2 Timote 1:7 - Maktub gə́ To gə Kəmee

⁷ Mbata ndil gə́ Ala ar sí lé to ka̰ siŋgamoŋ ləm, to ka̰ meenoji ləma, to ka̰ kəmkàr ləm tɔ ɓó to ka̰ ɓəl el.

2 Timote 1:7 ပူးပေါင်းရင်းမြစ်များ

Pakɔsje 119:80

Maji kar məəm to goo kára ba bərəŋ gə́ dɔ godnduije’g Gə mba kar rɔkul tɔm ne jo̰dɔrɔ el.

Gosota-Kəmkàrje 2:7

Kəmkàr gə́ ka̰ teḛkɔr lé Yeḛ unda kul mbata lə dəwje Gə́ njéra nédanaje ləm, Yeḛ to dər-rɔ lə deḛ gə́ panjaa dee To gə goo rəbee ləm tɔ

Gosota-Kəmkàrje 8:14

Takwɔji-kəmkàr gə rəw ra né Gə́ dana lé to kama, Ma m’to darɔ gosonégər ləm, Siŋgamoŋ to kama ləm tɔ.

Esai 11:2

Ndil Njesigənea̰ a nai səa: Ndil gə́ ka̰ kəmkàr gə ka̰ gosonégər ləm, Ndil gə́ ka̰ kwɔji ta kəmkàr gə ka̰ siŋgamoŋ ləma, Gə ndil gə́ ka̰ gər Njesigənea̰ ɓəlee ne ləm tɔ.

Misee 3:8

Nɛ ma lé gə goo ndil Njesigənea̰ ndá Siŋgam to kɔgərɔ-kɔgərɔ, Néra gə́ gə dɔ najee gə siŋgamoŋ taa rɔm pəl-pəl Gə mba karm m’riba ne dɔ néramajel lə Jakobje ləm, Gə kaiya ra Israɛlje ləm tɔ.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Lugu 10:19

Aa ooje, ma m’ar sí siŋgamoŋ gə mba kar sí tubaje ne dɔ lije ləm, gə dɔ mbai-yḭje ləma, gə dɔ siŋgamoŋ lə njeba̰ bura ləm tɔ. Né kára kara a ra sí karee al dɔ siŋga sí el.

Lugu 15:17

Loo gə́ kəmee inja dɔ rəa’g ndá yeḛ jém ta pana: See njékulaje lə bɔm ka̰da ɓa d’usɔ né d’isi danee’g bèdèg-bèdèg ɓa ma lé m’isi m’wəi yoo-ɓoo bèe wa.

Lugu 24:49

Aa ooje, né gə́ Bɔm un ndia gə mba kar sí lé m’a kula ne kar sí ya, nɛ seḭje lé sije dan mee ɓee-boo’g lé saar kar siŋgamoŋ gə́ a kḭ sém loo gə́ tar lé ree dəb dɔ sí’g ɓa.

Lugu 8:35

Yen ŋga koso-dəwje teḛ budu-budu d’aw gə mba koo né gə́ teḛ togə́bè lé. Loo gə́ deḛ teḛ rɔ Jeju’g lé ndá d’aa loo d’oo dəw gə́ ndilje gə́ yèr teḛ mée’g lé ula kubu rəa’g si ne gɔl Jeju’g ləm, si maji ar rəa tḭja péd-péd ləm tɔ ndá ɓəl unda dee badə gaŋg dee.

Tagə́maji gə́ Ja̰ ndang 14:27

Ma m’ya̰ sí gə meekulɔm, nɛ meekulɔm ləm ya m’ar sí. Ma lé m’ar sí to gə́ naŋg nee ɓa ar sí lé el. Maji karje meḛ sí pélé wəs-wəs el ləm, gə ɓəlje el ləm tɔ.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

Néra Njékaḭkulaje 21:13

Yen ŋga Pool tel ila dee keneŋ pana: See ban ɓa seḭ no̰je arje ɓəŋgərəm a gə ti ne dus nee wa. Lée kwa əsé kwəi Jerusalem’g kara m’isi dɔ gɔlm’g kəgəgə gə mba kaw keneŋ mbata lə ri Mbaidɔmbaije Jeju Kristi lé ya.

Néra Njékaḭkulaje 26:11

Gɔl bula ya m’un goo dee kəi-kwa-dɔ-na̰je’g lə deḛ lai m’ra sə dee né gə́ kədərə ləm, m’ɔs dee m’ar dee d’ila ndɔl dɔ Ala’g ləm tɔ. Oŋg ləm gə́ nuŋga kəd-kəd dɔ dee’g lé am m’aw m’ula kəm dee ndòo saar dɔ ɓeeje’g raŋg’d tɔ.

Néra Njékaḭkulaje 26:25

Pool ilá keneŋ pana: Pestus, i gə́ maji dum lé to kɔr ɓa ram el ɓòo. Nɛ ta néje lai gə́ m’pa lé to gə́ kankəmta ləm, to ta gə́ to gə goo rəbee ya ləm tɔ.

Néra Njékaḭkulaje 6:8

Etien lé meenoji gə siŋgamoŋ rusu mée njḭ-njḭ aree ra ne néje gə́ dumkoo ləm, gə boo-némɔrije ləm tɔ mbuna koso-dəwje’g lé.

Néra Njékaḭkulaje 9:22

Nɛ siŋga Sool ḭ dɔ maree’g gə́ kédé-kédé ar ta kɔr ləa gə́ ɔr ar dee d’oo to gə́ Jeju to Kristi lé dum dɔ Jibje gə́ d’isi Damas’g lé təs.

Njé gə́ Rɔmə 5:5

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.

Njé gə́ Rɔmə 8:15

Seḭ taaje ndil ka̰ ɓər gə mba si ne dan ɓəl’g el, nɛ seḭ taaje Ndil gə́ ka̰ ŋgon-ɓaa, yee ɓa jeḛ j’ila ne ndu sí naŋg wəl m’pana: Aba! Bai!

1 Njé gə́ Kɔrḭtə 2:4

Ta gə́ m’ndoo sí lé m’goso sí ne gə́ goso el ləm, ta gə́ inja paw kara m’pa el ləm tɔ. Ta gə́ nuŋga so lé Ndil ɓa am m’pa taree gə siŋgamoŋ

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Kolosə 1:8

yeḛ ɔr sor nojikwa lə sí gə́ Ndilmeenda ɔs sí ɓɔḭ-ɓɔḭ dɔ’g ar sí j’oo ləm tɔ.

Ǝbrəje 2:15

mba kar deḛ gə́ ɓəl d’oo ndòo gin yoo’g lé yeḛ a kar dee taa rɔ dee jia’g.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Ja̰ 4:18

Meenoji lé ɓəl godo lée’g nɛ meenoji gə́ ɔr dɔ lé sané ɓəl kad. Mbata bo̰ néra dəw gə́ a gə kɔs təa’g lé ɓa aree ɓəl ne ndá yeḛ gə́ ɓəl lé to mbata meenoji ɔr dɔ mée’g el.