2 Samel 8:2 - Maktub gə́ To gə Kəmee

² Yeḛ dum dɔ Moabje ndá yeḛ ar dee to naŋg ɓa yeḛ wɔji dee gə kúla. Yeḛ wɔji dee-deḛ gə́ loo joo mba kar dee d’wəi ləm, deḛ gə́ loo kára lé yee wɔji mba kya̰ dee kəmba ləm tɔ. Togə́bè ɓa Moabje d’ula ne dɔ dee gel Dabid’g ləm, deḛ d’uga ne dɔ rɔ dee d’aree ləm tɔ.

2 Samel 8:2 ပူးပေါင်းရင်းမြစ်များ

2 Samel 12:31

Yeḛ ar koso-dəwje gə́ mee ɓee’g teḛ raga ndá yeḛ ɔm kulaje gə́ kədərə kədərə dɔ dee’g ar dee ra kula gə kiaje gə́ ka̰ kinja kagje ləm, gə négɔl dɔ naŋg gə́ təa adə gə́ ra gə larndul ləm, gə tinaje gə́ to larndul ləma, gə kula gə́ wɔji dɔ nuŋga bɔrɔje ləm tɔ. Yeḛ ra togə́bè gə ɓee-booje lə Amo̰je lai ya. Tɔɓəi Dabid gə njérɔje ləa lai tel d’aw Jerusalem gogo tɔ.

2 Samel 8:6

Dabid unda dəw dɔ kudu-njérɔje mee ɓee gə́ Aram gə́ Damas’g. Bèe ɓa Aramje d’ula ne dɔ dee gel Dabid’g ndá deḛ d’uga dɔ rɔ dee d’aree tɔ. Njesigənea̰ ar Dabid dum dɔ looje lai gə́ yeḛ aw keneŋ lé.

2 Mbaije 1:1

Loo gə́ Akab wəi mba̰ ndá Moabje d’ḭ d’ɔs Israɛlje rəw.

2 Mbaije 17:3

Salmanasar, mbai gə́ Asiri ḭ aw rɔ səa ndá tədee rɔ, bèe ɓa Ojee ula dəa nea̰’g ləm, uga lar-gədɓee aree ləm tɔ.

1 Sôrta Gḭka-Israɛlje 18:2

Yeḛ dum dɔ Moabje ndá Moabje d’ula dɔ dee gel Dabid’g d’uga ne dɔ rɔ dee d’aree tɔ.

2 Sôrta Gḭka Israɛlje 26:8

Amo̰je kara ree gə nékarje d’ar Ojias tɔ. Ndá ria ɓar saar teḛ kəm-rəw-nim-ɓee gə́ Ejiptə mbata yeḛ tel to njesiŋgamoŋ gə́ yaa̰.

Pakɔsje 108:9

Galaadje gə Manasəje lé to gə́ ka̰ neḛ ya, Eprayimje lé to dɔgugu-rɔ gə́ neḛ n’ula dɔ neḛ’g, Judaje kara to kag-mbai ka̰ ko̰ɓee gə́ n’wa ji neḛ’g tɔ.

Pakɔsje 18:45

M’pata gɔl kára ba ya ndá Léegəneeya d’ila ŋgonkoji dɔm’g ləm, Deḛ gə́ d’ḭ ɓee gə́ raŋg’d ya kara Bɔr bèlm ya ləm tɔ.

Pakɔsje 60:10

Moabje lé to ŋgo gə́ neḛ ndogo mán, N’tɔr markob lə neḛ kara n’ɔm dɔ Edɔmje’g ya. Seḭ gə́ ɓee lə Pilistije lé Maji kar sí ɔsje pa wɔji ne dɔ neḛ,

Pakɔsje 60:8

Ala pata gə goo meenda ləa pana: Neḛ lé n’a kun baŋga ləm, N’a kai ɓee-boo gə́ Sikem dana ləma, N’a kwɔji kəm wəl gə́ Sukot lé ləm tɔ.

Pakɔsje 83:6

Deḛ lai neelé d’ar meḛ dee asəna téréré ləm, Deḛ manrɔ dee d’ar na̰ d’oma̰ ne səi ləm tɔ.

Esai 36:16

Maji kar sí taaje ta lə Ejekias el mbata mbai gə́ Asiri pa togə́bè pana: Maji kar sí ɔmje sə neḛ na̰’d osoje gel neḛ’g. Bèe ɓa nana kara mbuna sí’g a sɔ kandə nduú ləa-ləa gə kandə kodé ləa ləm, nana kara a kai mán mee bwa-mán’g ləa ləm tɔ

Bula lə Israɛlje 24:17

Ma m’ée nɛ to gə́ ɓasinè el ɓəi, Ma m’eaa, nɛ aar mbɔrm’g dəb el tɔ. Kérémé ḭ rɔ Jakob’g ləm, Kag-mbai ḭ rɔ Israɛl’g ləm tɔ. Yeḛ kunda ŋgo no̰ njé gə́ Moab tɔ ləm, Yeḛ kunda dɔ ŋgalə Set lai ləm tɔ.

1 Samel 10:27

Nɛ lé bèe kara dəwje gə́ njémeeyèrje gə́ d’isi keneŋ pana: Yen gə́ ɗi bèe wa. Dəw gə́ nee ŋga a taa dɔ sí wa! Yee ɓa deḛ d’ə̰jee ne bəḭ-bəḭ ndá d’un né kára kara d’wa ne səa noji el. Nɛ Sawul oo gə́ né el tɔ.

1 Samel 14:47

Loo gə́ Sawul ar ko̰ gə́ yeḛ o̰ ɓee dɔ Israɛlje’g lé to njaŋg ndá yeḛ rɔ gə njéba̰je ləa gə́ yo gə́ nee. Yeḛ rɔ gə Moabje ləm, gə Amo̰je ləm, gə Edɔmje ləm, gə mbaije gə́ Soba ləma, gə Pilistije ləm tɔ. Looje lai gə́ turu rəa keneŋ lé yeḛ un baŋga-baŋga ya.

1 Samel 22:3

Dabid ḭ lée’g neelé aw Mispé mee ɓeeko̰ gə́ Moab. Yeḛ ula mbai gə́ Moab lé pana: M’ra ndòo rɔi’g, maji kari ya̰ loo ar bɔmje gə kɔmje ree d’isi rɔi’g nee saar kam m’oo né gə́ Ala a ra mbata ləm ɓa.

1 Samel 22:4

Yeḛ aw sə dee rɔ mbai gə́ Moab ndá deḛ d’isi səa gə ndɔje lai gə́ Dabid si ne kəi-kaar-kɔgərɔ’d gə́ iya rəa keneŋ lé.