2 Timote 2:19 - Maktub gə́ To gə Kəmee

¹⁹ Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

2 Timote 2:19 ပူးပေါင်းရင်းမြစ်များ

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 112:6

Mbata yeḛ lé unda ndolè nda̰ el. Riɓar lə njemeekarabasur lé to saar gə no̰.

Pakɔsje 34:14

Maji kari ɔg ndɔḭ dɔ ta gə́ majel’g ləm. Maji kari ɔg tai dɔ taje gə́ ka̰ su kəm loo’g lé ləm tɔ.

Pakɔsje 37:18

Njéra nédanaje lé Njesigənea̰ gər ndɔje lə dee gao ləm, Nédɔji lə dee kara To saar-saar gə no̰ ya ləm tɔ.

Pakɔsje 97:10

Seḭ gə́ undaje Njesigənea̰ dan kəm sí’g lé Ǝ̰jije né gə́ majel bəḭ-bəḭ ya. Yeḛ tɔs kəmee bao-bao dɔ majikojije’g ləa Ɔr dee ne ji njémeeyèrje’g.

Gosota-Kəmkàrje 10:25

To gə́ lel-mal dəs aw lé Njemeeyèr kara sané pá bèe ya tɔ, Nɛ njemeekarabasur lé Ŋgirá kiriŋ naŋg kiriŋ-kiriŋ gə no̰.

Gosota-Kəmkàrje 3:7

Maji kari oo rɔi gə́ njekəmkàr el, Ɓəl Njesigənea̰ ndá Unda rɔi ɓad dɔ néra gə́ majel’g.

Esai 14:32

See ta ɗi ɓa d’a kila dəwje gə́ d’ula dee’g lé wa. Ta gə́ kəm kula dee ɓa nee: Njesigənea̰ tum gel Sio̰ Ar koso-dəwje ləa gə́ to njénékəmndooje D’iŋga loo mba kula dɔ dee keneŋ.

Esai 28:16

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, ma m’unda mbal gə́ moŋg kəi mee ɓee gə́ Sio̰, To mbal gə́ neán, To mbal kunda dɔ kum kəi gə́ gadee to yaa̰ Gə́ d’unda d’aree to njaŋg, Ndá yeḛ gə́ ɔm mée dɔ’g ndá A ndəb-ndəb kaḭ el.

Esai 63:19

Jeḛ lé un kudee ləw ba ya Jeḛ n’toje asəna gə koso-dəwje Gə́ i o̰ dee bèe el ləm, Asəna gə koso-dəwje Gə́ d’unda rii dɔ dee’g el bèe ləm tɔ. Ǝi, ɓó lé i ta̰ dara ləm, Ɓó lé i risi ur naŋg ləm tɔ ndá Mbalje d’a yə ɓugu-ɓugu nɔḭ’g ya.

Esai 65:15

Seḭ a kya̰je ri sí Karee to gə́ nékubu rɔ lə koso-dəwje ləm Gə́ m’unda dee gə kəmee, Mbaidɔmbaije gə́ Njesigənea̰ a kar sí wəije mburug Ndá yeḛ a kar kuraje ləa ri gə́ raŋg.

Ejekel 9:4

Njesigənea̰ ulá pana: Aw dan mee ɓee-boo’d gə́ Jerusalem, aw tɔs né ŋgono̰ dəwje gə́ meḛ dee tila ŋgaḭla-ŋgaḭla’g ar deḛ tuma̰ ŋgururu-ŋgururu mbata néje gə́ mina̰ lai gə́ ra mee ɓee-boo’g neelé.

Nahum 1:7

Njesigənea̰ to njemaji dum. Yeḛ to loo-kiya-rɔ pḛ́ ndɔ néurti’g. Deḛ gə́ d’ɔm meḛ dee dəa’g lé yeḛ aa dɔ dee kər-kər.

Ajee 2:23

Njesigənea̰ gə́ njeboo-néje lé pana: Mee ndəa’g neelé n’a kuni-i Jorobabel, kura lə neḛ gə́ to ŋgolə Səaltiel. Njesigənea̰ ɓa pa bèe. N’a ŋgəmi asəna gə nétorji neḛ mbata neḛ nja n’kɔdi n’ɔri. Njesigənea̰ gə́ njeboo-néje ɓa pa bèe ya.

Jakari 3:9

Mbata aa oo, n’unda kɔr mbal lé no̰ Jujee’g, Kɔr mbal gə́ kára neelé kəmeeje siri to keneŋ, Aa oo, neḛ nja n’a tḭja né gə́ kəm tḭja keneŋ, Njesigənea̰ gə́ njeboo-néje ɓa pa bèe. Tɔɓəi n’a tɔr ta néra gə́ kori-kori dɔ ɓee’g neelé Mee ndɔ gə́ kára ba ya.

Bula lə Israɛlje 16:5

Yeḛ ula Koré gə kudu-dəwje ləa lai pana: Bèlè ɓa, Njesigənea̰ a tɔji sí dəw gə́ to gə́ kea̰ ləm, gə yeḛ gə́ to gə kəmee ləm tɔ ndá yeḛ a karee rəm pər gə́ rəa’g, dəw gə́ yeḛ nja mberee lé yeḛ a karee rəm pər gə́ rəa’g ya.

Bula lə Israɛlje 6:27

Yee gə́ bèe ɓa d’a kunda ne rim dɔ Israɛlje’g, tɔɓəi m’a tɔr ne ndum dɔ dee’g tɔ.

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Matiyo 28:19

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ.

Matiyo 7:23

Yen ŋga m’a kula dee kəm dəwje’g təsərə pana: Ɔdje tam’g gə́ raŋg, seḭ lai gə́ toje njéra némajelje lé, kəm kara m’ila dɔ sí’g ndɔ kára bèe el.

Matiyo 7:25

Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ ar kəi yə ləm tɔ, nɛ yee oso el mbata ginee to gə́ mbal.

Mark 12:16

Deḛ d’un ŋgon lar gə́ ndá kára d’aree tɔ ndá Jeju dəji dee pana: Dɔ dəw gə́ to keneŋ gə né gə́ deḛ ndaŋg keneŋ neelé see wɔji dɔ na̰ ɓəi wa. Deḛ ndigi təa’g pana: To ka̰ Sesar.

Mark 13:22

Mbata njéndaji kəm Kristije gə́ ŋgɔm ləm, gə njétakorije ləm tɔ lé d’a kḭ gə mba ra nékɔbje gə némɔrije mba su ne kəm loo, banelə d’a su ne kəm deḛ gə́ to gə kəmee ya tɔ.

Lugu 13:27

Yeḛ a kila sí keneŋ pana, ma m’ula sí təsərə, ma m’gər loo gə́ ḭje keneŋ el. Seḭ njéra némajelje lai lé ɔdje ne tam’g gə́ gogo.

Lugu 6:48

Yeḛ to asəna kára ba gə dəw gə́ tum gin kəi nɛ yeḛ uru bwa ila naŋg ndad-ndad gə́ teḛ dɔ mbal’g tum gin kəi dɔ’g tɔ. Loo gə́ mán bélm aw ula unda kaar kəi pəji-pəji ndá kəi lé yə rəa yəgə el mbata njekunda kəi lé unda maji péd-péd ya.

Tagə́maji gə́ Ja̰ ndang 10:14

Ma m’gər badje ləm, dee kara dee gərm gao ləm tɔ.

Tagə́maji gə́ Ja̰ ndang 13:18

Ta gə́ m’pa neelé m’pa m’wɔji ne dɔ sí lai el, deḛ gə́ ma m’ɔr dee lé m’gər dee gao. Nɛ lé riri kara maji kar ta nee gə́ to mee maktub gə́ to gə kəmee lé aw lée’g béréré ya gə goo taree gə́ pana: Yeḛ gə́ njeko̰ səm muru lé ya ɓa tel ɔr gɔlee ubam ne kən

Tagə́maji gə́ Ja̰ ndang 3:33

Yeḛ gə́ taa ta ləa mba̰ ndá yeḛ ɔr goo taree gəd pana: Ala lé pa kankəmta ya,

Néra Njékaḭkulaje 11:26

Loo gə́ yeḛ iŋgá mba̰ ndá yeḛ ɔree ree səa Antiɔs. As ləb kára doŋgɔ lé deḛ d’wa dɔ na̰ gə Eglisəje loo-kwa-dɔ-na̰je’g lə dee ndá deḛ ndoo dəwje bula né keneŋ. Ɓee gə́ Antiɔs lé to loo gə́ dɔtar gə́ deḛ d’unda ri njékwakiláje ɓar dee ne njétaamee-Kristije.

Néra Njékaḭkulaje 15:17

Mba kar kawal-dəwje gə́ nai gogo lé D’a ndolè ne goo Mbaidɔmbaije ləm Ginkoji dewje gə́ raŋg gə́ d’unda rim dɔ dee’g lé kara D’a ndolè goom ləm tɔ Njesigənea̰ gə́ a gə kar néje neelé aw lée’g béréré lé ɓa pa bèe.

Néra Njékaḭkulaje 9:14

Tɔɓəi ree gə́ yeḛ ree neelé mbai dɔ njékinjanéməsje-je ɓa d’un ndu dee d’aree gə mba karee ree twa deḛ gə́ ɓar rii lé.

Njé gə́ Rɔmə 11:2

Dəwje ləa gə́ yeḛ gər dee kédé lé Ala unda dee ɓad el. See seḭ gərje el wa. Maktub gə́ to gə kəmee ɔr sor Eli loo gə́ yeḛ no̰ no̰ nee dɔ Israɛlje’g pana:

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Njé gə́ Rɔmə 15:20

Loo gə́ ri Kristi ɓar keneŋ el ɓəi lé yee ɓa ma m’wɔji məəm’g mba kaw kila mber tagə́maji keneŋ ɓó gə mba rɔd ne kəi dɔ gin kəi gə́ dəw gə́ raŋg tum lé el, to gə goo ta gə́ ndaŋg mee maktub’g pana:

Njé gə́ Rɔmə 15:9

Nɛ njépole-magəje d’ula rɔnduba dɔ Ala’g gə mba meekɔrjol ləa gə goo ta gə́ ndaŋg mee maktub’g pana: Gelee gə́ nee ɓa m’a pidii mbuna ginkoji dəwje gə raŋg’g ləm, M’a kɔs pa kula ne rɔnduba rɔ rii’g ləm tɔ.

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

Njé gə́ Rɔmə 9:11

Tɔgərɔ ya, loo gə́ deḛ d’oji ŋganje lé el ɓəi nɛ ŋganje neelé d’a gə ra né gə́ maji əsé né gə́ majel kara deḛ gər el ɓəi tɔ. Nɛ Ala pata nee wɔji ne dɔ dee gə goo né gə́ yeḛ wa dɔ gɔlee mée’g mba karee to gə goo rəbee gə́ yeḛ nja ɓar dee ne ɓó gə goo néra dəwje el.

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

1 Njé gə́ Kɔrḭtə 8:3

Nɛ ɓó lé dəw kára unda Ala dan kəmee’g ndá Ala gər ndiaa tɔ.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

Njé gə́ Epesə 2:20

Seḭ toje kəi gə́ deḛ rɔd dɔ njékaḭkulaje gə njéteggintaje gə́ to gin kəi ləm, Jeju Kristi lé to mbal gə́ moŋg kəi gə́ d’unda ne dɔ kum kəi lé ləm tɔ.

Njé gə́ Epesə 3:15

yeḛ gə́ gel-bɔje lai gə́ dan dara’g gə njé gə́ dɔ naŋg nee d’un ri dee rəa’g

Njé gə́ Epesə 4:30

Ndilmeenda lə Ala gə́ ɔr sí unda sí gə kəmee gə dɔ jia saar kar ndɔ kuga sí a teḛ lé ulaje kəmee ndòo el.

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

1 Timote 6:19

Togə́bè ɓa, d’a mbo̰ nébaoje gə́ maji gə́ a kiriŋ kiriŋ-kiriŋ mee ndɔ gə́ a gə teḛ lé, bèe ɓa, d’a si gə kəməgə́ gə no̰ lé gə́ to kankəm né ya tɔ.

Ǝbrəje 11:10

Mbata Abrakam lé ŋgina ɓee gə́ ŋgira ŋgəŋ, yee ɓa gə́ ɓee gə́ Ala nja gə́ njekwɔji lé ləm, gə njekṵdá ləm tɔ.

2 Piɛrə 3:14

Gelee gə́ nee ɓa, seḭ gə́ m’unda sí dan kəm’g lé to gə́ seḭ ŋginaje néje neelé ndá oreeje meḛ sí més-més mba karee iŋga sí dan meelɔm’g loo gə́ meḛ sí a kila ɓal el ləm, ta a kwa dɔ sí el ləm tɔ.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.

Loo gə́ killa rea kəm Ja̰’g 17:8

Da gə́ m’ée kédé lé ɓasinè yeḛ godo mba̰. Yeḛ a gə kḭ bwa gə́ suna godo ndá a kaw gə́ loo gə́ tuji pugudu’g. Dəwje gə́ dɔ naŋg nee gə́ ndaŋg ri dee mee maktub kəmə’g un kudee mee ndəa gə́ tum ne gin naŋg saar lé el ndá kaar dee a kwa dee paḭ loo gə́ deḛ d’oo da lé mbata yeḛ si gən nɛ yeḛ sané pa tɔɓəi nai dəb ndá a tel ree ɓəi.

Loo gə́ killa rea kəm Ja̰’g 2:13

Ma m’oo loo-sii ləm, ma m’gər gao kalimbai lə Njekurai to keneŋ ləm tɔ. I wa rim kɔgərɔ ləm, ndɔ tɔl Antipas, njekɔrginta ləm gə́ to majikoji gə́ deḛ tɔlee ɓee lə sí loo gə́ loo-si Njekurai to keneŋ kara i ya̰ goo meekun ləi el ləm tɔ.

Loo gə́ killa rea kəm Ja̰’g 21:14

Ndògo gə́ gugu dɔ ɓee-boo lé deḛ tum gelee dɔg-giree-joo ya ndá deḛ ndaŋg ri njékaḭkulaje lə Ŋgonbad gə́ dɔg-gir-dee-joo lé keneŋ.

Loo gə́ killa rea kəm Ja̰’g 22:4

tɔɓəi ria a to ŋgo no̰ dee’g ləm tɔ.

Loo gə́ killa rea kəm Ja̰’g 3:8

Ma m’gər kula rai. Aa oo, siŋgai to yɔgɔ ɓəi ləm, i ra torndum ləma, i mbad rim el ləm tɔ. Bèe ndá m’ra rəw nɔḭ’g m’aree to tag bə̰dəŋ ndá dəw kára kara a kudu el tɔ.