2 Samel 7:9 - Maktub gə́ To gə Kəmee

⁹ Ma m’nai səi looje gə́ rara kara gə́ i aw keneŋ ləm, ma m’tuji njéba̰je ləi nɔḭ’g ləma, ma m’ar rii ɓar to gə́ ri dəwje gə́ boo-boo gə́ d’isi dɔ naŋg nee ɓar ne bèe ləm tɔ.

2 Samel 7:9 ပူးပေါင်းရင်းမြစ်များ

Gḭ-Néje 12:2

M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ.

2 Samel 22:1

Dabid, ula Njesigənea̰ ta gə pa neelé loo gə́ yeḛ ɔree ne ji njéba̰je’g ləa lai ləm, gə ji Sawul’g ləm tɔ.

2 Samel 22:30

Mbɔl dɔi-i nja ɓa M’ur ne dan kudu-njérɔje’g ləm, Mbɔl dɔi-i Ala ləm lé ɓa M’al ne dɔ ndògo-bɔrɔ ləm tɔ.

2 Samel 22:43

Ma m’iri dee budu-budu M’ar dee to d’asəna gə babur bèe ləm, Ma m’təd dee mbɔḭ dee naŋg mbaji-mbaji Asəna gə bɔrɔ gə́ to rəbə bèe ləm tɔ.

2 Samel 23:1

Aa ooje, rudu taje lə Dabid ɓa nee: Ta lə Dabid, ŋgolə Isai. Ta lə dəw gə́ si tar ndoi, Yeḛ gə́ Ala lə Jakob wa dəa gə ubu, Njekɔspa lə Israɛlje gə́ lel.

2 Samel 5:10

Dabid tel to dəw gə́ boo gə́ kédé-kédé mbata Njesigənea̰, Ala gə njeboo-néje lé nai səa ya.

2 Samel 8:13

Loo gə́ Dabid ḭ loo dum dɔ Aramje’g lé tel ndá yeḛ iŋga riɓar gə́ raŋg ya ɓəi gə goo tɔl gə́ yeḛ tɔl Edɔmje tɔl-dɔg-loo dɔg-giree-jinaijoo (18.000) mee wəl-loo gə́ ria lə Wəl-Kad lé.

2 Samel 8:14

Yeḛ unda dəw dɔ kudu-njérɔje’g mee ɓee gə́ Edɔm, yeḛ unda dee ar dee taa loo mee ɓee gə́ Edɔm lai ya. Bèe ɓa Edɔmje d’ula ne dɔ dee gel Dabid’g. Njesigənea̰ ar Dabid dum dɔ looje lai gə́ yeḛ aw keneŋ lé tɔ.

2 Samel 8:6

Dabid unda dəw dɔ kudu-njérɔje mee ɓee gə́ Aram gə́ Damas’g. Bèe ɓa Aramje d’ula ne dɔ dee gel Dabid’g ndá deḛ d’uga dɔ rɔ dee d’aree tɔ. Njesigənea̰ ar Dabid dum dɔ looje lai gə́ yeḛ aw keneŋ lé.

1 Sôrta Gḭka-Israɛlje 17:8

Ma m’nai səi looje gə́ i aw keneŋ ləm, ma m’tuji njéba̰je ləi nɔḭ’g ləma, m’a kar rii ɓar to gə́ ri dəwje gə́ boo-boo gə́ d’isi dɔ naŋg nee ɓar ne bèe ləm tɔ.

Pakɔsje 21:6

La gə́ i la səa lé ar rɔnduba ləa to ne yaa̰, I dolè gə riɓar gə boo-ronduba tɔ.

Pakɔsje 89:23

Njeba̰ lé a kubá naŋg bus el ləm, Njemeeyèr kara a korè dəa naŋg el ləm tɔ.

Lugu 1:52

Yeḛ wa deḛ gə́ ti rɔ dee dɔ kalimbaije’g lə dee, ɓugu dee naŋg. Nɛ yeḛ wa dəwje gə́ d’ula dɔ dee, ar dee d’unda dɔ dee gə́ tar.

Jujé 6:27

Togə́bè ɓa Njesigənea̰ nai ne gə Juje ar nea̰ oso ne gə loo-loo mee ɓee’g lai ya.

1 Samel 18:14

Yeḛ teḛkɔr dɔ kula reaje’g lai mbata Njesigənea̰ nai səa ya.

1 Samel 18:30

Mbaije gə́ Pilisti teḛ d’aw loo-rɔ’g mba rɔ gə Israɛlje. Nɛ gə ndɔje kára-kára lai gə́ d’aw loo-rɔ’g lé Dabid dum dɔ dee ur dɔ kuraje’g lə Sawul lai ndá ria ɓar ne yaa̰ tɔ.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.

1 Samel 31:6

Togə́bè ɓa Sawul gə ŋganeeje gə́ munda ləm, gə njekodo nérɔje ləa ləma, gə njérɔje ləa lai ləm tɔ lé d’wəi na̰’d mee ndəa’g neelé.

1 Samel 5:10

Yen ŋga deḛ d’ula gə sa̰duk-manrɔ lə Ala ɓee-boo gə́ Ekro̰. Loo gə́ sa̰duk-manrɔ lə Ala teḛ Ekro̰ ndá njé gə́ Ekro̰ d’ila ndu dee naŋg wəl pana: Deḛ ree gə sa̰duk-manrɔ lə Ala lə Israɛlje mba kar sí j’wəije ne, jeḛ ləm gə dəwje lə sí ləm tɔ.