2 Timote 2:22 - Maktub gə́ To gə Kəmee

²² Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

2 Timote 2:22 ပူးပေါင်းရင်းမြစ်များ

Pakɔsje 119:9

See ŋgon gə́ basa lé A ra kila-rəw ləa karee təd pal ŋgad-ŋgad to gə́ ban wa. Maji karee njaa gə goo ta ləi ɓa.

Pakɔsje 17:1

Tamaji lə Dabid Ǝi Njesigənea̰, maji kari ur mbii oo ne ndukwɔi ləm gə́ to danasur, Oré mbii ndəŋ dɔ ndu no̰je’g ləm ləm, Ur mbii gèŋ oo ne ta gə́ m’to ne tai’g Gə́ m’ra gə tam m’su ne kəm loo ɓa el ləm tɔ.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 6:5

Wa rɔi ɔr to gə́ ndooi Gə́ teḛ ji njendo̰’g bèe ləm, To gə́ yel gə́ teḛ ji njékwayelje’g bèe ləm tɔ.

Gosota-Kəmkàrje 7:8

Yeḛ dəs tar mba̰-rəw gə́ mbɔr duu-loo’g, Loo gə́ dené kára mbuna denéje’g neelé aar keneŋ. Ndá yeḛ njaa jan-jan par gə́ kəi-siée’g,

Ləbije 15:18

Ɓó lé dené to gə diŋgam gə́ togə́bè ndá deḛ səa joo bɔr d’a togo rɔ dee sugu-sugu ləm, rɔ dee a mina̰ saar kàr a kandə ləm tɔ.

Néra Njékaḭkulaje 7:59

Loo gə́ d’ar tilá gə kɔri-ər lé ndá Etien ra tamaji pana: Mbaidɔmbaije, Jeju taa ndiləm gə́ rɔi’g.

Néra Njékaḭkulaje 9:14

Tɔɓəi ree gə́ yeḛ ree neelé mbai dɔ njékinjanéməsje-je ɓa d’un ndu dee d’aree gə mba karee ree twa deḛ gə́ ɓar rii lé.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 14:19

Yen ŋga ar sí n’saŋgje loo gə mba kɔm na̰’d ləm, gə mba kar rɔ sí ɔs na̰’d ləm tɔ.

1 Njé gə́ Kɔrḭtə 1:10

Ŋgakɔmje, ma m’ndəji sí gə ri Mbaidɔmbaije lə sí Jeju Kristi mba kar tapa sí aw na̰’d kára ba ɓó kar ta tḭ-na̰ oso mbuna sí’g el. Maji kar sí ndaje meḛ sí kaḭ gə na̰ mba kar takə̰ji lə sí aw na̰’d kára ba ya.

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

1 Njé gə́ Kɔrḭtə 10:14

Yee gə́ bèe ɓa, ma m’ula sí ne, seḭ gə́ ma m’unda sí dan kəm’g lé mba kar sí saaje rɔ sí rɔ magə-poleje’g.

1 Njé gə́ Kɔrḭtə 14:1

Maji kar sí ndolèje goo meenoji. Narje rɔ sí gə mba kiŋga nénoji gə́ wɔji dɔ ndil sí tɔ nɛ ka̰ tegginta ɓa areeje ur dɔ dee’g lai.

1 Njé gə́ Kɔrḭtə 6:18

Undaje rɔ sí ɓad dɔ mɔdkaiya’g. Kaiya gə́ rara gə́ dəw ra lé to gə́ rəa’g raga ɓəi. Nɛ yeḛ gə́ ya̰ rəa yag dɔ mɔdkaiya’g ndá yeḛ nja ula sul dɔ rəa-yeḛ’g.

1 Timote 1:14

Noji lə Mbaidɔmbaije lə sí tur dɔ loo mbata ləm-ma ar meekun gə meenoji gə́ ḭ rɔ Jeju Kristi’g lé taa ne rɔm pəl-pəl tɔ.

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

1 Timote 2:8

Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

1 Timote 6:11

I dəw lə Ala lé sa rɔi dɔ mal néje neelé gə́ ra dee ya nɛ ndolè goo meekarabasur ləm, gə rəw kwa Ala məəi’g gə goo rəbee ləm, gə meekun ləm, gə meenoji ləm, gə meekila ləma, gə kaw yururu ləm tɔ.

Ǝbrəje 12:14

Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.

1 Piɛrə 3:11

Maji karee unda rəa ɓad dɔ néra gə́ majel’g Ndá ra né gə́ maji ləm, Maji karee saŋg meelɔm ɓa ai ne mée keneŋ sam-sam ləm tɔ.

3 Ja̰ 1:11

I gə́ m’undai dan kəm’g lé néra gə́ maji ɓa maji kari ndoo ra ɓó i a ndoo néra gə́ majel el. Mbata yeḛ gə́ ra maji lé yeḛ to ka̰ Ala ya. Nɛ yeḛ gə́ njeramajel lé oo Ala nda̰ el ɓəi tɔ.