2 Timote 3:3 - Maktub gə́ To gə Kəmee

³ D’a to njémeekədərəje ləm, gə njélal koo kəmtondoo lə mar deeje ləm, gə njétədtaŋgɔm kunda ta mar deeje’g ləm, gə njékwaŋgaŋ rɔ deeje el ləm, gə njéra nékərm-kərmje ləma, gə njéba̰je lə dəwje gə́ njéra néje gə́ maji ləm tɔ.

2 Timote 3:3 ပူးပေါင်းရင်းမြစ်များ

Gḭ-Néje 49:7

Ndɔl a kwa dɔ oŋg lə dee mbata to oŋg gə́ nuŋga kəd-kəd ləm, Gə dɔ oŋg gə́ ḭ sə dee pu ar dee ra néra gə́ gə bɔsɔrɔ ləm tɔ. M’a kai dee mbuna Jakobje’g ləm, M’a sané dee mbuna Israɛlje’g ləm tɔ.

Pakɔsje 15:4

Dəw gə́ to kḛji lé Yeḛ ée gə kəm dɔbee, Nɛ deḛ gə́ ɓəl Njesigənea̰ lé ɓa Yeḛ ila riɓar dɔ dee’g. Loo gə́ yeḛ un ndia gə rɔkubu ɓa kədərə səa kara Yeḛ pa njaŋg ɓó yeḛ tel gə ndia gogo el.

Pakɔsje 22:6

Deḛ no̰ gə́ rɔi’g ndá d’aji ne ləm, Deḛ d’ɔm meḛ dee dɔi’g ndá kəm sɔḭ ɓar ri dee el ləm tɔ.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Loo gə́ killa rea kəm Daniel’g 8:23

Loo gə́ rudu dum dɔ loo lə dee a kun ɗiao ləm, loo gə́ njékaiyaje d’a kar kaiya ra dee al dɔ loo sula ləm tɔ ndá mbai gə́ a to njekəmkədərə gə njegosoyèr a kḭ keneŋ.

Matiyo 10:21

Noji na̰je gə́ diŋgam d’a tuji na̰ gə yoo ləm, bɔ ŋgon deḛ gə ŋgonee d’a ra bèe ləma, ŋganje kara d’a kḭ dɔ njékoji deeje’g gə mba tɔl dee ləm tɔ.

Matiyo 4:1

Yen ŋga Ndil ɔs Jeju ɓɔḭ-ɓɔḭ aree ur dɔdilaloo’g mba kar njekurai aḭ mée.

Lugu 10:16

Yeḛ gə́ oo ta lə sí ndá yeḛ oo ta ləm-ma ya tɔɓəi yeḛ gə́ ɔs sí-seḭ rəw lé ndá yeḛ ɔsm-ma rəw ya tɔ. Dəw gə́ ɔsm-ma rəw lé ndá yeḛ ɔs dəw gə́ njekulam lé rəw ya tɔ.

Lugu 16:14

Parisiḛje gə́ to njéko̰laolarje d’aar keneŋ d’oo ta ləa lai neelé ndá deḛ kogo ne.

Tagə́maji gə́ Ja̰ ndang 6:70

Jeju ila dee keneŋ pana: See to ma nja ɓa m’ɔr sí dɔg-gir-sí-joo lé el wa. Nɛ yeḛ gə́ kára mbuna sí’g lé to gə́ njendil gə́ yèr.

Njé gə́ Rɔmə 1:29

Deḛ d’ar néra gə dɔ najee el ləm, gə néra majelje ɓəd-ɓəd ləm, gə néra gə́ yèr ləma, gə meeyèr ləm tɔ lé taa meḛ dee pəl-pəl. Kəmkəḭ ləm, gə tɔl dəw ləm, gə kɔl na̰ ləm, gə kərgoso ləma, gə kəm ŋgununu ləm tɔ lé rusu meḛ dee tɔ.

Njé gə́ Rɔmə 1:31

Ŋgonkoji to rɔ dee’g nda̰ bèe el ləm, d’unda na̰ dan kəm na̰’d el ləma, d’oo kəmtondoo lə mar deeje el ləm tɔ.

1 Njé gə́ Kɔrḭtə 7:5

Ɔgje na̰ rɔ sí el. Ɓó lé seḭ gaŋgje rɔ sí ŋgəji ndá kara arje meḛ sí asəna keneŋ mba ra tamaji na̰’d waga ɓa a tel kiŋgaje na̰ ɓəi nà banelə malee gə́ ra sí lé Njekurai a kər sí ne.

1 Njé gə́ Kɔrḭtə 7:9

Nɛ ɓó lé d’askəm si boa el ndá maji kar dee taa na̰ ya mbata taa dené gə taa ŋgaw lé maji yaa̰ unda kaw kari ba kula rɔi pər.

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

1 Timote 3:11

Maji kar denéje lə dee kara to gə́ njémeekaraje ləm, gə njékaw yururuje ləma, d’a to ŋgonkoji dɔ néje’g lai ləm tɔ ɓó d’a to njékɔs dɔ dəw gə tarje el.

Titə 1:8

Nɛ maji karee to njekwambá bur-bur ləm, gə njekɔrkura gə njéra némajije ləm, gə njemeendər ləm, gə njera né gə́ gə goo rəbee ləm, gə a to dəw gə́ to gə kəmee ləma, əsé gə njekwarea səm kaw ləm tɔ.

Titə 2:3

Maji kula denéje gə́ tɔg lé mba kar néra dee inja paw gə meenda ləm, kar dee d’unda nani el ləm, kar dee d’wa rɔ dee gə́ ɓərje lə kido el ləma, kar dee ndoo ne dəwje ta gə́ maji ləm tɔ.

Maktub gə́ Jak ula ne ar ngan-Allaje 2:6

Seḭ nja, seḭ ilaje rɔkul dɔ njendoo’g. See baoje lé d’ula busu dɔ sí’g el wa. See to deḛ nja ɓa ndɔr sí d’ɔm sí loo-gaŋg-rəwtaje’g lé el wa.

2 Piɛrə 2:14

Mɔdkaiya ula pər meḛ dee’g biriri-biriri, ŋgur kaiya gə́ ra dee lé ɔr meḛ dee’g el, dəwje gə́ gɔl dee wa naŋg el lé deḛ su kəm dee ndɔr dee ne goo dee’g, deḛ to njékwəiyoolarje, deḛ to ŋgan njékilandɔl dɔ loo’gje tɔ.

2 Piɛrə 2:19

Deḛ d’un ndu dee d’ar dee pana: N’a kar deeje d’ɔr dɔ dee kúla’g, nɛ deḛ nja nai dan ɓər’g lə kaiya-dɔ-kudu’g, mbata dəw lé né gə́ dum dəa ɓa yeḛ nai gə́ ɓər ləa ya.

2 Piɛrə 3:3

Kona ta gə́ kəm gər kédé lé ɓa to nee: Ndəa gə́ rudee a gə kun ɗiao lé ndá njédəjinduje d’a kḭ gə ta dəjinduje lə dee lé deḛ gə́ d’a gə ra né gə goo malee gə́ ra dee-deḛ lé

Jude 1:16

Deḛje neelé deḛ to njémeekadje gə́ d’unda ndu d’im ne rɔ dee jim-jim ləm, d’ar mal néje gə́ ra dee ula pər meḛ dee’g ləm, kəsta ɓa ubu na̰ ta dee’g pur-pur ləma, deḛ to njélèbè kəm mar deeje gə nojimeekas ləm tɔ.

Jude 1:18

Deḛ d’ula sí pana: ndɔ gə́ rudu lé njédəjinduje d’a si keneŋ ya, d’a ra gə goo mal néje gə́ yèr gə́ ra dee lé.

Loo gə́ killa rea kəm Ja̰’g 13:15

Yeḛ iŋga siŋga gə mba kar néndaji da neelé tel si kəmba mba kar néndaji da neelé pata ləm, yeḛ ra né mba kar deḛ lai gə́ d’wa néndaji da neelé meḛ dee’g el lé d’a tɔl dee ləm tɔ.

Loo gə́ killa rea kəm Ja̰’g 13:17

Nana ɓa gə́ si gə ri da neelé əsé nétura néndaji ria lé el ndá a koo loo mba ndogo né gə dəwje el.

Loo gə́ killa rea kəm Ja̰’g 16:6

Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya.

Loo gə́ killa rea kəm Ja̰’g 17:6

Ma m’oo dené lé, məs deḛ gə́ to gə kəmee ləm, gə ka̰ njékɔrgootaje lə Jeju gə́ d’wəi mbata ləa ləm tɔ tɔl dené lé asəna gə mán-nduú gə́ mḭ gə́ ai.