2 Samel 8:10 - Maktub gə́ To gə Kəmee

¹⁰ yeḛ ula Joram gə́ to ŋgonee rɔ mbai Dabid’g mba karee rəa lapia ləm, gə mba karee pidee ləm tɔ mbata rɔ gə́ yeḛ rɔ gə Adadéjer ləm un baŋga dəa’g lé ləm tɔ. Mbata Tɔi lé to njeba̰ lə Adadéjer. Joram aw gə jo-larndaje ləm, gə jo-larlɔrje ləma, gə jo-larkasje ləm tɔ aree.

2 Samel 8:10 ပူးပေါင်းရင်းမြစ်များ

Gḭ-Néje 43:27

Jisəb dəji dee pana: See seḭ síje gə́ majee ya wa. See bɔ síje gə́ tɔg gə́ seḭ paje ta ləa lé see si gə́ majee ya wa. See si kəmba ya ɓəi wa.

2 Samel 8:11

Mbai Dabid lé unda dee gə kəmee ar Njesigənea̰ to gə́ yeḛ unda ne larnda gə larlɔr gə́ yeḛ taa ji ginkoji dəwje gə raŋg’g lai gə́ yeḛ dum dɔ dee gə rɔ kédé lé gə kəmee lé,

2 Samel 8:9

Tɔi, mbai gə́ Amat oo to gə́ Dabid dum dɔ njérɔje lə Adadéjer ndá

1 Mbaije 1:47

Tɔɓəi kuraje lə mbai lé ree tɔr ndu dee dɔ mbai Dabid’g lé d’ulá pana: Maji kar Ala ləa ar ri Salomo̰ ɓar ur dɔ ria-yeḛ’g ləm, ar kalimbai ləa kara ur dɔ kea̰-yeḛ’g ləm tɔ.

1 Sôrta Gḭka-Israɛlje 18:10

yeḛ ula Hadoram gə́ to ŋgonee rɔ mbai Dabid’g mba rəa lapia ləm, gə mba pidee mbata rɔ gə́ yeḛ rɔ gə Hadaréjer dumee ləm tɔ. Mbata Tou to njeba̰ lə Hadaréjer. Tɔɓəi yeḛ ula gə joje ɓəd-ɓəd gə́ ra dee gə larlɔr, gə larnda, gə larkas aree tɔ.

2 Sôrta Gḭka Israɛlje 32:23

Dəwje bula ree Jerusalem gə nékarnojije lə dee d’ar Njesigənea̰ ləm, gə nébaoje gə́ gad dee to yaa̰ d’ar Ejekias mbai gə́ Juda ləm tɔ, bèe ɓa un kudee mee ndəa’g neelé yeḛ iŋga ne riɓar yaa̰ kəm ginkoji dəwje gə raŋg’g lai ya.

Pakɔsje 129:8

Njédəntarje lé kara pa taree pana: Maji kar Njesigənea̰ tɔr ndia dɔ sí’g lé pa bèe el ləm tɔ. Jeḛ lé n’tɔrje ndu sí dɔ sí’g gə ri Njesigənea̰ ya.

Esai 39:1

Mee ndəa’g neelé ya, Merodak-Baladan, ŋgolə Baladan, mbai gə́ Babilɔn ula gə maktub gə nénoji na̰’d ar Ejekias mbata yeḛ oo ta rɔko̰ ləa ləm, gə tel si maji ləa ləm tɔ.

1 Samel 13:10

Loo gə́ yeḛ tɔl kula nékinjaməs gə́ ka̰ roo lé bém mba̰ ndá aa oo, Samel ree ndá Sawul teḛ aw tila kəmee mba rəa lapia.