2 Samel 7:25 - Maktub gə́ To gə Kəmee

²⁵ Ǝi Njesigənea̰ Ala, ɓasinè ta gə́ i pa wɔji ne dɔ kura ləi gə dɔ ŋgakeaje lé maji kari aree to njaŋg saar-saar gə no̰ ya ləm, maji kari ra née to gə́ i pa ya ləm tɔ.

2 Samel 7:25 ပူးပေါင်းရင်းမြစ်များ

Gḭ-Néje 32:12

Ma m’ra ndòo rɔi’g, maji kari ree taam ji ŋgokɔm’g, ji Esawu’g. Mbata ma m’ɓəl nà banelə yeḛ a ree tujim-ma gə ko̰ ŋganje gə ŋganje na̰’d.

2 Samel 7:24

I wɔji məəi’g njaŋg gə mba kar Israɛlje to koso-dəwje ləi ya saar-saar gə no̰ ləm, mba kari-i Njesigənea̰ tel to ne Ala lə dee ləm tɔ.

2 Samel 7:26

Maji kar dee d’ula rɔnduba dɔ rii’g saar gə no̰ ya ləm, maji kar dee pana: Njesigənea̰ gə́ njeboo-néje lé to Ala lə Israɛlje ya ləm tɔ! Maji kar kəi lə kura ləi Dabid to njaŋg nɔḭ’g ya!

1 Mbaije 2:4

Bèe ɓa ta nee gə́ Njesigənea̰ pa wɔji ne dɔm lé a kaw ne lée’g béréré mbata yeḛ pana: Ɓó lé ŋganije d’unda kəmkàr dɔ panjaa dee’g njaa ne gə ŋgonkoji no̰m’g gə ŋgaw meḛ dee bura ləm, gə rɔ dee bura ləm tɔ ndá i a lal njetaa tori dɔ kalimbai’g lə Israɛlje nda̰ el.

1 Mbaije 8:26

Ǝi Ala lə Israɛlje, maji kar ndukun gə́ i un ar bɔm Dabid gə́ to kura ləi lé aw lée’g béréré ya.

2 Sôrta Gḭka Israɛlje 6:17

Ɓasinè lé, Njesigənea̰ Ala lə Israɛlje, maji kar ndukun ləi gə́ i un ar kura ləi Dabid lé aw lée’g béréré ya!

Pakɔsje 119:38

Ndukun ləi gə́ i un ar kura ləi lé Maji kari aree aw lée’g béréré ya, To ndukun gə́ wɔji dɔ deḛ gə́ ɓəli lé.

Pakɔsje 119:49

Maji kari ar məəi olé dɔ ndukun’g ləi gə́ i un ar kura ləi Mbata i nja ɓa am m’unda məəm yel gə́ dɔi’g.

Ejekel 36:37

Mbaidɔmbaije gə́ Njesigənea̰ pa togə́bè pana: Aa ooje, né gə́ raŋg ya tɔɓəi gə́ gel-bɔje lə Israɛl d’a saŋg ne neḛ mba kar neḛ n’ra n’ar dee ɓa to nee: N’a kar bula lə dəwje ḭ dɔ maree’d gə́ kédé-kédé to gə́ koso-nékulje bèe.

1 Samel 1:23

Elkana gə́ ŋgabeeje lé ilá keneŋ pana: Maji kari ra né gə́ i oo gə́ né gə́ maji kəm ra ndá ŋgina saar mba kɔgee mbà ɓa. Nɛ maji kar ta gə́ Njesigənea̰ pa lé aw lée’g béréré ya! Bèe ɓa dené lé si ar ŋgon lé il ne mbà saar njen yeḛ ɔgee mbà tɔ.