2 Timote 2:6 - Maktub gə́ To gə Kəmee

⁶ Njendɔ lé ula rəa ndubu loo ndɔ’g ləa kédé ɓa yeḛ ra kée ɓəi.

2 Timote 2:6 ပူးပေါင်းရင်းမြစ်များ

Gosota-Kəmkàrje 27:18

Yeḛ gə́ tɔs kəmee bao-bao dɔ kag-kodé’g ndá a sɔ ka̰dee ləm, Yeḛ gə́ aa dɔ ɓéeje kər-kər ndá a kiŋga riɓar ləm tɔ.

Matiyo 20:1

Ɓeeko̰ gə́ dara to asəna gə njekəi gə́ ḭta gə ndɔ rad aw iŋga njékulaje ɓar dee gə mba kɔm dee loo-ndɔ-nduú’g ləa.

Matiyo 25:16

Léegəneeya kura ləa gə́ taa ŋgan larlɔr mi lé ɔd aw tel kəmee iŋga ne ŋgan larlɔr gə́ raŋg mi dɔ’g tɔ.

Lugu 10:2

Yeḛ ula dee pana: Dɔ kó gə́ ka̰ kinja lé to yaa̰, nɛ njékḭjaje bula lam ba bèe. Bèe ndá raje tamaji ta mbai gə́ njeko’g lé gə mba karee ula njékḭjaje bula loo-kinja-kó’g ləa.

1 Njé gə́ Kɔrḭtə 9:23

Néje lai gə́ m’ra lé m’ra mbata Tagə́maji lé ɓó gə mba kiŋga ne né gə́ wɔji dɔm-ma nja keneŋ tɔ.

2 Timote 2:7

Ǝ̰ji goo taje lai gə́ ma m’ulai lé ndá Mbaidɔmbaije a kar kəmi inja dɔ néje’g lai.

Ǝbrəje 10:36

Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.

Ǝbrəje 6:7

Loo gə́ ndi ər ta-ta ar manee tən naŋg ləm, ar lée neelé kinja gə koje mba kaji dee gə ndɔ-ndɔ keneŋ ləm tɔ ndá dɔ naŋg neelé taa kəm Ala aree tɔr ne ndia dɔ’g tɔ.