2 Timote 2:20 - Maktub gə́ To gə Kəmee

²⁰ Mee kəi gə́ boo lé jo larlɔr ləm, gə jo hand ləm tɔ ɓa to keneŋ goo kára el, nɛ ka̰ kag gə ka̰ a̰ji to keneŋ tɔ, deḛ gə́ kédé lé d’wɔji ne dɔ mbai-kula, deḛ gə́ raŋg lé d’wɔji ne dɔ néje gə́ gə mḭdé-mḭdé ba.

2 Timote 2:20 ပူးပေါင်းရင်းမြစ်များ

Esdras 1:6

Dəwje lai gə́ d’isi gugu dɔ dee sub lé d’ar dee néje gə́ ra gə larnda gə larlɔr ləm, gə némajije ɓəd-ɓəd ləm, gə nékulje ləm, gə néje gə́ gad dee to yaa̰ ləma, gə nékarje gə́ d’ḭ gə meḛ dee d’ar ləm tɔ.

Esdras 6:5

Tɔɓəi nékulaje gə́ ra gə larlɔr ləm, gə larnda ləm tɔ gə́ to mee kəi-Ala’g lé gə́ to néje gə́ Nebukadnesar odo dee mee kəi-Ala gə́ to Jerusalem aw ne Babilɔn kédé lé d’a tel kaw ne kəi-Ala gə́ to Jerusalem lé gogo mba kunda dee léeje’d gə́ wɔji dɔ dee kédé ndá d’a kunda dee mee kəi-Ala’g ya.

Teḛ-Raga 27:3

D’a ra bai ləm, gə əb-kuba-pərje ləm, gə baije ləm, gə kag-larje gə́ ta dee tɔ ja̰-ja̰ ləma, gə jo-pərje ləm tɔ mbata lə loo-nékinjaməs neelé, nékulaje lai gə́ wɔji dəa neelé d’a ra dee gə lar gə́ kas ya.

Nɔ̰-ndôo gə́ wɔji dɔ Jerusalem 4:2

Ŋganje gə́ Sio̰ gə́ maji péd-péd Gə́ gad dee asəna gə larlɔr gə́ àr ŋgad-ŋgad bèe lé Ai-i, d’oo dee asəna gə jo a̰ji Gə́ njekuba jo ɓa uba dee bèe.

Loo gə́ killa rea kəm Daniel’g 5:2

Belsasar lé loo gə́ yeḛ naa mán-nduú gə́ mḭ lé bəl oo mba̰ ndá yeḛ ar dee ree gə baije gə́ ra gə larlɔr gə larnda gə́ bɔbeeje Nebukadnesar odo mee kəi-Ala gə́ boo gə́ to Jerusalem ree ne gə mba kar mbai gə dəwje ləa gə́ boo-boo gə denéje ləa gə gamla-denéje ləa lé d’ai ne né.

Tagə́maji gə́ Ja̰ ndang 8:49

Jeju tel ila dee keneŋ pana: Ndil gə́ yèr godo məəm’g, ma lé m’ula rɔnduba dɔ Bɔm’g nɛ seḭ ɓa seḭ ulaje sul dɔm’g ya.

Njé gə́ Rɔmə 9:20

Ǝi i yḛ̀ to dəw ɗi to ŋga ɓa mba koma̰ gə Ala wa. See jo ɓan a dəji njekubá pana: See ban ɓa i ubam togə́bè wa. See a dəji njekubá togə́bè ya wa.

1 Njé gə́ Kɔrḭtə 3:9

Mbata jeḛ lé n’to njéboakulaje lə Ala lé. Seḭ toje ndɔ lə Ala ləm, seḭ toje kəi ra Ala ləm tɔ.

2 Njé gə́ Kɔrḭtə 4:7

Nébao neelé jeḛ j’odo gə́ jo-ɓan mba kar dee gər gao siŋgamoŋ neelé to gə́ ka̰ Ala ɓó to gə́ ka̰ síjeḛ el.

Njé gə́ Epesə 2:22

Seḭje kara yeḛ rɔd sí ta na̰’d ar sí toje ne tar gəd-gəd mba kar sí toje kəi gə́ Ndil Ala a si keneŋ tɔ.

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.