2 Timote 1:2 - Maktub gə́ To gə Kəmee

² ma m’unda maktub nee m’ar Timote, ŋgonəm gə́ m’undá dan kəm’g. Maji kar noji gə meekɔrjol gə meelɔm gə́ ḭ rɔ Ala Bɔ síje’g ləm, gə rɔ Jeju Kristi Mbaidɔmbaije’g lə sí ləm tɔ lé nai səi ya!

2 Timote 1:2 ပူးပေါင်းရင်းမြစ်များ

Néra Njékaḭkulaje 16:1

Gée gə́ gogo yeḛ teḛ Derbə gə Listrə. Aa ooje, njekwakila kára si keneŋ gən ria lə Timote. Yeḛ to ŋgon lə Jib gə́ un mée nɛ bɔbeeje to Grek.

Njé gə́ Rɔmə 1:7

Seḭje lai gə́ sije Rɔm, seḭ gə́ Ala ɓar sí unda sí dan kəmee’g gə mba kunda sí gə kəmee lé maji kar noji gə meelɔm lə Ala Bɔ síje ləm, gə ka̰ Mbaidɔmbaije Jeju Kristi ləm tɔ lé nai sə sí.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

1 Njé gə́ Kɔrḭtə 4:17

Gelee gə́ nee ɓa ma m’ula ne Timote rɔ sí’g, yeḛ to ŋgonəm gə́ to gə́ ŋgonkəm, yeḛ to gə́ majikoji no̰ Mbaidɔmbaije’g lé tɔ. Yeḛ nja ɓa a nja̰ gin néram gə́ wɔji dɔ Jeju Kristi gə́ ma m’ndoo dee taree mee Eglisəje gə loo kára-kára lai lé.

Njé gə́ Pilibə 4:1

Gelee gə́ nee ɓa, ŋgakɔmje gə́ m’unda sí dan kəm’g, seḭ gə́ m’oo sí gə́ né gə́ to gə́ ŋgonkəm ləm, seḭ gə́ toje rɔlel ləm ləma, gə dɔgugu ləm ləm tɔ lé maji kar sí-seḭ gə́ m’unda sí dan kəm’g lé aarje njaŋg gin Mbaidɔmbaije’g ya.

1 Timote 1:2

m’ndaŋg maktub nee m’ar Timote, ŋgonəm gə́ gəd-gəd gin meekun’g. Maji kar noji, gə meekɔrjol, gə meelɔm gə́ ḭ rɔ Ala Bɔ síje’g ləm, gə rɔ Jeju Kristi Mbaidɔmbaije’g lə sí ləm tɔ lé nai səi.

2 Timote 2:1

Ŋgonəm, i kara wa rɔi kɔgərɔ gə goo noji gə́ Jeju Kristi wa səi lé.

Titə 1:4

Ma m’ndaŋg maktub nee m’ari-i Titə, ŋgonəm gə́ gəd-gəd gin meekun’g gə́ to né gin sí lé. Maji kar noji gə meelɔm gə́ ḭ rɔ Ala Bɔ síje ləm, gə rɔ Jeju Kristi njekaji sí ləm tɔ lé nai səi.

Titə 2:13

Yee ɓa meḛ sí lel sí ar sí j’unda ne meḛ sí yel ŋgina ne ndɔ ndubarɔ lə Ala gə́ boo gə ka̰ Jeju Kristi, njekaji sí lé tɔ.

3 Ja̰ 1:4

Koo ta lə ŋganəmje gə́ njaa dan kankəmta’g lé ar rɔm lelm ur dɔ rɔlelje’g lai ya.