2 Timote 2:7 - Maktub gə́ To gə Kəmee

⁷ Ǝ̰ji goo taje lai gə́ ma m’ulai lé ndá Mbaidɔmbaije a kar kəmi inja dɔ néje’g lai.

2 Timote 2:7 ပူးပေါင်းရင်းမြစ်များ

1 Sôrta Gḭka-Israɛlje 22:12

Maji kar Njesigənea̰ ari kəmkàr gə gosonégər ləm, ari o̰ ɓee dɔ Israɛlje’g aa ne dɔ godndu Njesigənea̰, Ala ləi kər-kər ləm tɔ.

1 Sôrta Gḭka-Israɛlje 29:19

Maji kari ar mee ŋgonəm Salomo̰ to kára ba sur gə mba karee aa ne dɔ tornduije gə ndukunje ləi gə godnduije gə mba karee ra née ləm, mba karee ra ne kəi-mbai gə́ m’wa dɔ gɔl néje gə mbəa lé ləm tɔ.

Pakɔsje 119:125

Ma lé m’to kura ləi ya, Maji kari am gosonégər Gə mba karm m’gər ne tornduije lé.

Pakɔsje 119:144

Tornduije lé to gə dɔ najee saar gə no̰, Maji kari am gosonégər mba kam m’isi ne kəmba ya.

Pakɔsje 119:73

Jii ɓa undam ləm, uba ne kag rɔm ləm tɔ, Maji kari am gosonégər Mba karm m’ndoo ne godnduije lé ya.

Pakɔsje 64:9

Ndo̰ dee lé to gin koso lə dee, Deḛ lai gə́ d’oo dee lé d’unda ne dɔ dee widi-widi.

Gosota-Kəmkàrje 24:32

Né gə́ m’oo lé m’ə̰ji ginee məəm’g Ndá m’iŋga ne tandoo keneŋ ya.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 28:26

Ala ləa ndée rəw gə́ kəm karee njaa keneŋ ləm, Yeḛ tɔjee néje gə́ kəm ra ləm tɔ.

Esai 5:12

Kṵdu-ka, gə kṵdu-ko̰dè, Gə dalè-bajiŋ, gə buula, gə mán-nduú gə́ mḭ ɓa D’ɔs ne kudu ra naḭje lə dee. Nɛ deḛ d’oo kula ra Njesigənea̰ gə́ né el ləm, Kulaje gə́ jia ra lé d’oo el ləm tɔ.

Loo gə́ killa rea kəm Daniel’g 1:17

Basaje gə́ sɔ neelé Ala nja ar kəm dee inja dɔ négər’g ləm, ar dee to ne njégosonégərje gə́ wɔji dɔ maktubje gə dɔ kəmkàr’g ləm tɔ, Daniel kara askəm gər gin némḭdije gə nénije lai tɔ.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Lugu 24:45

Yen ŋga yeḛ ar meḛ dee tɔ kujita gə mba kar dee gər ne gin ta gə́ mee maktub gə́ to gə kəmee lé tɔ.

Lugu 9:44

Seḭje ɓa yḛ̀, né gə́ m’a gə kula sí taree neelé maji kar sí ooje maji. Ŋgon-dəw lé d’a gə kulá ji dəwje’g.

Tagə́maji gə́ Ja̰ ndang 14:26

Nɛ Ndilmeenda gə́ njenai sə sí gə́ Bɔ-dəwje a kulá karee ree rɔ sí’g gə rim lé yeḛ nja ɓa a ndoo sí néje lai ləm, taje lai gə́ ma m’ula sí lé yeḛ a kolé meḛ sí dɔ’g ləm tɔ.

Tagə́maji gə́ Ja̰ ndang 16:13

Loo gə́ njenai sə sí, yeḛ gə́ to Ndil gə́ gəd lé a ree ndá yeḛ a kɔr no̰ sí dan kankəmta’g, mbata yeḛ a kula sí ta gə́ mbaiyee kea̰ el, nɛ taje lai gə́ yeḛ oo lé ɓa yeḛ a kula sí ləm, yeḛ a riba sə sí dɔ néje gə́ d’a gə ree lé ləm tɔ.

Néra Njékaḭkulaje 7:10

Nɛ Ala nai səa ɔree ne dan némeekonje’g ləa lai. Yeḛ ar kəmee àr ləm, ar néreaje lai taa kəm Parao̰, mbai gə́ Ejiptə’g ləm tɔ ndá Parao̰ lé undá gə́ njeguburuɓee gə́ Ejiptə’g ləm, gə njekaa dɔ kəi’g ləa ləm tɔ.

1 Njé gə́ Kɔrḭtə 12:8

Tɔgərɔ ya, Ndil ɓa ar kəmkàr rusu mee dəw kára njḭ-njḭ. Ndil nja ɓa ar dəw gə́ raŋg pata gosonégər tɔ.

Tel tura Godndu 32:29

Ɓó lé deḛ to njékəmkàrje ndá Aa oo, né gə́ d’a gər ɓa nee: D’a kḛji dɔ né gə́ a gə teḛ dɔ dee’g ya.

Tel tura Godndu 4:39

Ɓogənè maji kar sí gərje gao ləm, maji kar sí ŋgəmje taree meḛ sí’g ləm tɔ, to gə́ Njesigənea̰ Ala ya kára ba si mee dara’g tar ləm, gə dɔ naŋg nee ləm tɔ ɓó garee gə́ raŋg godo.

Njé gə́ Pilibə 4:8

Ŋgakɔmje, ges ta gə́ nai lé ɓa nee: Ta gə́ rara gə́ to gə́ kankəmta ləm, əsé riɓar gə́ maji gə́ rara ləm, əsé né gə́ rara gə́ to gə dɔ najee ləm, əsé né gə́ rara gə́ àr ŋgad-ŋgad ləm, əsé né gə́ rara gə́ taa kəm dəwje ləm, əsé né gə́ rara gə́ kəm ndigi sə dee dɔ’g ləma, əsé néje lai gə́ maji dum gə́ kəm kiŋga pidi ləm tɔ lé maji kar sí waje meḛ sí dɔ’g bururu ya.

Njé gə́ Kolosə 1:9

Gelee nee ɓa, jeḛ kara un kudee mee ndəa gə́ taree oso mbi sí’g lé jeḛ n’lal ra tamaji ta Ala’g lé mbata lə sí el. Jeḛ n’kwɔiee mba kar sí gərje né gə́ mée ɓa wɔji lé kɔrje ne suna njal gə goo kəmkàr gə gosonégər gə́ ka̰ ndil gə́ rusu meḛ sí njḭ-njḭ lé.

1 Timote 4:15

Ɔm məəi dɔ néje’g neelé ləm, ula rɔi keneŋ mbiriri ləm tɔ mba kar dəwje lai d’oo ne loo néraje ləi gə́ aw ne kəmi gə́ kédé-kédé lé tɔ.

2 Timote 2:6

Njendɔ lé ula rəa ndubu loo ndɔ’g ləa kédé ɓa yeḛ ra kée ɓəi.

2 Timote 2:8

Ar məəi olé dɔ Jeju Kristi yeḛ gə́ ḭ ginka’g lə Dabid ləm, yeḛ unda loo teḛ dan njé gə́ d’wəi’g gə goo tagə́maji gə́ to gə́ kama lé ləm tɔ.

Ǝbrəje 12:3

La̰jije dɔ Jeju’g, yeḛ gə́ si dan njékaiyaje’g gə́ d’ɔsee ɓɔḭ-ɓɔḭ, togə́bè ɓa seḭ a daoje ne el ləm, meḛ sí a kila ne kas el ləm tɔ.

Ǝbrəje 13:7

Arje meḛ sí olé dɔ njékɔrno̰ síje gə́ tɔji sí ta lə Ala, la̰jije dɔ ndɔ kwəi’g lə dee ləm, ndajije ne meekun lə dee ləm tɔ.

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Ǝbrəje 7:4

Ǝ̰jije ooje to gə́ Melkisedek lé ur dɔ ka síjeḛ mbata Abrakam kai ta nébanrɔje loo dɔg ɓa un təa kára aree.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.

Maktub gə́ Jak ula ne ar ngan-Allaje 3:15

Kəmkàr gə́ togə́bè lé to kəmkàr gə́ ḭ dara el. Yee to gə́ dɔ naŋg nee ləm, yee wɔji dɔ darɔ sí ləma, yee ḭ rɔ njekurai’g ləm tɔ.

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.