2 Samel 8:4 - Maktub gə́ To gə Kəmee

⁴ Dabid taa njérɔ gə kundaje ləa tɔl-dɔg gə dɔ dee tɔl-siri ləm (1.700), gə goŋ-rɔje tɔl-dɔg-loo-rɔ-joo (20.000) ləm tɔ. Yeḛ ŋgəm kundaje gə́ njḛ́dɔr pusu-rɔje as tɔl (100) nɛ yeḛ gaŋg kwɔi kundaje gə́ raŋg lai ya.

2 Samel 8:4 ပူးပေါင်းရင်းမြစ်များ

Gḭ-Néje 49:6

Ma lé m’ɔm sə dee na̰’d dɔ tapa dee’g gə goo ŋgəḭ el ləm, Ndiləm ɔm sə dee na̰’d loo-kwa-dɔ-na̰’g lə dee el ləm tɔ! Mbata deḛ tɔl dəwje gə goo oŋg gə́ to meḛ dee’g ləm, Deḛ tḭja kwɔi bɔ maŋgje lé Gə goo meeyèr lə dee lé ləm tɔ.

1 Mbaije 10:26

Salomo̰ mbo̰ pusu-rɔje ləm, gə njérɔ gə kundaje ləm tɔ, pusu-rɔje d’as tɔl-dɔg gə dəa tɔl-sɔ (1.400) ləm, njérɔ gə kundaje d’as tɔl-dɔg-loo dɔ-giree-joo (12.000) ləm tɔ, yeḛ unda dee mee ɓee-booje’g loo gə́ pusu-rɔje ləa to keneŋ ləm, gə Jerusalem mbɔr mbai’g ləm tɔ.

1 Sôrta Gḭka-Israɛlje 18:4

Dabid taa pusu-rɔje ləa tɔl-dɔg (1.000) ləm, gə njérɔ gə kundaje ləa tɔl-dɔg-loo-siri ləma (7.000), gə njérɔje gə́ to bèrje tɔl-dɔg-loo-rɔ-joo (20.000) ləm tɔ, yeḛ gaŋg kwɔi kundaje gə́ njḛ́dɔr pusuje lai nɛ yeḛ ŋgəm dee joo-joo as loo tɔl (100) ba.

Pakɔsje 20:7

Ɓasinè ma m’gər gao, Njesigənea̰ aji yeḛ gə́ yeḛ wa dəa gə ubu, Yeḛ a koo ndia mee dara gə́ to loo-siée gə́ to gə kəmee doi ləm, Yeḛ a la səa gə jikɔl siŋgamoŋ ləa ləm tɔ.

Tel tura Godndu 17:16

Nɛ maji karee aw gə kundaje bula el ləm, karee ar koso-dəwje tel d’aw Ejiptə ɓa gə mba kiŋga ne kundaje bula el ləm tɔ, mbata Njesigənea̰ ula sí kédé pana: Seḭ a telje kawje rəw’g neelé gogo el ŋga.

Jujé 11:6

Njesigənea̰ ula Juje pana: Ɓəl dee el mbata bèlè kàr to gə́ maree bèe ndá m’a kɔm yoo dee no̰ Israɛlje’g. I a tuga kwɔi kunda-kaw-rɔje lə dee gaŋg ləm, i a roo pusu-rɔje lə dee ləm tɔ.

Jujé 11:9

Juje ra sə dee to gə́ Njesigənea̰ ulá ne lé ya, yeḛ tuga kwɔi kunda-kaw-rɔje lə dee gaŋg ləm, yeḛ roo pusu-rɔje lə dee ləm tɔ.