2 Timote 3:11 - Maktub gə́ To gə Kəmee

¹¹ gə nékəmndooje gə némeekonje gə́ teḛ dɔm’g ləm tɔ. Némeeko̰je gə́ teḛ dɔm’g Antiɔs, gə Ikɔnə, gə Listrə ləm, gə nékəmndooje gə́ ram yaa̰ ləm tɔ lé i gər gao ya tɔ. Nɛ Mbaidɔmbaije taa dɔm ya.

2 Timote 3:11 ပူးပေါင်းရင်းမြစ်များ

Gḭ-Néje 48:16

Maji kar kura lə Ala gə́ dara gə́ njekɔrm dan némajelje’g lai lé Tɔr ndia dɔ basaje’g neelé! Maji kar rim to dɔ dee’g, Gə ri bɔmje-je gə́ Abrakam gə Isaak ləm, Maji kar dee tel bula d’ḭ ne dɔ maree’d gə́ kédé-kédé Mbuna njé gə́ naŋg neelé ləm tɔ!

2 Samel 22:1

Dabid, ula Njesigənea̰ ta gə pa neelé loo gə́ yeḛ ɔree ne ji njéba̰je’g ləa lai ləm, gə ji Sawul’g ləm tɔ.

2 Samel 22:49

Gə njekɔrm ji njéba̰je’g ləm ləm tɔ! I nja unm gə́ tar undam dɔ njékoma̰ səmje’g ləm, I ɔrm ji njéra né kərm-kərmje’g ləm tɔ.

Pakɔsje 34:19

Njesigənea̰ aar mbɔr deḛ gə́ ɓəŋgərə dee ti dus’g lé Yeḛ aji deḛ gə́ ndil dee unda bala tigi-tigi lé tɔ.

Pakɔsje 37:40

Njesigənea̰ nja to gə́ njela sə dee ləm, gə njetaa dɔ dee ləm tɔ, Yeḛ ɔr dee ji njémeeyèrje’g aji dee ne Mbata deḛ nja saŋg njo̰loo-kula-dɔ dee rəa’g.

Pakɔsje 91:14

Mbata yeḛ undam dan kəmee’g Bèe ɓa m’a karee ɔr dəa kúla’g, M’a kaḭ bada dəa’g Mbata yeḛ gər rim tɔ.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Jeremi 1:19

Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Loo gə́ killa rea kəm Daniel’g 6:27

Ma m’un ndum mba kar goo ɓeeko̰ ləm lai lé dəwje ɓəl Ala lə Daniel ləm, ndəb pəd-pəd nea̰’g ləm tɔ. Mbata yeḛ nja ɓa to Ala gə́ Njesikəmba ləm, Gə Njesigənea̰ ləm tɔ, Ɓeeko̰ ləa lé a tuji nda̰ el ləm, Dum dɔ loo ləa kara A to saar-saar gə no̰ ləm tɔ.

Néra Njékaḭkulaje 13:14

D’ḭ Perjə d’aw kəm dee gə́ kédé saar teḛ Antiɔs dɔ naŋg gə́ Pisidi. D’andə d’aw mee kəi-kwa-dɔ-na̰’g gə ndɔ-kwa-rɔ d’isi keneŋ.

Néra Njékaḭkulaje 13:45

Loo gə́ Jibje d’oo boo-dəwje neelé ndá kəmkəḭ rusu meḛ dee njḭ-njḭ ar dee d’oma̰ gə Pool gə tamaḭ ləm, gə tajikil ləm tɔ.

Néra Njékaḭkulaje 14:8

Dəw kára gə́ gɔlee unda ndolé mee kea̰je’g ɓa d’ojee ɓəi aree oo loo kuba naŋg kḭ njaa ndɔ kára el lé si Listrə.

Néra Njékaḭkulaje 20:19

M’ula dɔm m’ra ne né m’ar Mbaidɔmbaije ləm, m’isi gə mán-no̰ kəm’g dan né gə́ naam’g loo kumum rəw’g lə Jibje ləm tɔ.

Néra Njékaḭkulaje 23:10

To gə́ tamaḭ lə dee oso mbo-boo bèe ŋga ɓé-njérɔje lé ɓəl pana: Dəwje neelé d’a kḭ kwa Pool tiee mbidi-mbidi ndá yeḛ un ndia ar njérɔje ree d’ɔree dan dee’g gə mba kaw səa gadloo’g lə dee.

Néra Njékaḭkulaje 26:17

Ma m’kɔdi dan koso-dəwje’g neelé ləm, gə dan njépole-magəje gə́ m’a gə kulai par gə́ rɔ dee’g lé ləm tɔ,

Néra Njékaḭkulaje 26:22

Nɛ mbɔl dɔ la gə́ Ala lé la səm lé m’isi ne saar m’teḛ ɓogənè m’ɔr ne goo ta ləa no̰ mbaije’g ləm, gə no̰ dəwje gə́ kari ləm tɔ. Ta néje gə́ njéteggintaje ləm gə Moyis pa ləm pana: A gə ree lé yee ɓa m’aar dɔ’g ɓó m’ya̰ rəbee bèe el.

Néra Njékaḭkulaje 9:16

Tɔɓəi ma nja m’a tɔjee loo némeeko̰ gə́ a kiŋgá gə mbata lə no̰’m gə́ yeḛ a kunda lé karee oo gao ya ɓəi.

Njé gə́ Rɔmə 15:31

gə mba karee ɔrm ji njémeetɔ kujitaelje’g gə́ d’isi Jude ləm, gə mba kar nénojikwaje gə́ m’ɔd m’aw ne Jerusalem lé a taa kəm deḛ gə́ to gə kəmee rəgm ləm tɔ.

2 Njé gə́ Kɔrḭtə 1:5

To gə́ némeeko̰ lə Kristi taa rɔ sí pəl-pəl lé né gə́ ka̰ gɔl meḛ sí kara ḭ rɔ Kristi’g gə mba gɔl sí ne tɔ.

2 Njé gə́ Kɔrḭtə 1:7

Meḛ sí gə́ to yel gə́ dɔ sí’g lé to ne njaŋg ya mbata jeḛ n’gər gao ɓó lé seḭ ɔmje sə sí na̰’d yəg dan némeeko̰’g ndá seḭ a kɔmje sə sí na̰’d yəg dan négɔl meḛ sí’g tɔ.

2 Njé gə́ Kɔrḭtə 12:10

Gelee gə́ nee ɓa, m’isi gə məəm gə́ kulɔm dan rəm’g lé ləm, gə dan tajikil gə́ deḛ tajim ləm, gə dan némeeko̰ gə́ ram’g lé ləm, gə dan kəm gə́ deḛ d’ula ndòo’g ləma, gə dan néyooje gə́ d’aḭ dɔm sub ləm tɔ, yee ɓa to néram gə mba Kristi, mbata loo gə́ m’isi loo rəm’g lé kara yen ɓa, ma m’tel m’to ne njesiŋgamoŋ ya.

2 Timote 4:7

Ma m’rɔ rɔ maji ləm, ma m’ɔr suna rəw ləm njal ləma, m’aar dɔ meekun’g kɔgərɔ ləm tɔ.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.