2 Samel 7:20 - Maktub gə́ To gə Kəmee

²⁰ See ta ɗi ɓa Dabid askəm pa kari tɔɓəi wa. I Mbaidɔmbaije gə́ Njesigənea̰ lé gər kura ləi gao ya!

2 Samel 7:20 ပူးပေါင်းရင်းမြစ်များ

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

1 Sôrta Gḭka-Israɛlje 17:18

See ta ɗi ɓa Dabid askəm pa kari dɔ rɔnduba gə́ i ar kura ləi lé ɓəi wa. Mbata i gər kura ləi gao ya!

Pakɔsje 139:1

Pakɔs lə Dabid gə́ bao-pa ɔs sə dee lé. Njesigənea̰, i nja naa meekuru ləm, i gərm gao.

Tagə́maji gə́ Ja̰ ndang 2:25

Yeḛ aw ndòo njekɔrgoota lə dəw kára kara el, mbata yeḛ nja gər né gə́ to meḛ dəwje’g gao.

Tagə́maji gə́ Ja̰ ndang 21:17

Jeju tel dəjee tɔɓəi ɔm’g gɔl munda lé pana: Simo̰, ŋgon Junas, see i ndigim tɔgərɔ ya wa. Piɛrə lé mée ea̰ mbata dəji gə́ Jeju dəjee gɔl munda pana: See yeḛ undá dan kəmee’g wa. Ndá yeḛ tel ndigi təa’g pana: Mbaidɔmbaije, i gər néje lai, i gər gao to gə́ ma m’ndigii ya. Jeju ilá keneŋ pana: Bèe ndá maji kari ul badje ləm am.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

Jujé 5:14

Yeḛ ilá keneŋ pana: Wah! ma m’to ɓé-njérɔje lə Njesigənea̰ gə́ m’ree ɓasinè ɓəi. Juje oso nea̰’g bəbərə dəb kəmee naŋg dəjee pana: See ta ɗi ɓa mbai ləm a kula kura ləa wa.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.