2 Timote 4:3 - Maktub gə́ To gə Kəmee

³ Mbata ndəa gə́ kàree a gə teḛ lé dəwje d’a taa ta ndoo gə́ gəd lé el. Nɛ mbi dee a ndo̰ dee səgə-səgə mba koo ne ta gə́ rii ndá d’a mbo̰ ne njéndoo dee néje gə́ d’a bula yaa̰ dɔ dee’g to gə́ meḛ dee-deḛ nja wɔji.

2 Timote 4:3 ပူးပေါင်းရင်းမြစ်များ

1 Mbaije 18:22

Tɔɓəi Eli ula koso-dəwje pana: Ma nja m’nai gə karm ba gə́ njetegginta lə Njesigənea̰ nɛ njéteggintaje lə Baal ɓa deḛ tɔl-sɔ-dɔ-dee-rɔ-mi (450).

1 Mbaije 22:18

Mbai gə́ Israɛl lé ula Josapat pana: See m’ulai ta ləa togə́bè el wa. Yeḛ lé tegginta gə́ maji wɔji ne dɔm el nɛ yeḛ ginta gə́ majel ya ɓa yeḛ teg wɔji ne dɔm-dɔm ya.

1 Mbaije 22:8

Mbai gə́ Israɛl ila Josapat’g pana: Dəw kára gə́ kəm kaw rəa’g dəjee ta lə Njesigənea̰ si keneŋ ya, nɛ ma m’ə̰jee bəḭ-bəḭ mbata yeḛ tegginta né gə́ maji kára kara gə́ wɔji dɔm el nɛ ta né gə́ majel ya ɓa yeḛ tegginee dɔm’g dɔm’g. Yeḛ to Mise, ŋgolə Jimla ya. Ndá Josapat pana: Maji kar mbai pata gə́ togə́bè el!

Teḛ-Raga 32:33

Njesigənea̰ lé ula Moyis pana: Nana ɓa gə́ ra kaiya ula ne sul dɔm’g lé ndá yeḛ nja ɓa m’a tuji ria mee maktub’g ləm.

Esai 28:12

Yeḛ ula dee kédé pana: Aa ooje, loo-kwa-rɔ to nee Ndá ya̰je loo arje yeḛ gə́ dao wa rəa keneŋ, Aa ooje, loo-kwa-rɔ to nee! Nɛ deḛ ndigi koo ta el.

Esai 30:10

Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 27:9

Bèe ndá ta lə njéteggintaje lə sí, gə njéndo̰-ərje lə sí, gə njékoo-né-gə-nije lə sí, gə njétən kéréméje lə sí, gə njémbeḛje lə sí gə́ d’ula sí pana: Seḭ a kosoje gel mbai gə́ Babilɔn’g el lé maji kar sí ooje el.

Jeremi 29:8

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Maji kar sí ya̰je loo arje njéteggintaje lə sí, gə njénékooje lə sí gə́ d’isi mbuna sí’g lé su kəm sí el. Ɔmje meḛ sí dɔ njekɔr gel nije gə́ d’aw d’ɔr gel nije lə sí lé el ləm tɔ.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Misee 2:11

Ɓó lé dəw aiŋgwɔd goo lel’g ləm, Un kudu pa taŋgɔmje ləm tɔ pana: Neḛ ndigi tegginta gə́ wɔji dɔ mán-nduú ləm, Gə nékaije gə́ mḭ yaa̰ ləm tɔ! Ndá koso-dəwje d’a koo debee neelé gə́ njetegginta ya.

Lugu 20:19

Mee kàree’g neelé mbai dɔ njékinjanéməsje-je gə njéndaji-maktubje ndiŋga rɔ dee gə mba kwá gə ji dee peb nɛ deḛ ɓəl koso-dəwje. Mbata deḛ gər gao, Jeju pa gosota neelé wɔji ne dɔ dee-deḛ ya.

Lugu 6:26

Seḭ gə́ dəwje lai d’ɔr ta lə sí maji lé meeko̰ a koso dɔ sí’g mbata ka deeje lé to gə́ njéra né togəbèje gə njéteggintaje gə́ ŋgɔm lé bèe tɔ.

Tagə́maji gə́ Ja̰ ndang 8:45

Ma lé kankəmta gə́ m’ula sí ɓa seḭ ɔmje ne meḛ sí dɔm’g el gə mbəa.

Néra Njékaḭkulaje 17:21

(Njé gə́ Aten lai gə dəwje gə́ d’ḭ dɔ ɓeeje gə́ raŋg gə́ d’isi keneŋ lé ta gə́ kwɔji ləm, gə ta gə́ koo ləm tɔ ɓa gə́ néra dee ɓó né gə́ raŋg gə́ néra dee el.)

1 Njé gə́ Kɔrḭtə 2:1

Ŋgakɔmje, loo gə́ m’aw ɓee lə sí lé ma m’aw m’ila mber ginta lə Ala lé gə ta gɔŋgé-négər gə kəmkàr ɓa el.

1 Njé gə́ Kɔrḭtə 2:4

Ta gə́ m’ndoo sí lé m’goso sí ne gə́ goso el ləm, ta gə́ inja paw kara m’pa el ləm tɔ. Ta gə́ nuŋga so lé Ndil ɓa am m’pa taree gə siŋgamoŋ

Njé gə́ Galati 4:16

Kankəmta gə́ ma m’ula sí lé see yee ɓa m’tel m’to ne njeba̰ lə sí wa.

1 Timote 1:10

gə mba kar néra dee gə́ to njékəmndaje ləm, əsé ram-dəwje ləm, əsé njéndogo dəwje ləm, əsé gə njéŋgɔmje ləm, gə njékusu dɔ rɔ deeje ləma, əsé gə dəw gə́ rara ɓa ɔs kankəmta rəw ləm tɔ lé a to raga pai-pai ya.

2 Timote 1:13

Tɔs kəmi dɔ kankəmta gə́ i oo tam’g, ra née gə meekun ləm, gə meenoji gə́ ḭ rɔ Jeju Kristi’g ləm tɔ.

Jude 1:18

Deḛ d’ula sí pana: ndɔ gə́ rudu lé njédəjinduje d’a si keneŋ ya, d’a ra gə goo mal néje gə́ yèr gə́ ra dee lé.