2 Samel 7:18 - Maktub gə́ To gə Kəmee

¹⁸ Yen ŋga mbai Dabid lé aw aar no̰ Njesigənea̰’g ulá pana: Mbaidɔmbaije gə́ Njesigənea̰, see ma m’to gə́ na̰ əsé gel-bɔje ləm ɓa gə́ na̰je to ɓa i am m’ree m’isi ne nee wa.

2 Samel 7:18 ပူးပေါင်းရင်းမြစ်များ

Gḭ-Néje 32:10

Jakob pana: Ala lə bɔmje gə́ Abrakam ləm, Ala lə bɔmje gə́ Isaak ləma, i Njesigənea̰ gə́ ulam pana: M’tel mee ɓee’g ləm, gə mee ɓee-kojim’g ndá i a ra səm meemaji ɓəi!

Gḭ-Néje 32:11

Ma lé m’to dəw gə́ əḭ el gə́ m’askəm kari wa səm nojije ɓəd-ɓəd əsé mba ra səm meemajije ɓəd-ɓəd to gə́ i ra gə kura ləi lé el. Mbata ma m’gaŋg Jurdɛ̰ neelé gə kag-tɔs ba jim’g nɛ ɓasinè dəwje ləm bula as kam m’kai dee kudu dee joo ŋga.

2 Samel 23:5

See to togə́bè gə njémeekəije ləm no̰ Ala’g lé ləm el wa. Mbata yeḛ man rəa Gə manrɔ gə́ to gə no̰ am ləm, Yeḛ ar taje lai gə́ to keneŋ lé To njaŋg ləma, Am m’isi ne gə meekulɔm ləm tɔ.

2 Samel 7:17

Natan ndaji taje nee lai ləm, gə némḭdi neelé gə́ yeḛ oo ləm tɔ ar Dabid.

1 Sôrta Gḭka-Israɛlje 17:16

Togə́bè ɓa mbai Dabid lé aw aar no̰ Njesigənea̰’g ulá pana: Mbaidɔmbaije gə́ Njesigənea̰, see ma m’to gə́ na̰ əsé gel-bɔje ləm tɔ gə́ na̰je to ɓa Njesigənea̰ Ala ree səm am m’isi ne nee wa.

1 Sôrta Gḭka-Israɛlje 29:14

Nɛ ma jén yḛ̀ see m’unda bḭ ɗi to əsé dəwje ləm tɔ gə́ na̰je to ɓa gə mba kar sí j’a kaskəm kḭ gə meḛ sí kun nékarje gə́ togə́bè kari wa. Néje lai gə́ j’un j’ari lé to né gə́ ḭ meḛ jii-i’g ya.

Pakɔsje 8:4

Loo gə́ m’aa loo gə́ dara gəl-gəl lé M’oo kula gə́ i ra gə jii, M’oo naḭ gə kéréméje gə́ i unda dee lé

Teḛ-Raga 3:11

Moyis dəji Ala pana: See ma jén m’as ɗi to ɓa m’a kaw rɔ Parao̰’g mba kar Israɛlje d’unda loo mee ɓee gə́ Ejiptə teḛ wa.

Esai 37:14

Ejekias taa maktub gə́ ndaŋg lé ji njékaḭkulaje’g ndá yeḛ tura. Tɔɓəi yeḛ aw ne mee kəi’g lə Njesigənea̰ ndá ila no̰ Njesigənea̰’g

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,

Njéga̰g-Rəwtaje 6:15

Ǝi mbai ləm see m’a kila Israɛlje tar to gə́ ban wa. Aa oo, njénojije ləm tɔ gə́ njéndooje gə́ kul kwɔji-kwɔji unda mar deeje gə́ mbuna ginkoji Manasə’g tɔɓəi ma kara m’to ŋgon gə́ na̰ mee kəi’g lə bɔmje ləm tɔ.

Rudu 2:10

Togə́bè Rudu oso naŋg bəbərə unda barmba nea̰’g ulá pana: See mbata ɗi ɓa ma gə́ m’to dəw gə́ dɔ ɓee’g nee ya i ila kəm toro’g ləm, i ə̰ji dɔm’g ləm tɔ bèe wa.

1 Samel 15:17

Samel pana: Loo gə́ i oo rɔi gə́ né gə́ əḭ kəmi’g el lé see i tel to mbai dɔ ginkoji Israɛlje el wa. See Njesigənea̰ ɓa wa dɔi gə ubu ari to mbai lə Israɛlje el wa.

1 Samel 18:18

Dabid ila Sawul’g pana: See m’unda bḭ ɗi əsé ginkojim to gə́ ɗi əsé njémeekəije lə bɔm d’as ɗi mee ɓee gə́ Israɛl ɓa gə mba kam m’to ne məəm mbaije wa.

1 Samel 9:21

Sawul ilá keneŋ pana: See ma m’to gə́ ginkoji’g lə Bḛjami gə́ to ginkoji gə́ lam ba bèe mbuna ginkoji Israɛlje-je’g el wa. See gel bɔ ləm kara to gə́ lam ba bèe unda gel-bɔje lə ginkoji Bḛjamije el wa. See gelee ban ɓa i ulam ne ta gə́ togə́bè lé wa.