2 Timote 1:3 - Maktub gə́ To gə Kəmee

³ Ala gə́ kamje-je ra kula d’aree ləm, ma kara m’ra kula gə meekara m’aree ləm tɔ lé m’rəa oiyo mbata məəm olé dɔi’g am m’ɓar rii ta-ta loo ra tamaji’g ləm, loondul’g ləm, gə dan kàrá ləm tɔ.

2 Timote 1:3 ပူးပေါင်းရင်းမြစ်များ

Lugu 2:37

Yeḛ si gə́ njekəisiŋga ɓəi ar ləbee aḭ rɔ-jinaijoo-giree-sɔ ndá yeḛ ya̰ mee kəi-Ala un gɔlee unda raŋg ndɔ kára el. Yeḛ wa Ala mée’g loondul’g gə dan kàrá ləm, ɔg ne mée ɓoo ta-ta ra ne tamaji təa’g ləm tɔ.

Néra Njékaḭkulaje 22:3

Ma m’to Jib gə́ d’ojim Tarsə dɔ naŋg gə́ Silisi nɛ kodo ɓa deḛ d’odəm mee ɓee’g neelé ləm, m’isi naŋg gɔl Gamaliel’g m’ndoo ne né m’un ne gel négər gə́ wɔji dɔ godndu ka̰ bɔ síje-je lé lad ləma, m’tədkag loo gə mbata lə Ala lé to gə́ seḭje bèe ɓogənè ya ləm tɔ.

Néra Njékaḭkulaje 23:1

Pool aa kəm njégaŋ-rəwtaje lə Jibje lé njal ɔr ndá yeḛ ula dee pana: Ŋgakɔmje gə́ dəwje, saar ɓogənè m’aw no̰ Ala’g gə meekwəitar el ya ɓəi.

Néra Njékaḭkulaje 24:14

M’ɔr ta nee m’wɔji ne dɔm-ma ya, m’wa Ala lə bɔmje-je məəm’g gə goo rəw gə́ deḛ ɓa ɓaree rəw gə́ to lée’g el. M’ɔm məəm dɔ taje lai gə́ deḛ ndaŋg mee maktub godndu’g ləm, gə ka̰ njéteggintaje ləm tɔ.

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

Néra Njékaḭkulaje 26:4

Ma lé néramje lai un kudee loo gə́ m’nai basa ɓəi lé Jibje lai d’oo gao ya, mbata m’isi dan gin kamje’g Jerusalem’g ya.

Néra Njékaḭkulaje 27:23

Kura lə Ala gə́ dara gə́ ma m’to gə́ kea̰ ləm, m’wá məəm’g ləm tɔ lé teḛ dɔm’g təsərə loondul gə́ nee

Njé gə́ Rɔmə 9:1

Ma gə́ m’to ka̰ Kristi lé kankəmta ɓa m’ula sí ɓó gə́ taŋgɔm ɓa m’ula sí el. Ndilmeenda ɓa oso gelm’g am m’oo ne tapam gə́ ta gə́ tɔgərɔ ya.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Njé gə́ Galati 1:14

Tɔɓəi néra Jibje lé ma m’gər ur dɔ dəwje bula gə́ ləb koji dee səm na̰’d ləm, gə deḛ gə́ to gə́ ginkojije lé ləm tɔ mbata néjiɓee lə bɔmje-je lé ɔs məəm ta ɓɔḭ-ɓɔḭ ya.

Njé gə́ Epesə 1:16

ndá loo gə́ ma m’ɓar ri sí loo ra tamaji ləm lé m’lal ra oiyo mbata lə sí el.

1 Njé gə́ Tesalonikə 3:10

Dan kàrá gə loondul’g lé jeḛ n’ra ndòo rɔ Ala’g lə sí gə tamaji gə́ nuŋga so mba karee ɔr rəw ar sí j’aw j’oo sí mba gɔl meekun lə sí karee maji ɔr njoroŋ tɔ.

1 Timote 1:19

kari aar dɔ meekun’g njaŋg gə goo takə̰ji gə́ maji gə́ to məəi’g ləm tɔ. Njé gə́ na̰je meḛ dee unda pudum dɔ takə̰ji gə́ maji’g neelé ar meekun lə dee ndii ne mán.

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

1 Timote 5:5

Dené gə́ to njekəisiŋga tɔgərɔ gə́ si gə karee ba lé yeḛ unda mée yel dɔ Ala’g ləm, yeḛ ra ne tamaji oso ne ndòo rəa’g ai ne mée sam-sam loondul’g gə dan kàrá ləm tɔ.

2 Timote 1:5

Meem to kəmba dɔ meekun’g ləi gə́ i wa məəi dɔ’g ɓiri to gə́ ka̰ kaije Loyis gə kɔinje Enisə lé tɔ. Ma m’gər gao meekun ləi aw gə ka̰ dee-deḛ na̰’d ya.

2 Timote 3:15

Maktub gə́ to gə kəmee lé i ndoo gə ka sí ba, maktub neelé askəm kar kəmi inja dɔ kaji’g gə goo meekun ləi gin Jeju Kristi’g.

Ǝbrəje 13:8

Jeju Kristi lé loo rəa gə́ tagə́nè ya ləm, to bèe ɓogənè ləma, to bèe ya saar-saar gə no̰ ləm tɔ.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.