2 Timote 2:14 - Maktub gə́ To gə Kəmee

¹⁴ Maji kolé meḛ dee dɔ taje’g neelé, tɔg dee ne no̰ Ala’g mba kar dee d’əw rɔ dee maḭ na̰ ta dɔ tapa dee’g, mbata maḭta gə́ togə́bè to gə́ né el nɛ yee tuji dee gə́ d’oo taree gə mbi dee.

2 Timote 2:14 ပူးပေါင်းရင်းမြစ်များ

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 2:11

Ginkoji dəwje gə́ magəje lə dee To gə́ kankəm né el lé See d’odo mbél ne magəje gə́ raŋg wa. Nɛ koso-dəwje ləm d’un rɔnduba lə dee Mbél ne né gə́ a la sə dee el.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 23:32

Njesigənea̰ pana: Aa ooje, njéteggin ni-ŋgɔmje gə́ d’ɔr gée d’ar koso-dəwje lə neḛ ndəm ne gə goo taŋgɔmje gə́ lel ta dee’g lé neḛ n’aw sə dee gə ta, Njesigənea̰ ɓa pa bèe. Neḛ n’ula dee el ləm, n’un ndu neḛ n’ar dee el ləma, maji dee gə́ tḛ́ bèe ya kara to mba koso-dəwje el ləm tɔ.

Jeremi 23:36

Nɛ a paje pana: Ndərta lə Njesigənea̰ to nékodo gə́ wɔi lé a paje bèe el ŋga mbata nana kara ta gə́ teḛ təa’g ya a to nékodo gə́ wɔi mbata ləa-ləa. Seḭ lé seḭ turuje taje lə Ala gə́ njesikəmba, Njesigənea̰ gə́ njeboo-néje, Ala lə sí lé ilaje gel.

Jeremi 7:8

Nɛ seḭ undaje meḛ sí yel gə́ dɔ ta sukəmlooje gə́ as ra né kára kara el.

Habakuk 2:18

Néndaji gə́ tɔl lé see majee to ɗi mbata lə njetɔlee wa. Néndaji gə́ léḛ gə́ ndoo ne né gə ŋgɔm Gə mba kar njerea unda tar ɔm mée dɔ’g Loo gə́ yeḛ si ra magəje gə́ ta mundu lé kara see majee to ɗi wa.

Matiyo 16:26

Lé dəw a kiŋga nékiŋgaje gə́ dɔ naŋg nee lai ya nɛ kankəmrea igi yɔm ndá see nékiŋga ɓa nee wa. Esé see ɗi ɓa dəw neelé a kun kuga ne kankəmrea taa wa.

Néra Njékaḭkulaje 13:10

Yen i dəw gə́ gosɔyèr gə njuma̰ rusu məəi njḭ-njḭ ləm, i ŋgon lə njekurai gə́ njekunda ba̰, tuji ne gel néraje lai-lai gə́ ra gə dɔ najee ləm tɔ lé rəw lə Mbaidɔmbaije gə́ to danasur gə́ i wa ɗugu koŋ-koŋ lé see ndɔ gə́ ra ɓa i a kəw rɔi ra togə́bè ɓəi wa.

Néra Njékaḭkulaje 15:24

Jeḛ lé j’oo to gə́ dəwje gə́ na̰je gə́ d’ḭ ɓee lə sí nee nɛ j’un ndu sí j’ar dee el lé deḛ d’aw d’ula sí na̰’d gə ta lə dee, pélé ne meḛ sí dɔ kankəmrɔ sí’g.

Njé gə́ Rɔmə 14:1

Yeḛ gə́ ra tɔg dɔ meekun’g ləa el ndá waje gə́ rɔ sí’g ɓó maḭje na̰ ta dəa’g tareeje ne el.

Njé gə́ Galati 1:7

Tagə́maji gə́ raŋg godo, nɛ njé gə́ na̰je tuji sí mba tel ne Tagə́maji lə Kristi dəb naŋg.

Njé gə́ Epesə 4:17

Ooje ta gə́ ma m’ula sí ləm, ta gə́ m’pa njaŋg gə ri Mbaidɔmbaije ləm tɔ lé maji kar sí njaaje asəna gə njépole-magəje el ŋga mbata deḛ nja ndolè goo takə̰ji lə deḛ gə́ gə mḭdé-mḭdé ba.

1 Njé gə́ Tesalonikə 4:1

Ŋgakɔmje, ta gə́ raŋg ya to ŋga. Né gə́ kəm ra karee taa kəm Ala lé seḭ ooje rɔ sí’g mba̰ ləm, seḭ raje née ləm tɔ ndá jeḛ n’tɔg sí j’wa ta sí gə ri Mbaidɔmbaije Jeju Kristi mba kar sí awje ne kəm sí gə́ kédé-kédé ya.

2 Njé gə́ Tesalonikə 3:6

Ŋgako̰ síje, jeḛ ndəji sí gə ri Mbaidɔmbaije lə sí Jeju Kristi mba kar sí saaje rɔ sí rɔ ŋgoko̰ sí gə́ rara kara gə́ gər kwa dɔ gɔl rəa el lé ləm, əsé gə njaa goo ta gə́ jeḛ ndoo sí lé el ləm tɔ.

1 Timote 1:4

mba kar dee reḛ́ dɔ suta’g gə mḭdé ba əsé dɔ ri ka dəwje gə́ gin dee tɔ dèm-dèm el ləm tɔ, mbata taje neelé ar tamaḭ oso mbuna dee’g ɓó ar kula lə Ala gə́ wɔji dɔ meekun lé ra tɔg gə́ kédé-kédé el.

1 Timote 1:6

Njé gə́ na̰je lal ra néje neelé ndá deḛ ndəm ne dɔ tamaḭje gə́ gə mḭdé ba.

1 Timote 4:8

Kwa Ala məəi’g gə goo rəbee lé ɓa maji kari aar keneŋ jigiri, mbata ndɔji ŋgira rɔi lé to gə́ né ya, nɛ maji ɔr njal el, kwa Ala məəi’g gə goo rəbee gə́ i aar keneŋ jigiri ra lé maji ɔr njal ya. Yee ɓa wɔji dɔ kəmə gə́ j’isi ne kəmba ɓasinè ləm, gə yeḛ gə́ a gə teḛ ləm tɔ.

1 Timote 5:21

Ma m’tɔgi no̰ Ala’g ləm, gə no̰ Jeju Kristi’g ləma, gə no̰ kuraje lə Ala gə́ dara gə́ d’ɔr dee gə kəmee ləm tɔ mba kari aa dɔ ta ndooje neelé kər-kər gə mba ra gə ŋgaŋgee béréré-béréré ɓó a kɔr ne kəm dəw el.

1 Timote 6:13

Ma m’ndəjii kəm Ala gə́ njekula kəmə mee nékundaje’g ləa lai ləm, gə kəm Jeju Kristi gə́ tapea inja paw no̰ Po̰sə Pilatə’g lé ləm tɔ

2 Timote 1:6

Gelee gə́ nee ɓa ma m’olé ne məəi mba kari yel ne gel nénoji lə Ala gə́ i iŋga loo gə́ ma m’ila ne jim dɔi’g.

2 Timote 2:16

Maji kari uba ta gə́ gə mḭdé ba ləm, gə ta gə́ kori-kori ləm tɔ ya̰ mbata deḛ gə́ njépa taje gə́ togə́bè lé d’a kɔs ne Ala rəw kəm dee gə́ kédé-kédé ləm,

2 Timote 2:23

Ta dəji mbə gə́ gə mḭdé ba lé ɔs rəw gə́ raŋg mbata i gər gao ta dəji gə́ togə́bè ɓa oji kɔl ya.

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,

Titə 3:1

Tel ula dee mba kar dee d’oso kul no̰ dəw-dɔ-looje gə njéko̰ɓeeje’g ləm, kar dee d’ila ŋgonkoji dɔ dee’g ləma, kar dee d’wa dɔ gɔl rɔ dee dɔ kula raje gə́ maji gə́ rara kara ləm tɔ.

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.

2 Piɛrə 1:13

Ma m’ndəji sí m’ɔs sí ta-ta mba kar sí tojeɓi dɔ’g el, yee ɓa, ma m’oo gə́ né gə́ kəm ra loo gə́ ma m’nai mee kəi-surum’g neelé ɓəi.

1 Samel 12:21

Ubáje yá̰je el. Ɓó lé bèe el ndá seḭ a ndolèje goo néje gə́ gə mḭdé ba gə́ d’askəm kar sí iŋgaje né keneŋ el ləm, d’askəm kɔr sí kɔm sí tar el ləm tɔ mbata deḛ to néje gə́ gə mḭdé ba ya.