2 Samel 8:3 - Maktub gə́ To gə Kəmee

³ Dabid dum dɔ Adadéjer, ŋgolə Reob, mbai gə́ Soba loo gə́ yeḛ aw mba tel ko̰ɓee dɔ looje gə́ mbɔr baa gə́ Epratə’g gogo lé.

2 Samel 8:3 ပူးပေါင်းရင်းမြစ်များ

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

2 Samel 10:15

Aramje d’oo to gə́ Israɛlje dum dɔ dee ndá deḛ tel mbo̰ dɔ na̰ d’unda siŋga dee na̰’d.

2 Samel 10:16

Adadéjer ula kula ɓar Aramje gə́ d’isi kel tura-baa’g nu ndá deḛ ree Helam ar Sobak gə́ to ɓé-njérɔje lə Adadéjer to njekɔrno̰ dee.

2 Samel 10:19

Mbaije lai gə́ d’ula dɔ dee gin Adadéjer’g lé loo gə́ d’oo to gə́ Israɛlje dum dəa gə rɔ ndá deḛ d’ɔm na̰’d gə Israɛlje d’ula ne dɔ dee gel siŋgamoŋ’g lə dee. Bèe ɓa Aramje d’oo né kára gə mba ra la ne gə Amo̰je gogo el tɔ.

2 Samel 10:6

Amo̰je lé d’oo to gə́ deḛ tel to kḛji kəm Dabid’g ndá deḛ tuga goŋ-rɔje gə́ Aram gə́ Bet-Reob gə njé gə́ Aram gə́ Soba as tɔl-dɔg-loo-rɔ-joo (20.000) ləm, gə deḛ gə́ njérɔje lə mbai gə́ Maaka d’as tɔl-dɔg (1.000) ləma, gə njérɔje gə́ Tɔb d’as tɔl-dɔg-loo dɔg giree joo (12.000) gə́ yeḛ wɔji mba kar dee lar ləm tɔ.

2 Samel 23:36

gə Jigeal, ŋgolə Natan, gə Soba, gə Bani, dəw gə́ Gad,

1 Sôrta Gḭka-Israɛlje 18:3

Dabid dum dɔ Hadaréjer, mbai gə́ Soba par gə́ Amat loo gə́ Hadaréjer lé saŋg loo gə mba kar ɓeeko̰ ləa aw gə́ kédé-kédé mbɔr baa gə́ Epratə’g.

2 Sôrta Gḭka Israɛlje 8:3

Salomo̰ ɔr rɔ aw rɔ gə njé gə́ Amat mbɔr loo gə́ Soba dum dɔ dee.

Pakɔsje 60:1

Pakɔs lə Dabid gə́ ar bao-pa mba karee ɔs sə dee lé gə mba ndoo dee ne né. D’ɔs gə ndu pa gə́ pana: Pudu ndujaje.

Pakɔsje 72:8

Yeḛ a ko̰ɓee un kudee baa-boo-kad’g nee saar teḛ ne yeḛ gə́ raŋg’d ləm, Un kudee mán baa’g saar kɔr ne rudu naŋg njal ya ləm tɔ.

Teḛ-Raga 23:31

M’a kwɔji ŋgaŋ loo lə sí gə rəw nimee-nimee un kudee dɔ baa-boo gə́ ria lə Baa-Kas saar teḛ ne baa-boo’g lə njé gə́ Pilisti ləm, gə kḭ dɔdilaloo’g saar teḛ ta baa’g ləm tɔ, mbata m’a kɔm njéɓeeje neelé ji sí’g ndá seḭ a tuba deeje no̰ sí’g tɔ.

Tel tura Godndu 11:24

Looje lai gə́ seḭ a kilaje gɔl sí keneŋ lé d’a tel to ka̰ sí: rəw-nim-ɓee lə sí a kun kudee dɔdilaloo’g saar teḛ Liba̰ ləm, a kḭ baa gə́ ria lə Epratə kaw saar teḛ baa-boo-kad’g par gə́ dɔ-gó ləm tɔ.

1 Samel 14:47

Loo gə́ Sawul ar ko̰ gə́ yeḛ o̰ ɓee dɔ Israɛlje’g lé to njaŋg ndá yeḛ rɔ gə njéba̰je ləa gə́ yo gə́ nee. Yeḛ rɔ gə Moabje ləm, gə Amo̰je ləm, gə Edɔmje ləm, gə mbaije gə́ Soba ləma, gə Pilistije ləm tɔ. Looje lai gə́ turu rəa keneŋ lé yeḛ un baŋga-baŋga ya.