2 Timote 3:13 - Maktub gə́ To gə Kəmee

¹³ Nɛ dəwje gə́ njémeeyèrje ləm, gə njékəstaje ləm tɔ lé néra dee gə́ majel a kal dɔ loo gə́ kédé-kédé. D’a sula ne mar deeje kar dee ndəm ne ləm, darɔ dee-deḛ nja kara d’a kigi ne pá ləm tɔ.

2 Timote 3:13 ပူးပေါင်းရင်းမြစ်များ

Maktub gə́ wɔji dɔ Jɔb 12:16

Siŋgamoŋ gə kunda kəmkàr dɔ rɔ’g to kea̰, Yeḛ gə́ ndəm rəw əsé ar mareeje ndəm rəw kara yeḛ dum dɔ dee joo bɔr.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Ejekel 8:13

Yeḛ ulam pana: M’a koo boo-néje gə́ raŋg gə́ mina̰ jɔmri-jɔmri gə́ deḛ d’aw ra ya ɓəi.

2 Njé gə́ Kɔrḭtə 6:8

Jeḛ nduba rɔ sí kà əsé jeḛ ndəm rɔ sí səm ləm, deḛ ɓar ri sí gə́ majee əsé majel ləm tɔ. Jeḛ n’to kankəm dəwje ya nɛ deḛ d’oo sí gə́ njéŋgɔmje ləm,

1 Timote 4:1

Ndil ɓa riba dəa təsərə pana: Ndəaje gə́ rudee a gə kun ɗiao lé njé gə́ na̰je d’a tusu meekun lə dee kya̰ mba kwa goo ndilje gə́ njésutaje ləm, mba kula rɔ dee mbiriri dɔ ta’g lə ndilje gə́ yèr ləm tɔ.

2 Timote 3:8

To gə́ Janes gə Jambres d’ɔs ta lə Moyis rəw lé deḛ kara d’ɔs kankəmta rəw d’aar ne ŋgəd-ŋgəd tɔ. Takə̰ji lə dee to ta gə́ yèr ləm, meekun lə dee ɓa lé naa kara a kwa loo wodolo ləm tɔ.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

2 Piɛrə 2:20

Tɔgərɔ ya, deḛ gə́ gər Mbaidɔmbaije lə sí Jeju Kristi, yeḛ gə́ Njekaji sí ɓa d’ḭ ne dan néje gə́ mina̰ gə́ dɔ naŋg nee d’unda ne loo teḛ lé ɓó lé deḛ tel d’unda rɔ dee keneŋ d’aree dum dee tɔɓəi ndá tel dɔ néra dee gə́ gogo lé a ree majel dɔ dee’g unda nje gə́ kédé ŋga.

2 Piɛrə 3:3

Kona ta gə́ kəm gər kédé lé ɓa to nee: Ndəa gə́ rudee a gə kun ɗiao lé ndá njédəjinduje d’a kḭ gə ta dəjinduje lə dee lé deḛ gə́ d’a gə ra né gə goo malee gə́ ra dee-deḛ lé

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 13:14

Nékɔbje gə́ d’un ndu dee d’aree mba ra lé yeḛ su ne kəm dəwje gə́ dɔ naŋg nee su-su ləm, yeḛ ula dəwje gə́ dɔ naŋg nee mba kar dee ndaji rɔ da gə́ kédé gə́ iŋga doo-kiambas neelé ɓa aw kəmba bèe ləm tɔ.

Loo gə́ killa rea kəm Ja̰’g 18:23

Pərndɔ a ndogó ɓee ləi el ŋga ləm, ndu njédené sigije gə denéje lə dee a ɓar ɓee’g ləi gogo el ŋga ləm tɔ, mbata njételkəmlarje ləi to dəwje gə́ boo dɔ naŋg nee ləm, mbata nésukəmlooje ləi lé i su ne kəm ginkoji dəwje gə raŋg lai su-su ləma,