2 Samel 8:6 - Maktub gə́ To gə Kəmee

⁶ Dabid unda dəw dɔ kudu-njérɔje mee ɓee gə́ Aram gə́ Damas’g. Bèe ɓa Aramje d’ula ne dɔ dee gel Dabid’g ndá deḛ d’uga dɔ rɔ dee d’aree tɔ. Njesigənea̰ ar Dabid dum dɔ looje lai gə́ yeḛ aw keneŋ lé.

2 Samel 8:6 ပူးပေါင်းရင်းမြစ်များ

2 Samel 10:19

Mbaije lai gə́ d’ula dɔ dee gin Adadéjer’g lé loo gə́ d’oo to gə́ Israɛlje dum dəa gə rɔ ndá deḛ d’ɔm na̰’d gə Israɛlje d’ula ne dɔ dee gel siŋgamoŋ’g lə dee. Bèe ɓa Aramje d’oo né kára gə mba ra la ne gə Amo̰je gogo el tɔ.

2 Samel 23:14

Dabid si mee kəi-kaar-kɔgərɔ’g tɔɓəi loo-si Pilistije to mee ɓee gə́ Betlehem tɔ.

2 Samel 3:18

Maji kar sí ṵdáje gə́ mbai ɓasinè ŋga mbata Njesigənea̰ pata wɔji ne dɔ Dabid pana: To Dabid, kura lə neḛ lé ɓa n’a kɔr ne koso-dəwje lə neḛ gə́ Israɛl ji Pilistije’g ləm, gə ji njéba̰je’g lə deḛ lai ləm tɔ kɔm dee tar ya.

2 Samel 5:10

Dabid tel to dəw gə́ boo gə́ kédé-kédé mbata Njesigənea̰, Ala gə njeboo-néje lé nai səa ya.

2 Samel 7:9

Ma m’nai səi looje gə́ rara kara gə́ i aw keneŋ ləm, ma m’tuji njéba̰je ləi nɔḭ’g ləma, ma m’ar rii ɓar to gə́ ri dəwje gə́ boo-boo gə́ d’isi dɔ naŋg nee ɓar ne bèe ləm tɔ.

2 Samel 8:14

Yeḛ unda dəw dɔ kudu-njérɔje’g mee ɓee gə́ Edɔm, yeḛ unda dee ar dee taa loo mee ɓee gə́ Edɔm lai ya. Bèe ɓa Edɔmje d’ula ne dɔ dee gel Dabid’g. Njesigənea̰ ar Dabid dum dɔ looje lai gə́ yeḛ aw keneŋ lé tɔ.

2 Samel 8:2

Yeḛ dum dɔ Moabje ndá yeḛ ar dee to naŋg ɓa yeḛ wɔji dee gə kúla. Yeḛ wɔji dee-deḛ gə́ loo joo mba kar dee d’wəi ləm, deḛ gə́ loo kára lé yee wɔji mba kya̰ dee kəmba ləm tɔ. Togə́bè ɓa Moabje d’ula ne dɔ dee gel Dabid’g ləm, deḛ d’uga ne dɔ rɔ dee d’aree ləm tɔ.

2 Samel 8:7

Dabid taa dərje gə́ ra gə larlɔr gə́ kuraje lə Adadéjer d’aw ne ndá yeḛ ree ne Jerusalem.

2 Mbaije 1:1

Loo gə́ Akab wəi mba̰ ndá Moabje d’ḭ d’ɔs Israɛlje rəw.

2 Mbaije 14:28

Ges sorta néraje lə Jeroboam, gə néje lai gə́ yeḛ ra, gə nésiŋgamoŋje ləa gə́ loo-rɔ’g, gə loo gə́ yeḛ ar ɓeeje gə́ Damas gə Amat gə́ to ka̰ Juda kédé lé tel to gel siŋgamoŋ’d lə Israɛlje gogo to lé deḛ ndaŋg taree mee Maktub-sorta néraje’g lə mbaije gə́ Israɛl lé ya.

2 Mbaije 18:7

Yee gə́ bèe ɓa Njesigənea̰ nai ne gə Ejekias, aree teḛ ne kɔr dɔ néje’d lai gə́ yeḛ ra lé. Tɔɓəi yeḛ ḭ gə mbai gə́ Asiri ɔsee rəw ɓó yeḛ ula dəa gelee’g ra né aree el ŋga.

2 Mbaije 3:4

Mesa, mbai gə́ Moab lé badə-kosoje ləa bula yaa̰, négədɓee gə́ yeḛ ar mbai gə́ Israɛl gə ləb kára-kára lé to ŋgan badje tɔl-dɔg-loo-tɔl (100.000) gə bàl badje tɔl-dɔg-loo-tɔl (100.000) gə bḭ dee na̰’d tɔ.

1 Sôrta Gḭka-Israɛlje 18:13

Yeḛ unda loo-si kudu njérɔje mee ɓee gə́ Edɔm ndá Edɔmje lai d’ula ne dɔ dee gel Dabid’g. Njesigənea̰ ar Dabid dum dɔ looje lai gə́ yeḛ aw keneŋ ya.

2 Sôrta Gḭka Israɛlje 17:2

Yeḛ unda njérɔje mee ɓee-booje gə́ Juda lai gə́ d’ila ndògo-bɔrɔ gugu ne dɔ dee ləm, yeḛ unda kudu-njérɔje mee ɓee gə́ Juda gə mee ɓee-booje gə́ Eprayim lai gə́ bɔbeeje Asa taa dee kédé lé ləm tɔ.

Pakɔsje 140:7

Ma m’ula Njesigənea̰ lé m’pana: I lé to Ala ləm ya. Njesigənea̰, maji kari ur mbii oo ne ndum Gə́ m’ra ne ndòo rɔi’g.

Pakɔsje 60:10

Moabje lé to ŋgo gə́ neḛ ndogo mán, N’tɔr markob lə neḛ kara n’ɔm dɔ Edɔmje’g ya. Seḭ gə́ ɓee lə Pilistije lé Maji kar sí ɔsje pa wɔji ne dɔ neḛ,

Gosota-Kəmkàrje 21:31

Kunda lé deḛ ndée goso mbata lə ndɔ rɔ, Nɛ Njesigənea̰ ɓa ar dəw un baŋga ya.

1 Samel 13:3

Jonatan dum dɔ kudu-njérɔje lə Pilistije gə́ loo-si dee to Gibea ndá Pilistije d’oo taree. Sawul ar dee d’im to̰to̰ mee ɓeeko̰’g lai pana: Maji kar Ǝbrəje tuga mbi dee d’oo ne maji.

1 Samel 14:1

Ndɔ kára bèe Jonatan, ŋgolə Sawul ula basa gə́ njekodo nérɔje ləa pana: Gə́ ree ar sí j’aw saar n’teḛje loo-si Pilistije gə́ to kel loo gə́ nu. Nɛ yeḛ ula bɔbeeje taree el.

1 Samel 14:15

Ɓəl-boo taa loo-si dee pəl-pəl ləm, mee looje’g lai ləma, mbuna koso-dəwje’g ləm tɔ. Deḛ gə́ d’isi loo-si dee’g gə deḛ gə́ to njékaw waije lé kara ɓəl unda dee badə gaŋg dee keneŋ tɔ. Dɔ naŋg yə ɓugu-ɓugu, yee ɓa to gə́ ɓəl-boo lə Ala ya.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.