2 Timote 1:4 - Maktub gə́ To gə Kəmee

⁴ Meem to kəmba dɔ mán-no̰ gə́ kəmi’g ndá ma m’ndiŋga rɔm mba koo kəmi mba kar dɔ rɔlel ləm ɔr ne njal.

2 Timote 1:4 ပူးပေါင်းရင်းမြစ်များ

Pakɔsje 126:5

Deḛ gə́ dubu né gə mán-no̰ kəm dee’g lé D’a kinja kée gə pa boo-rɔkal ta dee’g ya.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Jeremi 31:13

Yen ɓa ŋgama̰dje D’a ra rɔlel loo-ndam’g ləm, Basaje gə ɓugaje kara d’a ra rɔlel ya ləm tɔ. M’a kar kəmndooyoo lə dee tel kalrɔ ləm, M’a gɔl meḛ dee ləm tɔ, M’a kar dee rɔlel karee taa tor Mée tila ŋgaḭla-ŋgaḭla lə dee.

Tagə́maji gə́ Ja̰ ndang 16:22

Seḭ kara ɓasinè lé seḭ síje dan némeeko̰’g, nɛ loo gə́ m’a tel koo sí ndá rɔ sí a lel sí tɔɓəi dəw kára kara a kɔr rɔlel lə sí el tɔ.

Tagə́maji gə́ Ja̰ ndang 16:24

Saar ɓasinè lé seḭ kwɔiyeeje né kára kara gə rim el. Kwɔiyeeje ndá yeḛ a kar sí mba kar dɔ rɔlel lə sí ɔr ne njal.

Néra Njékaḭkulaje 20:19

M’ula dɔm m’ra ne né m’ar Mbaidɔmbaije ləm, m’isi gə mán-no̰ kəm’g dan né gə́ naam’g loo kumum rəw’g lə Jibje ləm tɔ.

Néra Njékaḭkulaje 20:31

Yen ŋga sije kəmba jəgəgə, arje meḛ sí olé dɔ ta gə́ ma m’ndəji sí kára-kára lai gə mán-no̰ kəm’g as ləb munda, dan kàrá gə loondul’g m’ar tam wəi el.

Njé gə́ Rɔmə 1:11

Mbata mal koo kəm sí ram ŋgwɔd-ŋgwɔd gə mba kwa sə sí noji gə́ wɔji dɔ ndil sí lé kar sí ŋgəŋje ne ŋgəŋ-ŋgəŋ,

Njé gə́ Pilibə 1:8

M’unda sí dan kəm’g to gə́ Jeju Kristi unda síjeḛ dan kəmee’g ɗəŋgərə, yee ɓa, Ala to ne dərgelm keneŋ ya.

Njé gə́ Pilibə 2:26

Mbata mal koo sí rəa ŋgwɔd-ŋgwɔd nɛ ta rɔko̰ ləa gə́ oso mbi sí’g lé rəa lelee ne el saar.

1 Njé gə́ Tesalonikə 2:17

Ŋgako̰ síje, jeḛ lé darɔ sí ɓa ya̰ sí waga nɛ meḛ sí ɓa yḛ̀ ya̰ sí el, yee ɓa ar mal koo kəm sí ra sí ne ŋgwɔd-ŋgwɔd.

2 Timote 4:21

Ɔs rɔi ɓad mba ree kiŋgam ɓad ɓa kar naḭ kul teḛ ɓəi. Eubulus, gə Pudens, gə Linus gə Klodia gə ŋgako̰ síje lai rai lapia.

2 Timote 4:9

Ɔs rɔi ɓad ree iŋgam nà,

1 Ja̰ 1:4

Jeḛ ndaŋg taje neelé j’ar sí mba kar dɔ rɔlel lə sí ɔr ne njal.

Loo gə́ killa rea kəm Ja̰’g 21:4

Yeḛ a bɔr mán-no̰ kəm dee’g ləm, yoo a ɓar ri dee gogo el ləm, kəmndooyoo kara a godo ləm, no̰ yoo a godo ləma, meeko̰ kara a godo ləm tɔ mbata néje gə́ dɔtar lé sané pá mba̰.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.