2 Samel 7:5 - Maktub gə́ To gə Kəmee

⁵ Maji kari aw ula kura ləm Dabid pana: Njesigənea̰ pa togə́bè pana: See to i ɓa a ra kəi kar neḛ n’isi keneŋ wa.

2 Samel 7:5 ပူးပေါင်းရင်းမြစ်များ

2 Samel 7:4

Mee tilee’g nee lé Njesigənea̰ ula Natan pana:

1 Mbaije 5:17

I gər gao to gə́ bɔm Dabid askəm kunda kəi kar Njesigənea̰, Ala ləa lé el mbata rɔje gə́ njéba̰je ləa d’aḭ ne dəa sub saar loo gə́ Njesigənea̰ ɔm dee gin gɔlee’g lé.

1 Mbaije 6:12

Ɓó lé i njaa gə goo godndumje ləm, ɓó lé i ra né gə goo torndumje ləma, ɓó lé i aa dɔ ndukunje ləm njaa keneŋ ləm tɔ ndá m’a kar ta ndukun ləm gə́ m’un m’ar bɔbije Dabid m’wɔji ne dɔi lé a kaw lée’g béréré ya,

1 Sôrta Gḭka-Israɛlje 17:4

Maji kari aw ula kura ləm Dabid pana: Njesigənea̰ pa togə́bè pana: I ɓa a ra kəi karm m’isi keneŋ el.

1 Sôrta Gḭka-Israɛlje 28:3

Nɛ Ala ulam pana: I a kunda kəi gə mba kar rim ɓar ne el mbata i to njerɔ ləm, ila məs ləm tɔ.

Gosota-Kəmkàrje 16:1

Kwɔji né gə mba ra lé ḭ mee dəw’g, Nɛ ra née lé ḭ rɔ Njesigənea̰’g.

Esai 66:1

Mbaidɔmbaije pa togə́bè pana: Dara to kalimbai ləm ləm, Dɔ naŋg nee to nétura-gɔl-kɔm ləm ləm tɔ. See kəi gə́ ban ɓa seḭ a kasjekəm raje kamje wa. See loo gə́ ra ɓa a kamje m’wa rɔm keneŋ wa .