2 Timote 1:5 - Maktub gə́ To gə Kəmee

⁵ Meem to kəmba dɔ meekun’g ləi gə́ i wa məəi dɔ’g ɓiri to gə́ ka̰ kaije Loyis gə kɔinje Enisə lé tɔ. Ma m’gər gao meekun ləi aw gə ka̰ dee-deḛ na̰’d ya.

2 Timote 1:5 ပူးပေါင်းရင်းမြစ်များ

Pakɔsje 116:16

Ǝi Njesigənea̰, oo ndum ya kari Mbata ma lé m’to kura ləi ya, M’to kura ləi gə́ to ŋgolə kura ləi gə́ dené lé ya. Kula gə́ tɔm ne lé i nja tudu rɔm’g mba̰.

Pakɔsje 17:1

Tamaji lə Dabid Ǝi Njesigənea̰, maji kari ur mbii oo ne ndukwɔi ləm gə́ to danasur, Oré mbii ndəŋ dɔ ndu no̰je’g ləm ləm, Ur mbii gèŋ oo ne ta gə́ m’to ne tai’g Gə́ m’ra gə tam m’su ne kəm loo ɓa el ləm tɔ.

Pakɔsje 18:44

I ɔrm mbuna koso-dəwje gə́ njémaḭtaje’g ləm, I undam gə́ mbai dɔ ginkoji dəwje gə raŋg ləm tɔ. Dəwje gə́ m’gər dee kédé el lé ra kula d’am.

Pakɔsje 22:10

Oiyo, i nja am m’unda loo mee kɔm’g m’teḛ, I nja ilam ta mbà kɔm’g am m’isi keneŋ gə meekulɔm.

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Pakɔsje 77:6

Ma m’ə̰ji dɔ ndɔje gə́ ləw’g lé ləm, Gə dɔ ləbje gə́ kédé gə́ dɔtar’g lé ləm tɔ.

Pakɔsje 81:15

Léegəneeya m’a dum dɔ njéba̰je lə dee ləm, M’a tel jim kunda ne njékula kəm dee ndooje lé ləm tɔ.

Pakɔsje 86:16

Maji kari tel kəmi gə́ rɔm’g nee ɓó Gə oo ne kəm lootondoo’g ya kari, Maji kari ar kura ləi siŋgá ləm, Aji ŋgon lə ŋgonjelookisi ləi gə́ dené ya ləm tɔ.

Jeremi 3:10

Lée gə goo néje neelé lai kara Judaje gə́ to njéhulaije gə́ to ŋgako̰ deeje gə́ dené lé tel ree rɔm’g gə mee kára ba el. Deḛ ra gə́ néŋgɔm ya. Njesigənea̰ ɓa pa bèe.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

Néra Njékaḭkulaje 16:1

Gée gə́ gogo yeḛ teḛ Derbə gə Listrə. Aa ooje, njekwakila kára si keneŋ gən ria lə Timote. Yeḛ to ŋgon lə Jib gə́ un mée nɛ bɔbeeje to Grek.

Néra Njékaḭkulaje 26:26

Kəm mbai inja dɔ taje’g neelé yee ɓa m’wɔji ne səa ta yororo-yororo, ma m’gər gao, ta néje neelé kára kara a lal mbia el, mbata néje gə́ m’wɔji sí lé taree teḛ kəm dəwje’g lai ɓó to né gə́ ra loo-kiya’g el.

Njé gə́ Rɔmə 14:14

Né kára kara to né gə́ mina̰ gə dɔrea el, nɛ dəw gə́ ə̰ji ta mée’g oo to gə́ to né gə́ mina̰ ndá to né gə́ mina̰ gə mbata ləa-yeḛ nja. Ta neelé ma m’gər gao ləm, Mbaidɔmbaije Jeju kara oso gelm’g keneŋ ya.

Njé gə́ Rɔmə 14:5

Dəw kára ə̰ji mée’g pana: ndɔ gə́ bèe ɓa maji unda ndɔ gə́ nḛ, nɛ dəw gə́ raŋg ə̰ji mée’g pana: Ndɔje lai d’asəna ya bura. Maji kar nana kara aar njaŋg dɔ takə̰ji’g ləa-yeḛ nja.

Njé gə́ Rɔmə 15:14

Ŋgakɔmje, ta gə́ wɔji dɔ sí-seḭ lé ma m’gər gao, meemaji taa meḛ sí yal-yal ləm, gosonégər lə sí ɔr dɔ njal ləma, seḭ asjekəm ndooje ne na̰ ya ləm tɔ.

Njé gə́ Rɔmə 4:21

yeḛ ɔm mée jəb-jəb dɔ Ala’g oo gao to gə́ né gə́ Ala un ndia gə mba karee lé yeḛ askəm ra née ya ləm tɔ.

Njé gə́ Rɔmə 8:38

Mbata ma m’gər gao, kwəi əsé kisi gə kəmə əsé kuraje gə́ dara, əsé dəw-dɔ-looje, əsé gə néje gə́ to keneŋ ɓasinè, əsé gə néje gə́ d’a gə ree,

2 Njé gə́ Kɔrḭtə 6:6

Néra sí riba dɔ sí ar dee d’oo sí gə́ kuraje lə Ala n’to ne dəwje gə́ àr ləm, jeḛ j’inja paw ləm, j’ila meḛ sí dɔ maree’g po̰-po̰ ləm, jeḛ n’to njémeemajije ləm, Ndilmeenda to meḛ sí’g ləm, jeḛ j’unda dəwje dan kəm sí’g ləm,

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

1 Timote 4:6

Ɓó lé i ɔr ginta neelé ar marije gin Kristi’g lé ndá i a to njekɔrgoota lə Jeju Kristi gə́ maji ya. Ta meekun ləm, gə gin kankəmta gə́ i ula rɔi keneŋ ləm tɔ lé yee ɓa gə́ nésɔi ya.

2 Timote 1:12

Yee ɓa, m’isi ne dan némeeko̰’g gə mbəa. Nɛ ma m’ra kəmkul dɔ’g el mbata yeḛ gə́ m’ɔm məəm dəa’g lé ma m’gəree gao ləm, m’unda ne məəm yel gə́ dəa’g mbata yeḛ askəm ŋgəm né gə́ m’ya̰ jia’g lé saar ndɔ gə́ boo’g lé ləm tɔ.

2 Timote 3:15

Maktub gə́ to gə kəmee lé i ndoo gə ka sí ba, maktub neelé askəm kar kəmi inja dɔ kaji’g gə goo meekun ləi gin Jeju Kristi’g.

Ǝbrəje 11:13

Deḛ neelé lai d’wəi dɔ meekun’g lə dee, lal kiŋga ne néje gə́ Ala un ndia gə mba kar dee. Nɛ d’oo néje neelé gə goo ŋgalee d’orè meḛ dee dɔ’g més, deḛ pana: Neḛ n’toje gə́ mbáje ləm, gə njékwagirlooje gə́ dɔ naŋg nee ləm tɔ.

Ǝbrəje 6:9

Seḭ gə́ j’unda sí dan kəm sí’g lé ɓó lé jeḛ m’pa togə́bè kara meḛ sí to dɔ sí-seḭ’g ɓəi, jeḛ n’gər gao, néje gə́ maji unda gə́ d’a kɔm sí rəw-kaji’g ɓa wɔji dɔ sí.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.