm tɔ.

3 Ja̰ 1:7

Mbata mbá gə́ d’ḭ mba kaw neelé d’aw mbata lə ri Jeju Kristi ɓó d’iŋga né ji njépole-magəje’g el.

3 Ja̰ 1:9

Ma m’ndaŋg maktub nee bəl m’ar Eglisə, nɛ Diotrepə gə́ ndigi kaar gə́ ŋgaw-ta dee kédé lé ɔs sí rəw.