2 Samel 9:9 - Maktub gə́ To gə Kəmee

⁹ Mbai ɓar Siba, kura lə Sawul ndá ulá pana: Néje lai gə́ to ka̰ Sawul gə ka̰ njémeekəije ləa lai lé ma m’ar ŋgolə ɓéije.

2 Samel 9:9 ပူးပေါင်းရင်းမြစ်များ

2 Samel 16:3

Mbai lé dəjee pana: See ŋgolə ɓéije si ra wa. Siba tel ila mbai’g lé pana: Aa oo, yeḛ nai Jerusalem mbata yeḛ pana: Ɓogənè ya ginkoji Israɛlje d’a tel gə ɓeeko̰ lə bɔ neḛje kar neḛ.

2 Samel 16:4

Mbai ula Siba pana: Aa oo, néje lai gə́ to ka̰ Mepiboset lé to kaḭ-i ya. Ndá Siba pana: Ma m’dəb kəm naŋg nɔḭ’g ya! Ǝi mbai ləm, maji kam m’taa kəmi rəgm ya!

2 Samel 19:29

Mbata njémeekəije lə bɔm lai to d’asəna gə dəwje gə́ kəm tɔl dee no̰ mbai’g ləm, nɛ lé togə́bè kara i ila kura ləi mbuna deḛ gə́ d’isi səi na̰’d ta nésɔ’g ləi. Ŋga see né gə́ ba̰ tɔɓəi ɓa m’a dəji mbai ɓəi wa.

2 Samel 19:30

Mbai lé ulá pana: Tapaije lai neelé see majee to ɗi ɓəi wa. Ma m’pa njaŋg m’pana: I seḭ gə Siba lé a kaije na̰ dɔ naŋgje.

Esai 32:8

Nɛ dəw gə́ njemeemaji lé wɔji rəw néraje gə́ maji ɓa mée’g ləm, Yeḛ aar njaŋg dɔ rəw néraje ləa gə́ maji gə́ yeḛ wɔji lé ləm tɔ.

1 Samel 9:1

Dəw kára gə́ ria lə Kis gə́ to ŋgolə Abiel, gə́ to ŋgolə Seror, gə́ to ŋgolə Bekɔrat, gə́ to ŋgolə Apak, gə́ to ŋgolə dəw gə́ ginkoji’g lə Bḛjami lé si ɓee lə Bḛjamije. Yeḛ to dəw gə́ siŋgá to kɔgərɔ-kɔgərɔ ləm, yeḛ to dəw gə́ boo ləm tɔ.