2 Timote 4:8 - Maktub gə́ To gə Kəmee

⁸ Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

2 Timote 4:8 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

Pakɔsje 31:19

Maji kar deḛ gə́ pa taŋgɔm lé Tel to njégwɔskuduje ya Mbata deḛ pata kəgəgə-kəgəgə d’ɔs ne njemeekarabasur lé rəw, Deḛ ti ne rɔ dee mugugu-mugugu ləm, D’ə̰jee ne bəḭ-bəḭ ləm tɔ.

Pakɔsje 7:11

Dər-rɔ ləm tɔ rɔ Ala’d Gə́ to njekaji deḛ gə́ meḛ dee to kára ba sur.

Gosota-Kəmkàrje 4:9

Yee a kula dɔgugu-noji dɔi’g ləm, Yee a ɗɔii gə dɔgugu-mbai gə́ maji dum ləm tɔ.

Malasi 3:17

Njesigənea̰ gə́ njeboo-néje lé pana: D’a to koso-dəwje gə́ to ka̰ ma ya mee ndəa gə́ m’wa dɔ gɔlee’g lé. M’a koo kəmtondoo lə dee to gə́ dəw oo ne kəmtondoo lə ŋgonee gə́ ra né aree bèe.

Matiyo 24:36

Ndɔ teḛ lə néje neelé dəw kára kara gər ndəa əsé kàree el. Kuraje gə́ dara lé gər el ləm, Ŋgon-dəw kara gər el ləm tɔ nɛ Bɔbeeje nja gə karee ba ɓa gər.

Matiyo 7:22

Ndəa neelé dəwje bula d’a dəjim pana: Mbai, Mbai, see jeḛ riba dɔ ta ləi gə rii el wa. See jeḛ m’ɓar rii n’tuba ne ndilje gə́ kurai meḛ dəwje’g el wa.

Lugu 10:12

Ma m’ula sí təsərə, rəwta gə́ d’a gə gaŋg dɔ ɓee-boo’g neelé a kal dɔ ta gə́ gaŋg dɔ Sɔdɔm’g lé sula ya.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Njé gə́ Rɔmə 8:23

Deḛ neelé ɓa gə kar dee el, nɛ jeḛ gə́ j’isi gə Ndil gə́ tɔl meḛ sí bujuru lé kara jeḛ m’tuma̰ ŋgururu-ŋgururu sə dee na̰’d, ŋgina ne ndɔ gə́ Ala a kuga dɔ darɔ sí tel sí ne gə́ ŋgan ɓaaje ləa.

1 Njé gə́ Kɔrḭtə 2:9

Nɛ to gə́ ndaŋg taree mee maktub gə́ to gə kəmee ɓəd lé pana: To néje gə́ kəm dəw oo el ləm, Mbi dəw oo el ləma, Dəw la̰ji toree mée’g el ləm tɔ, Nɛ Ala nja wa dɔ gɔl néje neelé mba kar deḛ gə́ d’undá dan kəm dee’g.

1 Njé gə́ Kɔrḭtə 3:13

Mbata ndəa neelé gin kula ra dee a kinja gə́ raga wagəsa dan pər’g mbata pər a naa kula ra nana kara mba koo see to kula gə́ ban wa.

1 Njé gə́ Kɔrḭtə 9:25

Deḛ lai gə́ ndum na̰ lé d’ɔg rɔ dee dɔ néje’g ɓəd-ɓəd ti meḛ dee mbidi gə mba kiŋga ne dɔgugu gə́ a gə ŋgisi ya. Nɛ jeḛ lé n’ra gə mba kiŋga ne dɔgugu gə́ ŋgira kiŋ-kiŋ gə́ a gə ŋgisi el lé.

2 Njé gə́ Kɔrḭtə 5:2

Togə́bè ɓa kəi-surum neelé jeḛ j’wa mḭ n’tuma̰ keneŋ ŋgururu-ŋgururu, nɛ mal kəi-si sí gə́ dara lé ra sí ŋgwɔd-ŋgwɔd

Njé gə́ Pilibə 3:11

bèe ɓa məəm to yel mba kunda loo teḛ səa dan njé gə́ d’wəi’g ɓəi tɔ.

Njé gə́ Kolosə 1:5

Yee neelé seḭ raje mbata seḭ undaje meḛ sí yel dɔ né gə́ d’unda gə kəmee mbata lə sí mee ɓee gə́ dara ləm, mbata lə kankəmta gə́ to Tagə́maji gə́ d’ar kəm sí inja dɔ’g kédé lé ləm tɔ.

1 Njé gə́ Tesalonikə 1:10

Yee ɓa, seḭ ŋginaje ne Ŋgonee gə́ a gə kḭ dara lé yee ɓa to Jeju gə́ Ala aree unda loo teḛ dan njé gə́ d’wəi’g ləm, yeḛ gə́ ɔr sí dan oŋg gə́ a gə ree lé ləm tɔ.

1 Njé gə́ Tesalonikə 5:4

Seḭ ŋgako̰ síje gə́ sije dan loondul’g el lé ndəa neelé a teḛ dɔ sí’g asəna gə njeɓogo el.

2 Njé gə́ Tesalonikə 2:8

Ndəa neelé, yeḛ gə́ njekɔs Ala rəw lé a nduba rəa gə́ raga, nɛ lel ta Mbaidɔmbaije gə́ a tó dəa’g pu lé a tujee ne ləm, rɔnduba gə́ wɔji dɔ ndɔ ree ləa lé a guree naŋg rug-rug ləm tɔ.

1 Timote 6:19

Togə́bè ɓa, d’a mbo̰ nébaoje gə́ maji gə́ a kiriŋ kiriŋ-kiriŋ mee ndɔ gə́ a gə teḛ lé, bèe ɓa, d’a si gə kəməgə́ gə no̰ lé gə́ to kankəm né ya tɔ.

2 Timote 1:10

Nɛ yeḛ riba dɔ noji neelé ɓasinè ar sí loo gə́ yeḛ ar Jeju Kristi Mbaikaji lə sí ree ləm, aree ila ne tuji dɔ yoo’g ləma, ar kəm dəwje inja dɔ kəmə’g gə dɔ kankəmrɔ dee gə́ a to gə no̰ gə goo Tagə́maji ləm tɔ.

2 Timote 1:12

Yee ɓa, m’isi ne dan némeeko̰’g gə mbəa. Nɛ ma m’ra kəmkul dɔ’g el mbata yeḛ gə́ m’ɔm məəm dəa’g lé ma m’gəree gao ləm, m’unda ne məəm yel gə́ dəa’g mbata yeḛ askəm ŋgəm né gə́ m’ya̰ jia’g lé saar ndɔ gə́ boo’g lé ləm tɔ.

2 Timote 1:18

Maji kar Mbaidɔmbaije nja ar mée oso lemsé dəa’g mee ndɔ gə́ boo’g lé. Néje lai gə́ yeḛ ra am Epesə lé i gər maji unda dəwje gə́ raŋg lai.

2 Timote 2:5

Yeḛ gə́ uba mula gə maree, ɓó lé yeḛ ra lée’g el ndá d’a kula dɔgugu dəa’g el.

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,

Titə 2:13

Yee ɓa meḛ sí lel sí ar sí j’unda ne meḛ sí yel ŋgina ne ndɔ ndubarɔ lə Ala gə́ boo gə ka̰ Jeju Kristi, njekaji sí lé tɔ.

Ǝbrəje 12:11

Tɔgərɔ ya, né gə́ rara gə́ deḛ ra mba kwɔji sí ne kəmkàr lé kédé to kəmndoo ya ɓó rɔlel el, nɛ gée gə́ gogo ndá deḛ gə́ deḛ ra sə dee né togə́bè lé d’a si ne gə meekarabasur gə́ meḛ dee a kul ne tɔ.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

1 Piɛrə 1:4

Yee ɓa j’iŋga ne nénoji gə́ a kunda naŋg el ləm, a mina̰ el ləma, a ndòlé el ləm tɔ gə́ yeḛ unda kul dara

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.

Loo gə́ killa rea kəm Ja̰’g 4:10

Ndá ŋgatɔgje gə́ rɔ-joo-gir-dee-sɔ lé d’unda barmba dəb kəm dee naŋg no̰ yeḛ gə́ si kalimbai’g lé gə́ si gə ləbee-ləbee gə nea̰ d’wá ne meḛ dee’g ləm, deḛ tɔr ne dɔgugu lə dee d’ɔm no̰ kalimbai’g lé ləm tɔ pana:

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.