2 Samel 9:6 - Maktub gə́ To gə Kəmee

⁶ Mepiboset, ŋgolə Jonatan gə́ to ŋgolə Sawul lé ree rɔ Dabid’g ndá yeḛ oso naŋg bəbərə unda barmba dəb kəmee naŋg nea̰’g. Dabid ɓaree pana: Mepiboset! Yeḛ ndigi təa’g pana: To ma kura ləi ya.

2 Samel 9:6 ပူးပေါင်းရင်းမြစ်များ

Gḭ-Néje 18:2

Yeḛ un kəmee gə́ tar ndá aa oo, yeḛ oo dəwje munda gə́ d’aar mbɔree’g dəb. Loo gə́ yeḛ oo dee ndá yeḛ ḭ ta kəi-kubu’g ləa aiŋgwɔd mba tila kəm dee, tɔɓəi yeḛ unda barmba naŋg no̰ dee’g tɔ.

Gḭ-Néje 33:3

Yeḛ nja dəs aw no̰ dee’g. Ndá yeḛ rugu saar aw naŋg-naŋg as gɔl siri ɓa teḛ rɔ ŋgokea̰’g dəb ɓəi.

2 Samel 1:7

Yeḛ tel kəmee gə́ gogo oom tɔɓəi yeḛ ɓarm ndá m’pana: Yḛ̀ m’aar nee.

2 Samel 16:4

Mbai ula Siba pana: Aa oo, néje lai gə́ to ka̰ Mepiboset lé to kaḭ-i ya. Ndá Siba pana: Ma m’dəb kəm naŋg nɔḭ’g ya! Ǝi mbai ləm, maji kam m’taa kəmi rəgm ya!

2 Samel 21:7

Mbai aji Mepiboset, ŋgolə Jonatan gə́ to ŋgolə Sawul mbata ta manrɔ gə́ to mbuna Dabid’g gə Jonatan, ŋgolə Sawul’g no̰ Njesigənea̰’g lé.

2 Samel 4:4

Jonatan, ŋgolə Sawul lé ŋgonee gə́ diŋgam si keneŋ nɛ gɔleeje unda ndolè. Yeḛ lé ləbee as mi ba loo gə́ d’ḭ Jisreel ree gə sorta kwəi lə Sawul gə Jonatan, ndá njeŋgəmee lé unee aḭ səa tɔɓəi loo gə́ aḭ səa gə tɔgee ndá yeḛ tel oso ar ŋgon lé gɔleeje mbɔi. Ŋgon neelé ria lə Mepiboset.

2 Samel 9:5

Yen ŋga mbai Dabid ula kula kəi lə Makir, ŋgolə Amiel mee ɓee gə́ Lodebar lé ar dee ree səa.

1 Sôrta Gḭka-Israɛlje 8:34

Ŋgolə Jonatan ndá ria lə Merib-Baal. Merib-Baal oji Mika.

1 Sôrta Gḭka-Israɛlje 9:40

Ŋgolə Jonatan lé ria lə Merib-Baal. Merib-Baal oji Mika.

1 Samel 20:41

Loo gə́ ŋgon lé ɔd aw mba̰ ndá Dabid ḭ dəb loo gə́ kára gə́ to par gə́ dɔkɔl, tɔɓəi yeḛ oso bəbərə dəb kəmee naŋg naŋg as gɔl munda. Ndá Kuramar-na̰je gə́ joo neelé d’wa na̰ kar na̰’g sud ləm no̰ na̰’d ləm tɔ, nɛ Dabid ɓa no̰ ɓugudu-ɓugudu unda maree ya.

1 Samel 25:23

Loo gə́ Abigayil oo Dabid ndá yeḛ ḭ gə tɔgee dɔ mulayḛ̀je’g ləa ur naŋg unda barmba dəb kəmee naŋg no̰ Dabid’g.