2 Timote 2:10 - Maktub gə́ To gə Kəmee

¹⁰ Gelee gə́ nee ɓa, m’wa ne siŋgam kɔgərɔ dɔ néje’g lai mbata lə deḛ gə́ yeḛ mbər dee lé gə mba kar dee-deḛ nja kara d’iŋga kaji gin Jeju Kristi lé na̰’d gə rɔnduba gə́ to gə no̰ lé tɔ.

2 Timote 2:10 ပူးပေါင်းရင်းမြစ်များ

Gosota-Kəmkàrje 8:35

Mbata yeḛ gə́ iŋgam-ma ndá iŋga kəmə, Tɔɓəi yeḛ taa kəm Njesigənea̰ rəgm tɔ.

Matiyo 24:22

Ɓó lé kuree əw waga el ndá dəw-kunda lə Ala kára kara a kaji el, nɛ mbɔl dɔ deḛ gə́ d’ɔr dee d’unda dee gə kəmee lé kuree a kəw ne waga ya.

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Matiyo 24:31

Yeḛ a kula kuraje ləa gə́ dara kar dee d’im to̰to̰ gə́ a ɓar kɔr loo lɔi-lɔi ndá yeḛ a mbo̰ dəwje ləa gə́ yeḛ unda dee gə kəmee doi bər gə dɔ-gó ləm, dɔkɔl gə dɔgel ləm tɔ mba mbo̰ dee dɔ na̰’d loo kára ba.

Lugu 18:7

See Ala lé a ra rəwta lə dəwje ləa gə́ yeḛ ɔr dee unda dee gə kəmee gə́ to təa’g pəgə-pəgə dan kàrá gə loondul’g lé bel wa. See yeḛ a tila gə́ tila dɔ dee’g wa.

Lugu 22:57

Nɛ yeḛ maḭtaree pana: Dené, ma m’gəree el.

Tagə́maji gə́ Ja̰ ndang 11:52

Nɛ to mbata gin ɓee lə dee ɓa gə karee el, nɛ yeḛ a kwəi gə mba mbo̰ ŋgan-Alaje gə́ sanéna̰ kad-kad lé mba kar dee to darɔ gə́ kára ba.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Tagə́maji gə́ Ja̰ ndang 17:9

Ma m’ra tamaji tai’g mbata lə dee-deḛ nja. Ma m’ra tamaji mbata lə njé gə́ naŋg nee el nɛ mbata deḛ gə́ i am dee lé mbata deḛ lé to kaḭ ya, deḛ to kaḭje nja tɔ.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

1 Njé gə́ Kɔrḭtə 1:21

Mbata to gə́ njé gə́ dɔ naŋg neelé kəmkàr lə dee lé d’askəm gər ne Ala el ləm, əsé gə kəmkàr ləa el ləm tɔ ndá Ala lé nja ə̰ji mée’g gə mba kaji deḛ gə́ d’ɔm meḛ dee dɔ ta kila mber’g lə sí gə́ dee nja d’oo gə́ ta mbə lé.

1 Njé gə́ Kɔrḭtə 9:22

M’tel m’to gə́ yɔ-dəw gə deḛ gə́ to gə́ yɔ-dəwje lé gə mba kiŋga ne deḛ gə́ to gə́ yɔ-dəwje lé tɔ. M’tel rɔm gə́ gar dəwje lai m’saŋg ne néje ɓəd-ɓəd ɓó gə mba kaji ne njé gə́ na̰je ya.

2 Njé gə́ Kɔrḭtə 1:6

Ɓó lé j’isi dan némeeko̰’g ndá to gə mba gɔl ne meḛ sí-seḭ ləm, mba kar sí iŋgaje ne kaji ləm tɔ. Esé lé deḛ gɔl meḛ sí d’ar sí j’isi dan meelɔm’g kara yee ɓa to gə mba gɔl ne meḛ sí-seḭ kar meḛ sí to ne lɔm loo gə́ seḭ ilaje meḛ sí po̰-po̰ dan némeeko̰’g gə́ to asəna gə ka̰ síjeḛ lé tɔ.

2 Njé gə́ Kɔrḭtə 12:15

Ma lé m’a kḭ gə məəm mba tuji néje ləm gə mbata lə sí ləm, darɔm ya kara m’a tujee gə mbata lə kankəmrɔ sí ləm tɔ. Ɓó lé ma m’unda sí dan kəm’g yaa̰ bèe lé see yee nja a kar goo ndigi gə́ seḭ ndigimje lé a yɔr ne wa.

2 Njé gə́ Kɔrḭtə 4:15

Mbata néje lai neelé teḛ mbata lə sí-seḭ ya ɓó gə mba kar loo gə́ noji lé a taa ne loo yéŋgé-yéŋgé ndá ta ra oiyo gə́ a koji ne na̰ ta dəwje’g bula unda njé gə́ kédé lé a kula ne rɔnduba dɔ Ala’g ya.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.

Njé gə́ Epesə 3:13

Togə́bè ɓa, ma m’dəji sí mba kar sí arje némeeko̰ gə́ m’ai məəm danee’g sam-sam mbata lə sí lé ar rɔ sí wəi ne keneŋ sululu el, némeekonje neelé d’a tel to nérɔnduba lə sí ya.

Njé gə́ Kolosə 1:24

Ɓasinè m’al rɔm wɔji dɔ nékəmndoo gə́ ram mbata lə sí. Néurti gə́ ra Kristi lé dɔgea̰ gə́ nai ɓa m’taa m’ɔm dɔm’g mbata lə Eglisə gə́ nai gə́ darɔ Kristi lé.

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.

1 Njé gə́ Tesalonikə 5:9

Tɔgərɔ ya, Ala ɓar sí mba kar oŋg ləa ɔm dɔ sí’g el nɛ yeḛ ɓar sí mba kar sí j’iŋga kaji gin Mbaidɔmbaije’g lə sí Jeju Kristi,

2 Njé gə́ Tesalonikə 2:14

Yee ɓa yeḛ ɓar sí ne gə mbəa gə goo Tagə́maji gə́ jeḛ j’ula sí lé mba kar rɔnduba gə́ d’ula dɔ Mbaidɔmbaije Jeju Kristi’g lé d’ula dɔ sí-seḭ’g lé tɔ.

2 Timote 1:1

Ma Pool, njekaḭkula lə Jeju Kristi gə goo torndu Ala, mba kam m’ila mber ndukun gə́ wɔji dɔ kisi gə́ dəwje d’a si ne kəmba loo gə́ d’ɔm na̰’d gə Jeju Kristi lé

2 Timote 2:1

Ŋgonəm, i kara wa rɔi kɔgərɔ gə goo noji gə́ Jeju Kristi wa səi lé.

2 Timote 2:3

Ula rɔi ndubu səm na̰’d asəna gə njerɔ lə Jeju Kristi gə́ maji ya.

Titə 1:1

Ma Pool, kura lə Ala ləm, gə njekaḭkula lə Jeju Kristi ləm tɔ gə mba kar meekun lə dee gə́ Ala ɔr dee ra ne tɔg ləm, mba kar dee gər kankəmta gə goo rəw tədkag Ala lé ləm tɔ.

1 Piɛrə 2:10

Seḭ lé kédé seḭ toje dəwje el, nɛ ɓasinè seḭ toje dəwje lə Ala lé. Kédé lé seḭ gərje meekɔrjol lə Ala el nɛ ɓasinè mée oso lemsé dɔ sí’g ya.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.