2 Samel 9:10 - Maktub gə́ To gə Kəmee

¹⁰ I a ndɔ dɔ naŋg gə mbata ləa, i seḭ gə ŋganije ləm, gə kuraje ləi ləm tɔ. I a kinja kandə néje gə mba kar ŋgolə ɓéije iŋga nésɔ nɛ Mepiboset, ŋgolə ɓéije lé a sɔ né səm na̰’d ta-ta ya. Siba lé ŋganeeje gə́ diŋgam d’as dɔg-gir-dee-mi ləm, kuraje ləa d’as rɔ-joo ləm tɔ.

2 Samel 9:10 ပူးပေါင်းရင်းမြစ်များ

2 Samel 16:3

Mbai lé dəjee pana: See ŋgolə ɓéije si ra wa. Siba tel ila mbai’g lé pana: Aa oo, yeḛ nai Jerusalem mbata yeḛ pana: Ɓogənè ya ginkoji Israɛlje d’a tel gə ɓeeko̰ lə bɔ neḛje kar neḛ.

2 Samel 19:18

Bḛjamije gə́ d’aw səa lé d’as tɔl-dɔg (1.000) ləm, gə Siba, kura lə njémeekəije lə Sawul gə ŋganeeje gə́ diŋgam dɔg-gir-dee-mi gə kuraje ləa rɔ-joo səa na̰’d ləm tɔ. Deḛ gaŋg baa gə́ Jurdɛ̰ no̰ mbai’g.

2 Samel 19:28

Ndá yeḛ lé gaŋg taŋgɔm ɔm tam’g no̰ mbai’g ləm. Nɛ mbai ləm lé to asəna gə kura lə Ala gə́ dara bèe. Maji kari ra né gə́ i oo gə́ né gə́ maji kəm ra ya.

2 Samel 21:7

Mbai aji Mepiboset, ŋgolə Jonatan gə́ to ŋgolə Sawul mbata ta manrɔ gə́ to mbuna Dabid’g gə Jonatan, ŋgolə Sawul’g no̰ Njesigənea̰’g lé.

2 Samel 9:7

Dabid ulá pana: Maji kari ɓəl el mbata ma m’ndigi ra səi meemaji mbata Jonatan gə́ bɔbije lé ya. M’a kari dɔ naŋgje lai gə́ to ka̰ kaije Sawul ləm, tɔɓəi i a sɔ né səm na̰’d ta-ta ləm tɔ.

1 Mbaije 2:7

I a ra meemaji gə ŋgalə Barjilai, dəw gə́ Galaad lé, d’a si mbuna deḛ gə́ d’usɔ səi né na̰’d ta-ta ya. Mbata loo gə́ deḛ ree la səm mee ndəa gə́ m’aḭ ne no̰ ŋgokɔḭ Absalɔm’g lé deḛ ra səm meemaji togə́bè tɔ.

2 Mbaije 25:29

Yeḛ aree tɔr kubu-daŋgai rəa’g ya̰ tula kubuje gə́ raŋg ndá Jojakḭ sɔ səa né ndɔje kára-kára lai mee ndɔje gə́ yeḛ si ne kəmba lé tɔ.

Jeremi 52:34

Mbai gə́ Babilɔn aree nḛ́gəmrea gə ndɔje kára-kára lai gə́ yeḛ si ne kəmba lé saar ndɔ kwəi’g ləa tɔ.

Lugu 14:15

Dəw kára mbuna deḛ gə́ d’isi səa ta nésɔ’g lé loo gə́ yeḛ oo tapa Jeju lé ndá ulá pana: Yeḛ gə́ si ta ka-nésɔ mee ɓeeko̰’g lə Ala lé ndá rəa a lelee yaa̰.