2 Samel 7:2 - Maktub gə́ To gə Kəmee

² yeḛ ula Natan, njetegginta lé pana: Oo, ma lé m’isi mee kəi gə́ ra gə kag-sɛdrə nɛ sa̰duk-manrɔ lə Ala to mee kəi-kubu’g ɓa.

2 Samel 7:2 ပူးပေါင်းရင်းမြစ်များ

2 Samel 11:11

Uri tel ila Dabid keneŋ pana: Sa̰duk-manrɔ gə Israɛlje gə Judaje d’isi mee kəi-kubuje’g ləm, mbai ləm Joab gə kuraje lə mbai ləm kara d’isi loo gə́ wala’g ləm tɔ ndá see ma ŋga ɓa m’a kaw mee kəi’g kaw sɔ gə kai gə to gə dené ləm wa. Tɔgərɔ ya si gə́ i si kəmba gə darɔi ɓəi neelé m’a ra né gə́ togə́bè lé pai godo.

2 Samel 12:1

Bèe ɓa Njesigənea̰ ula Natan rɔ Dabid’g. Ndá Natan aw rəa’g aw ulá pana: Bèe ɓa mee ɓee gə́ kára bèe lé dəwje joo d’isi keneŋ. Yeḛ gə́ kára to bao nɛ yeḛ gə́ kára to njendoo tɔ.

2 Samel 5:11

Iram, mbai gə́ Tir lé ula njékaḭkulaje rɔ Dabid’g gə kag-sɛdrəje ləm, gə njéra-kula-kagje ləma, gə njétɔl kɔr mbalje ləm tɔ ar dee ra ne kəi d’ar Dabid.

2 Samel 6:17

Gée gə́ gogo loo gə́ deḛ ree gə sa̰duk-manrɔ lə Njesigənea̰ mba̰ ndá deḛ d’unda lée’g dan mee kəi-kubu gə́ Dabid ra wɔji ne dəa lé. Tɔɓəi Dabid inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ ar Njesigənea̰.

2 Samel 7:17

Natan ndaji taje nee lai ləm, gə némḭdi neelé gə́ yeḛ oo ləm tɔ ar Dabid.

1 Mbaije 1:22

Loo gə́ yeḛ aar wɔji ta gə mbai lé bèe-bèe ndá aa oo, njetegginta Natan ree tɔ.

1 Mbaije 1:8

Nɛ Sadɔk, njekinjanéməs ləm, gə Benaja, ŋgolə Jeojoda ləm, gə Natan, njetegginta lə Ala ləm, gə Simei, gə Rei ləma, gə bao-rɔje lə Dabid ləm tɔ lé ndigi gə Adonija el.

1 Mbaije 4:5

Ajaria, ŋgolə Natan to mbai dɔ njékaa dɔ néje, Jabud ŋgolə Natan, to njekaa dɔ ɓeeko̰ gə́ mbai undá dan kəmee’g,

1 Mbaije 8:17

Bɔm Dabid wɔji mée’g mba ra kəi kar ri Njesigənea̰, Ala lə Israɛlje ɓar dɔ’g.

1 Sôrta Gḭka-Israɛlje 14:1

Iram, mbai gə́ Tir lé ula njékaḭkulaje rɔ Dabid’g ləm, ula gə kag-sɛdrəje ləm, gə njétɔl kɔr mbalje ləma, gə njéra-kula-kagje ləm tɔ ar dee ra ne kəi d’aree.

1 Sôrta Gḭka-Israɛlje 16:1

Loo gə́ deḛ ree gə sa̰duk-manrɔ lə Ala mba̰ ndá d’unda dan mee kəi-kubu gə́ Dabid la wɔji ne dəa tɔɓəi deḛ d’inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ no̰ Njesigənea̰’g.

1 Sôrta Gḭka-Israɛlje 22:7

Dabid ula Salomo̰ pana: Ŋgonəm, ma nja m’wɔji məəm’g gə mba kunda kəi gə mba ri Njesigənea̰, Ala ləm.

1 Sôrta Gḭka-Israɛlje 29:29

Sorta néraje lə mbai Dabid gə́ dɔtar ləm, gə njé gə́ rudu ləm tɔ lé deḛ ndaŋg mee maktub’g lə Samel gə́ to njekoota mee Ala’g lé ləm, gə mee maktub’g lə Natan, njetegginta ləma, gə mee maktub’g lə Gad, njetegginta ləm tɔ.

2 Sôrta Gḭka Israɛlje 1:4

Sa̰duk-manrɔ lə Ala kédé Dabid unee Kirjat-Yearim aw ne loo gə́ gɔl wɔji ne dəa mbata yeḛ ra kəi-kubu Jerusalem wɔji ne dəa ya.

2 Sôrta Gḭka Israɛlje 29:25

Yeḛ ar dee d’unda Ləbije mee kəi’g lə Njesigənea̰ gə ma̰dje gə́ sa səgə-səgə ləm, gə kṵdu-ko̰déje ləma, gə kṵdu-kagje ləm tɔ ji dee’g gə goo rəw gə́ Dabid ləm, gə Gad gə́ njekoota ta Ala’g lé mbata lə mbai ləma, gə Natan gə́ to njetegginta d’wɔji ləm tɔ, mbata to ndukun gə́ Njesigənea̰ ɓa un ar njéteggintaje pa taree ya.

2 Sôrta Gḭka Israɛlje 9:29

Ges sorta néraje lə Salomo̰ gə́ dɔtar ləm gə njé gə́ rudu ləm tɔ lé ndaŋg taree mee maktub’g lə Natan, njetegginta ləm, gə mee maktub tegginta’g lə Akija, dəw gə́ Silo ləma, gə mee maktub némḭdije’g lə Jedo, njetegginta lə Jeroboam, ŋgolə Nebat ləm tɔ.

Pakɔsje 132:2

Yeḛ ubu rəa ar Njesigənea̰ ləm, Yeḛ man rəa ar Njesiŋgamoŋ lə Jakob ləm tɔ pana:

Pakɔsje 132:5

Saar gə mba kar neḛ n’iŋga ne loo Kar Njesigənea̰ si keneŋ ləm, Gə n’iŋga ne kəi-si Njesiŋgamoŋ lə Jakob lé ləm tɔ.

Teḛ-Raga 40:21

Deḛ d’aw gə sa̰duk kɔrgoota neelé mee kəi-kubu-si-Ala’g tɔɓəi deḛ tɔ pal-kubu-gaŋg-mee kəi d’aree ɔn dɔ sa̰duk kɔrgoota, to gə́ Njesigənea̰ un ne ndia ar Moyis lé ya.

Ajee 1:4

See ɓasinè lé to kàr kar sí-seḭ sije mee kəije’g lə sí gə́ maji gə́ tɔs kagje gə́ maji kaar dee’g loo gə́ kəi gə́ to gə kəmee lé tuji lé wa.

Tagə́maji gə́ Ja̰ ndang 2:17

Yen ŋga mee njékwakiláje olé dɔ ta gə́ ndaŋg mee maktub’g pana: Ŋgur kəi ləi ram ŋgwɔd-ŋgwɔd ya.

Néra Njékaḭkulaje 7:46

Dabid lé taa kəm Ala rəgm ndá yeḛ dəjee gə mba kunda kəi mbata Ala lə Jakob lé.