2 Timote 4:5 - Maktub gə́ To gə Kəmee

⁵ Nɛ i lé unda kəmkàr dɔ rɔi’g gə mba néje lai ləm, ai məəi sam-sam dan némeekonje’g ləm, ra kula gə́ wɔji dɔ kila mber Tagə́maji lé ləma, ɔr suna kula ləi lai lé ləm tɔ.

2 Timote 4:5 ပူးပေါင်းရင်းမြစ်များ

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Ejekel 3:17

Ma ŋgon-dəw lé n’undam gə́ njeŋgəmloo mbata gel-bɔje lə Israɛl. M’a koo ta gə́ teḛ ta neḛ’g ndá m’a kula dee mbata lə neḛ.

Ejekel 33:2

I ŋgon-dəw lé, pata ar ŋgalə koso-dəwje ləm ula dee pana: Loo gə́ m’ar dee ree gə kiambas dɔ ɓee gə́ kára’g nɛ koso-dəwje gə́ mee ɓee’g neelé d’ɔr dəw kára mbuna dee’g d’undá gə́ njeŋgəmloo ɓa

Ejekel 33:7

Ma ŋgon-dəw lé neḛ n’undam gə́ njeŋgəmloo mbata gel-bɔje lə Israɛl. M’a koo ta gə́ ḭ ta neḛ’g ndá m’a ndəji dee kar neḛ.

Matiyo 25:16

Léegəneeya kura ləa gə́ taa ŋgan larlɔr mi lé ɔd aw tel kəmee iŋga ne ŋgan larlɔr gə́ raŋg mi dɔ’g tɔ.

Mark 13:34

To kára ba asəna gə dəw gə́ uba kəi ləa ya̰ sí aw gə mbá’g. Yeḛ un ndia ar kuraje ləa ləm, yeḛ wɔji dee kula gə lée-lée ləma, yeḛ un ndia ar njeŋgəm takəi mba karee sí dɔkəjee’g kəgəgə tɔ.

Mark 13:37

Né gə́ ma m’ula sí lé ma m’ula dəwje lai to: sije dɔkəji sí’g kəgəgə ya.

Lugu 12:37

Kuraje gə́ ɓée deeje ree iŋga dee loo-kisi gə́ d’isi dɔkəji dee’g pèrèrè ndá rɔ dee a lel dee ya. Ma m’ula sí təsərə, yeḛ nja ɓa a tɔ kubu ləa njim-njim ləm, a kar dee d’wa na̰ ta ka-nésɔ’g ko̰-ko̰ ləma, a ree pər gə́ rɔ dee’g mba kar dee né d’usɔ ləm tɔ.

Néra Njékaḭkulaje 21:8

Bèlè lookàree j’ḭ keneŋ j’aw saar n’teḛ Sejare. Jeḛ j’aw kəi lə Pilibə gə́ to gə́ njekaw gə loo-loo kila mber tagə́maji lé. Yeḛ lé to njekɔm dee gə́ siri gə́ d’ɔr dee gə́ njékaa dɔ néje mee Eglisə gə́ Jerusalem lé ndá jeḛ n’to kəi ləa.

Njé gə́ Rɔmə 15:19

Yeḛ nja ɓa am siŋgamoŋ mba ra ne némɔrije gə né gə́ dum ra ləm, yeḛ ar siŋgamoŋ lə Ndil Ala nai səm ləm tɔ. Yee ɓa m’ila ne mber tagə́maji lə Kristi m’aree taa ne loo pəl-pəl un kudee Jerusalem saar teḛ Ilyri.

Njé gə́ Epesə 4:11

Yeḛ nja ɓa ar njé gə́ na̰je to gə́ njékaḭkulaje ləm, ar njé gə́ raŋg to gə́ njéteggintaje ləm, ar njé gə́ raŋg to gə́ njékilamber tagə́majije ləma, ar njé gə́ raŋg ya ɓəi to gə́ njékul dəwje gə njékɔrgootaje ləm tɔ,

Njé gə́ Epesə 4:12

gə mba kar deḛ gə́ to gə kəmee lé maji d’ɔr ne njoroŋ mba ra ne kulaje lé ləm, mba kar siŋga darɔ Kristi ḭ ne dɔ maree’g gə́ kédé-kédé ləm tɔ

Njé gə́ Kolosə 1:25

Ma m’tel m’to kura lə Eglisə neelé gə goo kɔm gə́ Ala nja ɔm kula neelé jim’g gə mba kam m’ɔr ne ta lə Ala ndəgəsə gə́ raga m’ar sí.

Njé gə́ Kolosə 4:17

Tɔɓəi ulaje Arsipə mba karee unda kəmkàr dɔ rəa’g dɔ kula gə́ d’ɔm jia’g gə ri Mbaidɔmbaije lé mba ra karee ɔr rɔd ya.

1 Njé gə́ Tesalonikə 5:6

Bèe ndá ar sí n’toje ɓi asəna gə ka̰ dəwje gə́ raŋg el, nɛ ar sí j’isije kəmba ləm, j’undaje kəmkàr dɔ rɔ sí’g ləm tɔ.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

1 Timote 4:15

Ɔm məəi dɔ néje’g neelé ləm, ula rɔi keneŋ mbiriri ləm tɔ mba kar dəwje lai d’oo ne loo néraje ləi gə́ aw ne kəmi gə́ kédé-kédé lé tɔ.

2 Timote 1:8

Bèe ndá maji kari ra kəmkul dɔ kɔr goo ta lə Mbaidɔmbaije lə sí el ləm, ma gə́ m’isi daŋgai’g gə mbəa kara ra rɔkul gə mbàm el ləm tɔ. Nɛ maji kula rɔi ndubu səm na̰’d mbata Tagə́maji lé gə goo siŋgamoŋ lə Ala ya.

2 Timote 2:10

Gelee gə́ nee ɓa, m’wa ne siŋgam kɔgərɔ dɔ néje’g lai mbata lə deḛ gə́ yeḛ mbər dee lé gə mba kar dee-deḛ nja kara d’iŋga kaji gin Jeju Kristi lé na̰’d gə rɔnduba gə́ to gə no̰ lé tɔ.

2 Timote 2:3

Ula rɔi ndubu səm na̰’d asəna gə njerɔ lə Jeju Kristi gə́ maji ya.

2 Timote 4:17

Mbaidɔmbaije nja la səm ləm, yeḛ to dərgelm ləm tɔ mba kar tagə́maji lé ɓar ne mḭ tam’g ləm, mba kar njépole-magəje lai d’oo taree ləm tɔ. Yeḛ am m’wa dɔm ta toboḭ’g m’bɔr.

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.

1 Piɛrə 1:13

Gelee gə́ nee ɓa maji kar sí ɔmje mina̰ wur sí’g go̰je ne loo soo-soo undaje meḛ sí yel ŋginaje ne noji gə́ d’a gə kwa sə sí ndɔ gə́ Jeju Kristi a kila rəa gə́ raga.

Loo gə́ killa rea kəm Ja̰’g 3:2

Teḛ kəmi ndá deḛ gə́ ta yoo dee nai tebdé bèe lé maji kari to gə́ kag gəd dee, mbata nérai lé m’oo gə́ né gə́ maji ɔr njoroŋ no̰ Ala’g el.