2 Timote 2:18 - Maktub gə́ To gə Kəmee

¹⁸ Deḛ lé d’uba kankəmta d’ya̰ d’ula dəwje pana: Kàr kar dəwje teḛ dɔkumbwa’g lé teḛ mba̰. Yee ɓa d’unda ne meekun lə njé gə́ na̰je naŋg rə̰dəŋ-rə̰dəŋ.

2 Timote 2:18 ပူးပေါင်းရင်းမြစ်များ

Matiyo 15:13

Yeḛ ila dee keneŋ pana: Néje gə́ ma̰a lé yee gə́ ra ɓa Bɔm ma̰a el kara d’a tɔr gə ŋgira ɓɔgədɔ-ɓɔgədɔ kɔm kɔ ya.

Matiyo 22:29

Jeju ila dee keneŋ pana: Takə̰ji lə sí lé ur sí wala mbata seḭ gərje gin maktub gə́ to gə kəmee lé el ləm, seḭ gərje siŋgamoŋ lə Ala lé el ləm tɔ.

Lugu 8:13

Njé gə́ teḛ ɔm dɔ mban-ər’g lé wɔji dɔ deḛ gə́ d’oo ta lé gə mbi dee ndá deḛ taa gə rɔlel tɔ, nɛ ŋgira ŋgəŋ lə dee godo ar dee d’ɔm meḛ dee dɔ’g waga ba ndá loo gə́ né teḛ dɔ dee’g aḭ meḛ dee ndá d’ɔr ne moŋgyo̰ d’oso yal mba̰.

Néra Njékaḭkulaje 5:39

Nɛ ɓó lé néra dee lé ḭ rɔ Ala’g ndá loo tujee a dum sí təs ya. Aḭje kaḭ koma̰ gə Ala el nà a kooje kea̰.

1 Njé gə́ Kɔrḭtə 11:19

Tɔgərɔ ya, si gə́ seḭ sije gə kudu sí kudu sí lé ɓa gə́ kuma̰ koo ne deḛ gə́ to gə́ majikojije gəd-gəd mbuna sí’g.

1 Njé gə́ Kɔrḭtə 15:12

Ɓó lé deḛ d’ila mber pana: Kristi teḛ mbuna njé gə́ d’wəi’g ndá ŋga, see ban ɓa njé gə́ na̰je mbuna sí’g pana: Njé gə́ d’wəi lé d’a teḛ dɔkumbwa’g nda̰ el wa.

Njé gə́ Kolosə 3:1

Bèe ndá ɓó lé seḭ undaje loo teḛje dan njé gə́ d’wəi’g gə Kristi na̰’d ndá saŋgje néje gə́ wɔji dɔ ɓee gə́ tar loo gə́ Kristi sí keneŋ dɔ jikɔl Ala’g lé.

1 Timote 1:19

kari aar dɔ meekun’g njaŋg gə goo takə̰ji gə́ maji gə́ to məəi’g ləm tɔ. Njé gə́ na̰je meḛ dee unda pudum dɔ takə̰ji gə́ maji’g neelé ar meekun lə dee ndii ne mán.

1 Timote 6:10

Mbata mwəiyoolar ɓa gə́ ŋgira néraje gə́ majel lai. Njé gə́ na̰je gə́ malee ra dee togə́bè lé d’uba ne goo meekun lə dee d’ya̰ ndá deḛ nja d’wa ne nékəmndooje bula ɓugu dɔ dee’g d’ar ɓəŋgərə dee gaŋg ne.

1 Timote 6:21

Tamaḭje lə dee gə́ deḛ ɓaree gosonégər, nɛ to ta gə́ lée’g el lé sa rɔi keneŋ. Njé gə́ na̰je gə́ taa ta goso neelé d’uba ne meekun lə dee d’ya̰. Maji kar sí sije dan noji’g!

2 Timote 2:14

Maji kolé meḛ dee dɔ taje’g neelé, tɔg dee ne no̰ Ala’g mba kar dee d’əw rɔ dee maḭ na̰ ta dɔ tapa dee’g, mbata maḭta gə́ togə́bè to gə́ né el nɛ yee tuji dee gə́ d’oo taree gə mbi dee.

Titə 1:11

Deḛje neelé maji kwa ta dee daŋ’d ya. Mbata deḛ ndɔm noji na̰je naŋg gololo ləm, ta gə́ kəm ndoo dee el lé deḛ ndoo dee mba taa ne né gə́ gə goo rəbee el ləm tɔ.

Ǝbrəje 3:10

Yen ɓa məəm ḭ səm jugugu dɔ gin kadɔg síje’g lé am m’pa ne m’pana: Ta-ta meḛ dee bə̰gərə dee ar dee ndəm ne, Deḛ gər ne goo rəwje ləm el.

Maktub gə́ Jak ula ne ar ngan-Allaje 5:19

Ŋgakɔmje, ɓó lé dəw kára mbuna sí’g ɔs rəw kankəmta pad lal ndəm igi wɔrɔg ɓa maree ndolee iŋgá rəm səa lée’g gogo

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.