2 Samel 7:7 - Maktub gə́ To gə Kəmee

⁷ Looje lai gə́ n’aw gə Israɛlje keneŋ lé see neḛ m’pata kára n’ar ginkoji Israɛlje gə́ kára oo əsé n’un ndu neḛ n’ar Israɛlje gə́ to dəwje lə neḛ gə́ n’ul dee lé, see n’dəji dee m’pana: See ban ɓa seḭ raje kəi gə kag-sɛdrə amje el wa, see m’pa bèe ya wa.

2 Samel 7:7 ပူးပေါင်းရင်းမြစ်များ

2 Samel 5:2

Kédé gə́ ləw lé loo gə́ Sawul to ne mbai lə sí lé ya kara to i ɓa ɔr no̰ Israɛlje aw sə dee raga ləm, gə tel sə dee ɓée ləm tɔ. Tɔɓəi Njesigənea̰ ulai pana: I a kul koso-dəwje lə neḛ gə́ Israɛl ləm, i a to mbai dɔ Israɛlje’g ləm tɔ.

1 Sôrta Gḭka-Israɛlje 11:2

Kédé lé loo gə́ Sawul to ne mbai lé i ɓa to njekɔrno̰ Israɛlje mba kaw sə dee raga ləm, gə tel sə dee ɓée ləm tɔ. Bèe ɓa Njesigənea̰, Ala ləi ulai ne pana: I a kul dəwje ləm gə́ Israɛl ləm, i a to mbai dɔ koso-dəwje ləm ləm tɔ.

1 Sôrta Gḭka-Israɛlje 17:6

Looje lai gə́ m’aw gə Israɛlje keneŋ lé see m’pata kára m’ar njégaŋ-rəwtaje lə Israɛlje gə́ m’un ndum m’ar dee mba kar dee d’ul dəwje ləm gə́ Israɛl lé see m’dəji dəw kára mbuna dee’g m’pana: See ban ɓa seḭ raje kəi gə kag-sɛdrə amje el wa, see m’pa bèe ya wa.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 66:1

Mbaidɔmbaije pa togə́bè pana: Dara to kalimbai ləm ləm, Dɔ naŋg nee to nétura-gɔl-kɔm ləm ləm tɔ. See kəi gə́ ban ɓa seḭ a kasjekəm raje kamje wa. See loo gə́ ra ɓa a kamje m’wa rɔm keneŋ wa .

Jeremi 23:4

M’a kunda njékulbadje dɔ dee’g kar dee d’ul dee. Deḛ d’a ɓəl el ŋga ləm, d’a ndəb pəd-pəd el ŋga ləma, yeḛ gə́ kára kara a kigi el ləm tɔ. Njesigənea̰ ɓa pa bèe.

Jeremi 3:15

M’a kar sí njékul síje to gə́ məəm ndigi. Deḛ d’a kul sí gə gosonégər ləm, gə kəmkàr ləm tɔ.

Ejekel 34:15

Neḛ nja n’a kul dəwje lə neḛ ləm, neḛ nja n’a kar dee d’wa rɔ dee ləm tɔ, Mbaidɔmbaije gə́ Njesigənea̰ ɓa pa bèe.

Ejekel 34:2

I ŋgon-dəw lé tegginta wɔji ne dɔ njékul Israɛlje! Maji kari tegginta ula njékul deeje lé pana: Mbaidɔmbaije gə́ Njesigənea̰ pa togə́bè pana: Meeko̰ a koso dɔ njékul Israɛlje gə́ d’ul rɔ dee-deḛ nja ba. See njékulbadje lé lé riri kara kəm kar dee d’ul badje el wa.

Ejekel 34:23

N’a kunda njekul dee kára ba dɔ dee’g karee ul dee, yee ɓa to kura lə neḛ Dabid, yeḛ a kar dee d’o̰ mu ləm, yeḛ a to njekul dee ləm tɔ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Matiyo 2:6

I Betlehem dɔ naŋg lə Juda lé Ɓee-booje gə́ to ɓeeko̰ gə́ Juda lé d’ur dɔi’g el, Mbata mbai gə́ a kul dəwje ləm gə Israɛl lé a kḭ keneŋ.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Néra Njékaḭkulaje 21:28

ra né wəl-wəl pana: Dəwje gə́ Israɛl, ree laje sə sí! Aa ooje dəw gə́ ɔr goo ta gə loo-loo ar dəwje lai ila ne ta dɔ dəwje gə́ Israɛl ləm, gə dɔ godndu’g ləma, gə dɔ loo’g neelé ləm tɔ. Ɓasinè yeḛ ar Grekje kara d’andə mee kəi-Ala’g ila ne ndɔl dɔ loo gə́ to gə kəmee neelé tɔ.

Tel tura Godndu 23:14

Mbuna nékodoje’g lə sí lé seḭ a kilaje kwɔs kára keneŋ, ɓa a la sə sí gə mba kar sí urje ne bwa gə mba dubu ne siḭ sí loo gə́ seḭ a gə kawje wala lé.

1 Piɛrə 5:1

Ooje ta gə́ ma m’gɔl ne ŋgatɔgje mbuna sí’g lé ma kara m’to gə́ ŋgatɔg mar dee ya ləm, némeeko̰ gə́ ra Kristi lé ma m’oo gə kəm ya ləma, ndɔ gə́ yeḛ a nduba rəa gə́ raga lé ma kara m’a si səa na̰’d ya ləm tɔ.