3 Ja̰ 1:2 - Maktub gə́ To gə Kəmee

² I gə́ m’undai dan kəm’g lé ma m’ndiŋga rɔm mba kar i si gə́ majee dɔ néje’g lai ləm, mba kar darɔi to maji péd-péd to gə́ kankəmrɔi bèe lé ləm tɔ.

3 Ja̰ 1:2 ပူးပေါင်းရင်းမြစ်များ

Matiyo 9:12

Jeju oo ta lə dee ila dee keneŋ pana: Deḛ gə́ rɔ dee to kari lé d’aw ndòo njekuma̰ el, njérɔko̰je ɓa d’aw ndée.

Njé gə́ Pilibə 2:27

Tɔgərɔ ya, rɔko̰ oso dəa’g ar ta yée nai tebdé bèe, nɛ Ala oo kəmtondoo ləa gə karee el, yeḛ oo kama ya tɔ, mba kar némeeko̰ gə́ ram lé a kɔs dɔ maree-maree el.

Njé gə́ Pilibə 2:4

Maji kar nana kara mbuna sí’g ə̰ji dɔ néje’g ləa goo kára ba el nɛ maji karee ə̰ji dɔ ka̰ mareeje’g tɔ.

2 Njé gə́ Tesalonikə 1:3

Ŋgako̰ síje, jeḛ j’oo loo gə mba ra Ala oiyo ta-ta mbata lə sí, yee ɓa to lée’g ya, mbata meekun lə sí teḛ boo, ḭ ne dɔ maree’g gə́ kédé-kédé ya ləm, seḭje kára kara lai seḭ undaje na̰ dan kəm na̰’d waje ne noji gə́ kédé-kédé ləm tɔ.

2 Njé gə́ Tesalonikə 2:13

Ŋgako̰ síje, seḭ gə́ Mbaidɔmbaije unda sí dan kəmee’g lé jeḛ n’ra Ala oiyo ta-ta mbata lə sí mbata yeḛ nja mbər sí kédé gə́ dɔtar gə mba kar sí iŋgaje kaji gə goo kɔr gə́ Ndilee ɔr sí unda sí gə kəmee ləm, gə goo meekun lə sí gə́ seḭ ɔmje ne meḛ sí dɔ kankəmta’g ləm tɔ.

Maktub gə́ Jak ula ne ar ngan-Allaje 5:12

Ŋgakɔmje, ta gə́ m’pa neelé dum mareeje gə́ kédé: Ubuje rɔ sí gə ri dara el ləm, əsé gə dɔ naŋg nee el ləma, əsé gə né gə́ rara kara el ləm tɔ. Nɛ maji kar sí pajena: Tɔgərɔ ndá tɔgərɔ ya, əsé a paje: Wah! ndá wah tɔ. Togə́bè ɓa seḭ a kosoje ne dan ta’g el.

1 Piɛrə 4:8

Ta gə́ ur dɔ taje lai lé: Undaje na̰ dan kəm na̰’d gə meenda londoŋ mbata meenoji lé ɔn dɔ kaiyaje bula.

2 Piɛrə 3:18

Nɛ maji kar sí tɔgje dɔ noji’g lə Mbaidɔmbaije Jeju Kristi, Njekaji sí ləm, gə dɔ gər ndiaa’g ləm tɔ. Maji kula rɔnduba dəa’g ɓasinè ləm gə saar gə́ ləbee-ləbee gə no̰ ləm tɔ. Amen!

3 Ja̰ 1:1

Ma ŋgatɔg lé m’ndaŋg maktub nee m’ar Gayus gə́ m’undá dan kəm’g gə goo kankəmta lé.

Loo gə́ killa rea kəm Ja̰’g 2:9

Ma m’oo néurti gə́ rai ləm, gə ndòo gə́ teḛ dɔi’g ləm tɔ, nɛ i to gə́ bao ɓəi. Deḛ gə́ gaŋgta d’ɔm tai’g ləm, gə deḛ gə́ ɓar rɔ dee Jibje ɓa deḛ to gə́ Jibje el nɛ deḛ nja to gə́ kəi-kwa-dɔ-na̰ lə Njekurai ləm to lé ma m’oo dee gao ya tɔ.