2 Timote 1:12 - Maktub gə́ To gə Kəmee

¹² Yee ɓa, m’isi ne dan némeeko̰’g gə mbəa. Nɛ ma m’ra kəmkul dɔ’g el mbata yeḛ gə́ m’ɔm məəm dəa’g lé ma m’gəree gao ləm, m’unda ne məəm yel gə́ dəa’g mbata yeḛ askəm ŋgəm né gə́ m’ya̰ jia’g lé saar ndɔ gə́ boo’g lé ləm tɔ.

2 Timote 1:12 ပူးပေါင်းရင်းမြစ်များ

Pakɔsje 25:2

Ala ləm, i nja ɓa m’ɔm məəm dɔi’g Ndá maji kar rɔkul ḭ dəb dɔm’g el! Maji kar njéba̰je ləm d’un baŋga dɔm’g el to!

Pakɔsje 31:5

I nja a kam m’unda wul ba̰də lə deḛ gə́ d’ila mbata ləm lé m’gaŋg Mbata i nja to njekaa dɔm.

Pakɔsje 56:9

Kila gɔlmje gə́ m’isi ne kəmba M’aw ne tar yo gə́ nee lé I tura dee ɗém-ɗém, Man no̰je gə́ kəm’g lé maji kari mbo̰ dee ɔm mee ku’g ləi. See i ndaŋg taree mee maktub’g ləi el wa.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 50:7

Nɛ Mbaidɔmbaije gə́ Njesigənea̰ la səm, Gelee gə́ nee ɓa ma m’oo rɔkulee gə́ né el ləm, Gelee gə́ nee ɓa m’ar ŋgo nɔm To asəna gə kɔri-mbal bèe ləm tɔ Mbata m’gər gao rɔkul a dəb dɔm’g el.

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Nahum 1:7

Njesigənea̰ to njemaji dum. Yeḛ to loo-kiya-rɔ pḛ́ ndɔ néurti’g. Deḛ gə́ d’ɔm meḛ dee dəa’g lé yeḛ aa dɔ dee kər-kər.

Matiyo 12:21

Ginkoji dəwje-dəwje gə raŋg lé meḛ dee a to yel dɔ ria’g.

Matiyo 24:36

Ndɔ teḛ lə néje neelé dəw kára kara gər ndəa əsé kàree el. Kuraje gə́ dara lé gər el ləm, Ŋgon-dəw kara gər el ləm tɔ nɛ Bɔbeeje nja gə karee ba ɓa gər.

Matiyo 7:22

Ndəa neelé dəwje bula d’a dəjim pana: Mbai, Mbai, see jeḛ riba dɔ ta ləi gə rii el wa. See jeḛ m’ɓar rii n’tuba ne ndilje gə́ kurai meḛ dəwje’g el wa.

Lugu 10:12

Ma m’ula sí təsərə, rəwta gə́ d’a gə gaŋg dɔ ɓee-boo’g neelé a kal dɔ ta gə́ gaŋg dɔ Sɔdɔm’g lé sula ya.

Lugu 23:46

Yen ŋga Jeju ila boo-ndia naŋg ra né wəl pana: Bɔm, m’ya̰ ndiləm meḛ jii’g ya. Loo gə́ yeḛ pa bèe ndá təa udu rub ya tɔ.

Tagə́maji gə́ Ja̰ ndang 17:15

Ma m’ra tamaji tai’g mba kari ɔr dee naŋg nee el nɛ mba kari taa dee ji Njeyèr’g lé.

Tagə́maji gə́ Ja̰ ndang 6:44

Dəw gə́ rara ɓa lé Bɔm nja ɔree el kara a ree rɔm’g gə dɔrea el, nɛ yeḛ gə́ ree rɔm’g lé m’a karee unda loo teḛ loo-yoo’g ndɔ gə́ rudu’g lé ya.

Néra Njékaḭkulaje 13:46

Yen ŋga Pool gə Barnabas d’ula dee ta gə kəm ŋgon diŋgam pana: Ala wɔji mée’g gə mba kar sí-seḭ nja ooje ta ləa kédé par-par, nɛ to gə́ seḭ ɔseeje rəw, ooje ne rɔ sí gə́ dəwje gə́ d’askəm kisi gə kəmə gə́ gə no̰ lé el ndá aa ooje, jeḛ j’ɔs n’tel gə́ ɓee lə njépole-magəje.

Néra Njékaḭkulaje 13:50

Denéje gə́ na̰je gə́ d’wa Ala meḛ dee’g gə́ to kankəm denéje mee ɓee’g ləm, gə dəwje gə́ boo mee ɓee’g ləm tɔ lé Jibje pélé meḛ dee wəs-wəs dɔ Pool gə Barnabas’g. Deḛ d’ɔs dee mba kar dee d’ula kəm Barnabas gə Sool ndòo ndá deḛ tuba dee dɔ naŋg’g lə dee.

Néra Njékaḭkulaje 21:13

Yen ŋga Pool tel ila dee keneŋ pana: See ban ɓa seḭ no̰je arje ɓəŋgərəm a gə ti ne dus nee wa. Lée kwa əsé kwəi Jerusalem’g kara m’isi dɔ gɔlm’g kəgəgə gə mba kaw keneŋ mbata lə ri Mbaidɔmbaije Jeju Kristi lé ya.

Néra Njékaḭkulaje 7:59

Loo gə́ d’ar tilá gə kɔri-ər lé ndá Etien ra tamaji pana: Mbaidɔmbaije, Jeju taa ndiləm gə́ rɔi’g.

Néra Njékaḭkulaje 9:16

Tɔɓəi ma nja m’a tɔjee loo némeeko̰ gə́ a kiŋgá gə mbata lə no̰’m gə́ yeḛ a kunda lé karee oo gao ya ɓəi.

Njé gə́ Rɔmə 1:16

Mbata m’ra kəmkul dɔ Tagə́maji’g lé el: yee to siŋgamoŋ lə Ala gə mba kaji nana ɓa gə́ ɔm mée dɔ’g lé Jibje kédé ɓa Grekje keneŋ ɓəi.

Njé gə́ Rɔmə 9:33

to gə́ maktub gə́ to gə kəmee pa lé: Aa ooje, m’unda pil mbal mee ɓee gə́ Sio̰, To mbal gə́ a tuga gɔl dee kar dee d’oso ne Ndá yeḛ gə́ ɔm mée dəa’g ndá rɔkul a dəb dəa’g el.

1 Njé gə́ Kɔrḭtə 1:8

Yeḛ nja a gɔl sí kar sí ŋgəŋje ne, saar ndɔ gə́ rudee a kun ɗiao, mba kar ndɔ ree lə Mbaidɔmbaije lə sí Jeju Kristi lé ta kára kara a kwa dɔ sí nda̰ el.

1 Njé gə́ Kɔrḭtə 3:13

Mbata ndəa neelé gin kula ra dee a kinja gə́ raga wagəsa dan pər’g mbata pər a naa kula ra nana kara mba koo see to kula gə́ ban wa.

Njé gə́ Pilibə 1:20

Tɔgərɔ ya ma m’wa məəm kɔgərɔ m’unda məəm yel mba kar néje gə́ ram lé a kam m’ra ne rɔkul el. M’wa diŋgam məəm’g ɓasinè to gə́ kédé mba kar darɔm gə́ kəm əsé yeḛ gə́ yoo kara m’a kula ne rɔnduba dɔ Kristi’g.

Njé gə́ Pilibə 3:10

Tɔgərɔ ma m’ndiŋga rɔm gə mba gər ndəaa ləm, gə mba gər siŋgamoŋ gə́ yeḛ teḛ ne dɔkumbwa’g ləma, gə mba gər kula rɔ ndòo ləa lé m’ɔm səa na̰’d keneŋ sad ləma, m’ɔm səa na̰’d sad loo kwəi’g ləa ləm tɔ

Njé gə́ Pilibə 3:21

Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

1 Njé gə́ Tesalonikə 2:16

Deḛ d’ɔg sí loo kula njépole-magəje ta mba kar dee d’iŋga ne kaji, yee ɓa kaiya lə dee uba ne dɔ na̰ ɓul-ɓul rusu loo ya. Nɛ oŋg lə Ala lé uba dee naŋg bus wa dee mba̰.

1 Njé gə́ Tesalonikə 5:4

Seḭ ŋgako̰ síje gə́ sije dan loondul’g el lé ndəa neelé a teḛ dɔ sí’g asəna gə njeɓogo el.

1 Timote 6:20

Yen Timote, tɔs kəmi dɔ nébao gə́ d’ɔm jii’g lé, ta gə́ gə mḭdé ba ləm, gə ta gə́ aw gə goo ka̰ Ala lé el lé sa rɔi keneŋ.

2 Timote 1:14

Né gə́ maji gə́ d’ɔm jii’g gə mba kari aa dəa lé ndém ji dɔ’g més gə goo siŋgamoŋ lə Ndilmeenda gə́ to meḛ sí’g.

2 Timote 1:16

Maji kar Mbaidɔmbaije ra meemaji gə Onesipɔrə gə njénojije ləa mbata yeḛ nja ɓa gɔl məəm gɔl bula ləm, yeḛ ra kəmkul dɔ kúla lar gə́ deḛ tɔm ne el ləm tɔ.

2 Timote 1:18

Maji kar Mbaidɔmbaije nja ar mée oso lemsé dəa’g mee ndɔ gə́ boo’g lé. Néje lai gə́ yeḛ ra am Epesə lé i gər maji unda dəwje gə́ raŋg lai.

2 Timote 1:8

Bèe ndá maji kari ra kəmkul dɔ kɔr goo ta lə Mbaidɔmbaije lə sí el ləm, ma gə́ m’isi daŋgai’g gə mbəa kara ra rɔkul gə mbàm el ləm tɔ. Nɛ maji kula rɔi ndubu səm na̰’d mbata Tagə́maji lé gə goo siŋgamoŋ lə Ala ya.

2 Timote 2:9

Yee ɓa, deḛ tɔm ne, d’am m’isi ne dan némeeko̰’g asəna gə njera néje gə́ majel bèe. Nɛ ta lə Ala lé ndá təa el.

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

Titə 3:8

Ta neelé to kankəmta ya. Ma m’ndigi kari ula dee taree rədədə ya mba kar deḛ gə́ d’ɔm meḛ dee dɔ Ala’g lé néraje gə́ maji ɓa d’a kwəi keneŋ ɗigi-ɗigi. Yee ɓa to né gə́ maji ləm, to gə́ gel né gə́ a la gə dəwje lai ləm tɔ.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Ǝbrəje 2:18

Mbata yeḛ gə́ dum dɔ nékər gə́ əree dan néurti’g lé yeḛ nja ɓa askəm la gə deḛ gə́ nai dan nékər’g ɓəi.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.

1 Piɛrə 4:16

Ɓó lé nana ɓa si dan némeeko̰’g mbata yeḛ to njetaamee-Kristi ndá maji karee ula ne rɔnduba dɔ Ala’g ɓó ra ne kəmkul el, mbata yeḛ askəm kunda ri njetaamee-Kristi neelé dəa’g ya.

1 Piɛrə 4:19

Bèe ndá deḛ gə́ d’isi dan némeeko̰’g gə goo rəw gə́ Ala wɔji lé ndá maji kar dee ra né gə́ maji, ɓó gə d’ɔm ne rɔ dee ji njekunda dee’g gə́ Njemeenda londoŋ lé.

Jude 1:24

Yeḛ gə́ askəm lam sí loo-koso gə́ rara kara ləm, gə́ askəm teḛ sə sí gə rɔ sí gə́ àr ŋgad-ŋgad kar sí aarje ne gə rɔlel dan rɔnduba’g ləa ləm tɔ lé