2 Timote 3:16 - Maktub gə́ To gə Kəmee

¹⁶ Taje lai gə́ to mee maktub’g neelé to ta gə́ ḭ ta Ala’g ya, maji mba ndoo dee ne ləm, mba ndaŋg dee ne ləm, mba gɔl dee ne ləma, mba tɔji dee ne né gə́ to gə dɔ najee ləm tɔ

2 Timote 3:16 ပူးပေါင်းရင်းမြစ်များ

2 Samel 23:2

Ndil Njesigənea̰ unm pa ne ta, Ta ləa to ndo̰m’g ya.

Nehemi 9:20

I ar dee ndili gə́ maji Mba kar kəm dee àr ne ləm, I ɔg dee muru ləi gə́ ḭ dara el ləma, I ar dee mán d’ai mbata kṵdaman gə́ tɔl dee ləm tɔ.

Pakɔsje 119:11

Ma lé m’wa məəm kɔgərɔ dɔ ta’g ləi Gə mba karm m’ra kaiya m’ɔsi ne rəw el.

Pakɔsje 119:130

Ta ləi gə́ riba dəa lé ar loo ndogó ne jol-jol Ar deḛ gə́ négər na meḛ dee tas lé d’iŋga gosonégər.

Pakɔsje 119:9

See ŋgon gə́ basa lé A ra kila-rəw ləa karee təd pal ŋgad-ŋgad to gə́ ban wa. Maji karee njaa gə goo ta ləi ɓa.

Gosota-Kəmkàrje 15:10

Yeḛ gə́ uba kila-rəw gə́ dana ya̰ lé Ndəi a kwá yaa̰ Yeḛ gə́ ə̰ji ta gə́ pa səa bəḭ-bəḭ lé A kwəi.

Gosota-Kəmkàrje 15:31

Yeḛ gə́ ur mbia gèŋ dɔ taje gə́ pa ne səa mba kajee ne lé Loo-siée a to dan njékəmkàrje’g.

Gosota-Kəmkàrje 6:23

Mbata godndu lé to gə́ pərndɔ ləm, Tandoo lé to lookàr ləma, Tandəji-kɔr gə mba gɔli ne lé To gə́ rəw gə́ ka̰ kəmə ləm tɔ.

Misee 2:7

Seḭ ŋgaka Jakob, See seḭ a paje ta gə́ togə́bè wa. See Njesigənea̰ to njekḭ kalaŋ Kar mée ḭ səa jugugu wa. See yee gə́ bèe ɓa gə́ nérea wa. See taje ləm lé maji lə dee to keneŋ Mbata lə yeḛ gə́ njaa danasur el wa.

Soponi 3:2

Yeḛ oo ta lə dəw kára kara el ləm, Oo takwɔji-kəmkàr gə́ né el ləm, Ɔm mée dɔ Njesigənea̰’g el ləma, Yeḛ rəm pər gə́ rɔ Ala’g ləa el ləm tɔ.

Matiyo 13:52

Yeḛ ula dee pana: Bèe ɓa njendaji-maktub gə́ rara kara gə́ ndoo néje gə́ wɔji dɔ ɓeeko̰ gə́ dara lé ndá yeḛ to asəna gə njekəi gə́ tɔr nébaoje ləa gə́ sigi-sigi gə njé gə́ ləw-ləw rab raga.

Matiyo 21:42

Yen ɓa Jeju ula dee pana: See ta nee gə́ to mee maktub gə́ to gə kəmee lé seḭ turaje el wa. Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ. Mbaidɔmbaije ɓa ra ar sí. To né gə́ dum kəm sí ya tɔ.

Matiyo 22:43

Jeju tel dəji dee pana: Bèe ŋga see ban ɓəi ɓa Dabid ɓaree Mbaidɔmbaije loo gə́ Ndil ula ta mée’g aree pana:

Matiyo 26:54

See nérea gə́ togə́bè ɓa a kar ta gə́ to mee maktub gə́ to gə kəmee lé aw ne lée’g béréré to gə́ banwa.

Matiyo 26:56

Nɛ né neelé teḛ togə́bè mba tɔl ne ta gə́ njéteggintaje ndaŋg mee maktub’g lé bém. Yen ŋga njékwakiláje lai d’ubá d’yá̰ buŋga na̰ d’aḭ d’aw.

Mark 12:24

Jeju ila dee keneŋ pana: Tapa sí ur sí walá mbata seḭ gərje ta gə́ to mee maktub gə́ to gə kəmee lé el ləm, seḭ gərje siŋgamoŋ lə Ala lé el ləm tɔ.

Mark 12:36

Dabid nja kara Ndilmeenda taa mée aree pana: Mbaidɔmbaije lé ula Mbai ləm pana: Sí dɔ jikɔlm’g saar Mba karm m’ar njéba̰je ləi tel to nétura-gɔl-kɔm ləi lé.

Tagə́maji gə́ Ja̰ ndang 10:35

Ɓó lé godndu lé ɓar deḛ gə́ ta lə Ala lé oso mbi dee’g gar-Alaje ləm, ɓó lé godndu lé ta kára kara gə́ to keneŋ a kudu el ləm tɔ

Tagə́maji gə́ Ja̰ ndang 3:20

Mbata nana ɓa gə́ ra majel ndá yeḛ to njekḛji lookàr gə́ kḛji ya, yeḛ mbad ree lookàr’g lé saar, nà banelə nérea a kinja gə́ raga.

Néra Njékaḭkulaje 1:16

Ŋgakɔmje gə́ dəwje, ta gə́ Dabid pa gə torndu Ndilmeenda mee maktub gə́ to gə kəmee gə́ wɔji dɔ Judas, yeḛ gə́ njekɔrno̰ deḛ gə́ d’wa Jeju lé taree aw lée’g béréré ya.

Néra Njékaḭkulaje 18:25

Yeḛ to dəw gə́ kəmee inja dɔ rəw’g lə Mbaidɔmbaije ləm, ndilee ɔs pər keneŋ jəgəgə ləma, yeḛ ula dəwje ta gə́ wɔji dɔ Jeju ndoo dee gə goo rəbee loo kára ba sur ləm tɔ. Nɛ batɛm ra lə Ja̰ ya kára ba sur ɓa gər.

Néra Njékaḭkulaje 20:20

Seḭ gərje gao ma m’lɔm sə sí dɔ né gə́ njekorè sí més loo-kula’g lé el ləm, ma m’ɓəl ndəji sí əsé ndoo sí né raga kəm dəwje’g əsé mee kəije’g el ləm tɔ.

Néra Njékaḭkulaje 20:27

Mbata torndu Ala lai lé ma m’wɔji sí ɓó m’kusu dəa kára kara bèe el.

Néra Njékaḭkulaje 28:25

Loo gə́ deḛ d’ḭ sa rɔ dee mbata d’ɔr kəm na̰ lé ndá Pool ila ta nee keneŋ kára pana: Ta gə́ Ndilmeenda ula ka síje gə ndu Esai njetegginta lé pa lée’g ya mbata yeḛ pana:

Njé gə́ Rɔmə 15:4

Mbata taje lai gə́ deḛ ndaŋg mee maktub’g kédé lé deḛ ndaŋg gə mba ndoo sí ne mba kar mbɔl dɔ meekila gə ta gɔl mee gə́ maktub gə́ to gə kəmee ar sí lé jeḛ j’unda ne meḛ sí yel ya.

Njé gə́ Rɔmə 2:20

gə njetɔji mbə-dəwje kəmkàr ləma, gə njendoo ŋganje ləm tɔ. Mbata godndu lé ari sí ne gə darɔ gosonégər gə kankəmta.

Njé gə́ Rɔmə 3:2

Gelee bula ya, nɛ gelee gə́ kára gə́ ur dɔ dee’g lai lé yee ɓa gə́ godndu Ala gə́ yeḛ ɔm ji dee-deḛ’g ya.

Njé gə́ Rɔmə 4:23

Taree gə́ deḛ ndaŋg mee maktub gə́ to gə kəmee gə́ pa pana: Yeḛ tura meekun ləa gə́ darɔ meekarabasur ləa lé deḛ ndaŋg mbata ləa-yeḛ gə karee el

1 Njé gə́ Kɔrḭtə 12:7

Ndil ɓa to meḛ dəwje’g kára-kára lai kinja gə kula ra dee ɓəd-ɓəd mba kar dee d’unda ne na̰ maji’g.

Njé gə́ Galati 3:8

Tɔɓəi maktub gə́ to gə kəmee lé wɔji lée kédé oo to gə́ Ala a gə kar njétareeje tel to gə́ njémeekarabasurje gə goo meekun ndá ɔr ne goo tagə́maji neelé ar Abrakam kédé pana: Ginkoji dəwje gə raŋg lai d’a kiŋga dɔkaisəgərə ginee’g ya.

Tel tura Godndu 4:36

Yeḛ ar sí ooje ndia gə́ ɓar mee dara’g gə mba ndoo sí ne né, yeḛ ar sí ooje pər ləa gə́ boo dɔ naŋg nee ləm, seḭ ooje taje ləa gə́ pa dan pər’g ləm tɔ.

2 Timote 2:25

Deḛ gə́ d’oma̰ səa kara yeḛ a gɔl dee gə ndu noji ya mba kar Ala ar dee d’un ne kəm dee rəw dɔ kaiya’g lə dee mba kar kəm dee inja dɔ kankəmta’g tɔ.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

Ǝbrəje 11:1

Meekun lé see to ɗi wa. Néje gə́ meḛ sí to yel dɔ’g ɓa j’wa peb el ɓəi nɛ meḛ sí ɓa to dɔ’g bururu ya. J’oo gə kəm sí el ɓəi nɛ meḛ sí ɓa oo mba̰ tɔ.

Ǝbrəje 3:7

Gelee gə́ nee ɓa, goo ta gə́ Ndilmeenda pa lé: Ɓogənè lé ɓó lé seḭ ooje ndia

Ǝbrəje 4:12

Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.