2 Samel 7:21 - Maktub gə́ To gə Kəmee

²¹ Gə goo tapai ləm, gə goo meḛdigi ləi ləm tɔ ɓa i ra ne boo-néje neelé mba riba ne dɔ dee kar kura ləi.

2 Samel 7:21 ပူးပေါင်းရင်းမြစ်များ

1 Sôrta Gḭka-Israɛlje 17:19

Ǝi Njesigənea̰, to mbata to gə́ m’to kura ləi ləm, gə goo meḛdigi ləi ləm tɔ lé ɓa i ra ne boo-néje neelé mba riba ne dɔ dee kar kura ləi.

Pakɔsje 115:1

Ǝi Njesigənea̰, kəm kar síjeḛ ɓa j’iŋga riɓar el, Kəm kar síjeḛ ɓa jḭga riɓar el, Nɛ kəm kar dee d’ula rɔnduba dɔ rii-i’g ɓa Mbata meemaji ləi gə meenda londoŋ ləi lé.

Pakɔsje 138:2

Ma m’unda barmba mee kəi’g ləi gə́ to gə kəmee doi lé ləm, Ma m’unda no̰ rii mbata meemaji ləi gə meenda londoŋ ləi ləm tɔ. Mbata rii lé ɓar gə loo mbidi-mbidi Gə goo ndukunje ləi gə́ i ar dee d’aw lée’g béréré lé.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Matiyo 11:26

Oiyo, Bɔm, ma m’pidii mbata i ndigi ra togə́bè ya.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Lugu 1:72

Togə́bè ɓa yeḛ teggin némeekɔrjol ləa gə́ yeḛ ra ar ka síjeḛ lé ləm, Yeḛ ar mée olé dɔ manrɔ’g ləa gə́ to gə kəmee ləm tɔ.

Lugu 10:21

Mee kàree’g neelé nja rɔ Jeju lelee aree al ne rəa gə goo Ndilmeenda pana: Bɔm, i gə́ to mbai dɔ dara ləm, gə mbai dɔ naŋg nee ləm lé ma m’pidii mbata néje gə́ i ar kəm njékəmkàrje gə kəm njégosonégərje tɔ dɔ’g sum-sum lé i riba dəa ar ŋganje gə́ kari ba lé d’oo. Oiyo Bɔm, ma m’pidii mbata yee nja ɓa i oo gə́ né gə́ kəm ra ya.

Lugu 12:32

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

1 Njé gə́ Kɔrḭtə 1:1

Ma Pool, njekaḭkula lə Jeju Kristi gə́ Ala ɔree kəmee’g to gə́ mée wɔji lé jeḛ gə ŋgoko̰ sí Sostɛnə lé

Njé gə́ Epesə 1:9

Yeḛ ar sí n’gər ne né gə́ mée wɔji gə́ to loo-kiya’g gə goo némeemaji gə́ yeḛ nja wɔji-kwɔji mba ra lé ɓa

Njé gə́ Epesə 3:11

gə goo né gə́ yeḛ wɔji mée’g kédé gə́ dɔtar ɓa ar Jeju Kristi Mbaidɔmbaije lə sí ɓa gɔl dəa yəg ɓəi.

Njé gə́ Epesə 4:32

Raje meemaji gə na̰ ləm, ooje kəmtondoo lə na̰ ləm tɔ. Maji kar sí arje meḛ sí oso lemsé dɔ na̰’g to gə́ Ala kara ar mée oso lemsé dɔ sí-seḭ gə́ ɔmje na̰’d gin Kristi’g lé tɔ.

Tel tura Godndu 9:5

To gə goo néra gə́ gə dɔ najee ləm, gə goo meekarabasur lə sí ɓa seḭ a gə ka̰dje ne mee ɓee’g lə dee gə mba kaw taaje gə́ ka̰ sí el, nɛ gə goo meeyèr lə ginkoji dəwje gə raŋg neelé ɓa Ala lə sí gə́ Njesigənea̰ tuba dee ne no̰ sí’g gə mbəa, gə mba kar ta gə́ Njesigənea̰ un ne ndia ar bɔ síje-je, Abrakam gə Isaak gə Jakob lé to ne njaŋg ya.