2 Samel 8:18 - Maktub gə́ To gə Kəmee

¹⁸ Seraja to njendaji-maktub, Benaja, ŋgolə Jeojoda to mbai dɔ Keretje gə Peletje, ndá ŋgalə Dabid lé to njékinjanéməsje tɔ.

2 Samel 8:18 ပူးပေါင်းရင်းမြစ်များ

2 Samel 15:18

Kuraje ləa lai ləm, gə Keretje lai ləma, gə Peletje lai ləm tɔ njaa nea̰’g ndá Gatje tɔl-misa̰ (600) gə́ d’ḭ Gat ree gée’g lé njaa no̰ mbai’g tɔ.

2 Samel 20:23

Joab to ɓé-njérɔje lə Israɛlje lai, Benaja, ŋgolə Jeojoda to ɓée Keretje gə Peletje,

2 Samel 20:26

Ira, dəw gə́ Jayir to njekinjanéməs lə Dabid tɔ.

2 Samel 20:7

Abisai aw ndá yeḛ ar njérɔje lə Joab ləm, gə Keretje ləm, gə Peletje ləma, gə bao-rɔje lai ləm tɔ lé d’aw səa na̰’d, deḛ d’unda loo mee ɓee-boo gə́ Jerusalem teḛ d’aw mba korə Seba, ŋgolə Bikri lé.

1 Mbaije 1:38

Togə́bè ɓa Sadɔk, njekinjanéməs aw gə Natan, njetegginta ləm, gə Benaja, ŋgolə Jeojoda ləma, gə Keretje gə Peletje ləm tɔ, deḛ d’ar Salomo̰ uba ko̰ kunda-mulayḛ̀je lə mbai Dabid ndá deḛ d’aw səa Giho̰ tɔ.

1 Mbaije 1:44

Yeḛ ula Sadɔk, njekinjanéməs ləm, gə Benaja, ŋgolə Jeojoda ləma, gə Keretje gə Peletje ləm tɔ ar dee d’aw səa ndá deḛ d’aree uba ko̰ kunda-mulayḛ̀je lə mbai ya.

1 Mbaije 1:8

Nɛ Sadɔk, njekinjanéməs ləm, gə Benaja, ŋgolə Jeojoda ləm, gə Natan, njetegginta lə Ala ləm, gə Simei, gə Rei ləma, gə bao-rɔje lə Dabid ləm tɔ lé ndigi gə Adonija el.

1 Mbaije 2:25

Togə́bè ɓa mbai Salomo̰ ula Benaja, ŋgolə Jeojoda lé aree unda Adonija tɔlee tɔ.

1 Mbaije 4:4

Benaja, ŋgolə Jeojoda to ɓé-njérɔje, Sadɔk gə Abiatar to njékinjanéməsje,

1 Mbaije 4:5

Ajaria, ŋgolə Natan to mbai dɔ njékaa dɔ néje, Jabud ŋgolə Natan, to njekaa dɔ ɓeeko̰ gə́ mbai undá dan kəmee’g,

2 Mbaije 11:4

Mee ləb gə́ njekɔm’g siri ndá Jeojoda ula kula ɓar ɓé-njérɔje gə́ Keret tɔl-tɔl (100) ləm, gə njérɔje gə́ njékaḭ bada dɔ looje’g ləm tɔ ndá yeḛ ar dee ree rəa’g mee kəi’g lə Njesigənea̰. Yeḛ man rəa ɔm ne sə dee na̰’d, tɔɓəi yeḛ ar dee manrɔ dee bər-bər d’un ne ndu dee mee kəi’g lə Njesigənea̰ ndá yeḛ tɔji dee ŋgolə mbai lé tɔ.

1 Sôrta Gḭka-Israɛlje 11:22

Benaja, ŋgolə Jeojoda, gə́ to ŋgolə dəw gə́ Kabseel gə́ to gə́ kankəm bao-rɔ gə́ boo gə goo néreaje gə́ to ɓəl lé, tɔl bao-rɔje gə́ Moab joo gə́ to asəna gə toboḭje bèe. Yeḛ ur mee bwa-mán gə́ mán godo keneŋ tɔl ne yeḛ gə́ kára, mee ndɔ gə́ ndi ər gə kwɔji keneŋ lé.

1 Sôrta Gḭka-Israɛlje 18:17

Benaja, ŋgolə Jeojoda to mbai dɔ Keretje gə Peletje ndá ŋgalə Dabid ɓa to dəwje gə́ boo mbɔr mbai’g ya.

Ejekel 25:16

gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a kula ji neḛ ndiŋ dɔ Pilistije’g ndá n’a tuji Keretje ləm, ges deḛ gə́ nai ta baa-boo-kad’g lé kara n’a tuji dee pugudu ya ləm tɔ.

Soponi 2:5

Meeko̰ a koso dɔ dəwje lai gə́ d’isi ta baa-boo-kad’g Gə́ to ginkojije gə́ Keret. Seḭ Kana̰je gə́ dɔ naŋg gə́ Pilisti lé Njesigənea̰ pata ɔs sí ne rəw! Yeḛ pana: N’a tuji sí pugudu kar dəwje godo mee ɓee’g neelé.

1 Samel 30:14

Jeḛ j’awje wai par gə́ dɔkɔl lə Keretje, dɔ naŋg ɓee’g lə Judaje ləma, gə dɔkɔl lə Kaleb ləm tɔ ndá jeḛ n’rooje Siklag dula-dula tɔ.