2 Samel 7:3 - Maktub gə́ To gə Kəmee

³ Natan tel ila mbai’g lé pana: Ɔd aw ra néje lai gə́ i wɔji məəi’d gə́ mba ra lé, mbata Njesigənea̰ nai səi ya.

2 Samel 7:3 ပူးပေါင်းရင်းမြစ်များ

2 Samel 7:4

Mee tilee’g nee lé Njesigənea̰ ula Natan pana:

1 Mbaije 1:8

Nɛ Sadɔk, njekinjanéməs ləm, gə Benaja, ŋgolə Jeojoda ləm, gə Natan, njetegginta lə Ala ləm, gə Simei, gə Rei ləma, gə bao-rɔje lə Dabid ləm tɔ lé ndigi gə Adonija el.

2 Mbaije 4:27

Loo gə́ yeḛ teḛ rɔ dəw’g lə Ala dɔ mbal’g ndá yeḛ unda barmba gɔlee’g. Gehaji ree rəa’g gə mba kɔsee gə́ raŋg nɛ dəw lə Ala ulá pana: Yá̰ mbata mée to kərm ndá Njesigənea̰ iya səm dəa ɓó riba səm dəa kédé el.

1 Sôrta Gḭka-Israɛlje 22:7

Dabid ula Salomo̰ pana: Ŋgonəm, ma nja m’wɔji məəm’g gə mba kunda kəi gə mba ri Njesigənea̰, Ala ləm.

1 Sôrta Gḭka-Israɛlje 28:2

Mbai Dabid lé ḭ aar tar pana: Seḭ ŋgakɔmje gə dəwje ləm, maji kar sí ooje ta ləm. M’wɔji-kwɔji kunda kəi mba ŋgəm sa̰duk-manrɔ lə Njesigənea̰ keneŋ ləm, gə mba karee to gə́ loo-tura-gɔl-kɔm lə Ala lə sí ləm tɔ ndá ma m’wa dɔ gɔl rɔm gə mba kunda ya.

1 Sôrta Gḭka-Israɛlje 29:29

Sorta néraje lə mbai Dabid gə́ dɔtar ləm, gə njé gə́ rudu ləm tɔ lé deḛ ndaŋg mee maktub’g lə Samel gə́ to njekoota mee Ala’g lé ləm, gə mee maktub’g lə Natan, njetegginta ləma, gə mee maktub’g lə Gad, njetegginta ləm tɔ.

2 Sôrta Gḭka Israɛlje 29:25

Yeḛ ar dee d’unda Ləbije mee kəi’g lə Njesigənea̰ gə ma̰dje gə́ sa səgə-səgə ləm, gə kṵdu-ko̰déje ləma, gə kṵdu-kagje ləm tɔ ji dee’g gə goo rəw gə́ Dabid ləm, gə Gad gə́ njekoota ta Ala’g lé mbata lə mbai ləma, gə Natan gə́ to njetegginta d’wɔji ləm tɔ, mbata to ndukun gə́ Njesigənea̰ ɓa un ar njéteggintaje pa taree ya.

Pakɔsje 20:4

Maji kar mée olé dɔ nékarje’g ləi lai gə́ i un aree ləm, Maji kar nékinjanéməsje ləi kara taa kəmee rəgm ləm tɔ.

Pakɔsje 37:4

Nda məəi kaḭ dɔ Njesigənea̰’g ndá Yeḛ nja a kari né gə́ i ndiŋga ya.

1 Ja̰ 2:27

Kɔr gə́ yeḛ ɔr sí unda sí gə kəmee lé nai sə sí ɓəi, yee ɓa seḭ awje ne ndòo njendoo sí né dɔ maree’g el ŋga, nɛ to gə́ ndia gə́ yeḛ tɔr dɔ sí’g lé to né gə́ tɔgərɔ ɓó to né gə́ ŋgɔm el, yeḛ nja ɓa a ndoo sí néje lai lé ndá maji kar sí naije səa gə goo ta gə́ seḭ taaje mba̰ lé tɔ.

1 Samel 10:7

Loo gə́ nétɔjije neelé d’aw lée’g béréré dɔi’g ndá maji kari ra né gə́ i iŋga loo rəa mbata Ala nai səi ya.

1 Samel 14:7

Yeḛ gə́ njekodo nérɔje ləa lé ilá keneŋ pana: Ra néje lai gə́ məəi ndigi, ndolè goo takə̰ji ləi-i ya, ndá aa oo, ma ɓa yḛ̀ m’isi pèrèrè mba ndolè gooi-i ya.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.