2 Samel 7:16 - Maktub gə́ To gə Kəmee

¹⁶ Kəi ləa gə ɓeeko̰ ləa d’a to njaŋg gə no̰ ləm, kalimbai ləa kara a to njaŋg gə no̰ ləm tɔ.

2 Samel 7:16 ပူးပေါင်းရင်းမြစ်များ

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

2 Samel 22:51

Yeḛ ra néje gə́ boo mbata mbai ləa Gə́ yeḛ ɔree undá gə kəmee lé Yeḛ gə́ yeḛ wa dəa gə ubu Gə́ to Dabid gə ŋgakeaje saar gə no̰ lé Yeḛ ra sə dee gə goo meekɔr jol-jol ləa.

2 Samel 7:13

Yeḛ nja ɓa a ra kəi gə mba rim ləm, tɔɓəi m’a kar kalimbai ɓeeko̰ ləa to njaŋg saar gə no̰ ləm tɔ.

2 Samel 7:17

Natan ndaji taje nee lai ləm, gə némḭdi neelé gə́ yeḛ oo ləm tɔ ar Dabid.

1 Mbaije 2:4

Bèe ɓa ta nee gə́ Njesigənea̰ pa wɔji ne dɔm lé a kaw ne lée’g béréré mbata yeḛ pana: Ɓó lé ŋganije d’unda kəmkàr dɔ panjaa dee’g njaa ne gə ŋgonkoji no̰m’g gə ŋgaw meḛ dee bura ləm, gə rɔ dee bura ləm tɔ ndá i a lal njetaa tori dɔ kalimbai’g lə Israɛlje nda̰ el.

1 Mbaije 9:5

m’a kar kalimbai gə́ ka̰ ɓeeko̰ lə Israɛlje a to saar-saar gə no̰, to gə́ m’pa ne njaŋg m’ar bɔbije Dabid m’pana: I a lal njetaa tori dɔ kalimbai’g lə Israɛlje lé nda̰ el lé.

2 Mbaije 19:34

M’a kaḭ bada dɔ ɓee-boo’g neelé gə mba kajee ne mbata lə rim ma ləm, gə mbata lə kura ləm gə́ Dabid lé ləm tɔ.

2 Mbaije 8:19

Nɛ Njesigənea̰ ndigi tuji Juda el mbata Dabid, kura ləa, gə goo ndukun gə́ yeḛ un aree gə mba karee iŋga ne néndogó mbuna ŋganeeje’g lé.

2 Sôrta Gḭka Israɛlje 6:16

Ɓasinè Njesigənea̰, Ala lə Israɛlje, maji kari aa dɔ ndukun gə́ i un ar bɔm Dabid gə́ to kura ləi lé loo gə́ i ulá ne pana: Ɓó lé ŋganije d’unda kəmkàr dɔ panjaa dee’g d’aa ne dɔ godndum kər-kər to gə́ i ra bèe no̰m’g ndá i a lal njetaa tori dɔ kalimbai’g lə Israɛlje nda̰ el.

Maktub gə́ wɔji dɔ Jɔb 36:7

Yeḛ un kəmee rəw dɔ njémeekarabasurje’g el. Yeḛ unda dee na̰’d gə mbaije dɔ kalimbaije’g ləm Yeḛ ar dee d’isi keneŋ saar gə́ no̰ mba kar dee d’iŋga ne rɔnduba ləm tɔ.

Pakɔsje 45:6

Ndo̰ ɓandaŋgje ləi adə njal-njal, Koso-dəwje d’a toso naŋg gɔli’g ləm, Ndo̰ ɓandaŋgje ləi lé d’a tɔs ɓəŋgərə njéba̰je lə mbai ləm tɔ.

Pakɔsje 72:5

To gə́ kàr to ne saar-saar ləm, Naḭ kara teḛ ne gə naḭyee-naḭyee ləm tɔ lé Ŋgaka dəwje gə́ d’oji na̰ gə́ kédé-kédé lé D’a ɓəli ne saar gə no̰ bèe ya tɔ.

Pakɔsje 89:4

Yeḛ gə́ m’ɔree m’undá gə kəmee lé Ma man rɔm m’aree ya, Aa oo, né gə́ ma man ne rɔm m’ar Dabid, kura ləm lé ɓa nee:

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 17:25

mbaije gə ŋgan-mbaije gə́ d’isi dɔ kalimbai’g lə Dabid lé d’a si mee pusu-rɔje’g ləm, d’a tuba kundaje ləm tɔ ɓa mba kandə ne tarəwkɔgje’g lə ɓee-boo neelé deḛ ləm, gə ŋgan-mbaije lə dee ləm, gə dəwje gə́ Juda gə njé gə́ Jerusalem ləm tɔ lé ndá ɓee-boo neelé d’a si keneŋ saar gə no̰.

Jeremi 33:17

Mbata Njesigənea̰ pa togə́bè pana: Dabid a lal dəw gə́ njetaa toree mba si dɔ kalimbai’g mee kəi’g lə Israɛlje nda̰ el.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Tagə́maji gə́ Ja̰ ndang 12:34

Boo-dəwje d’ilá keneŋ pana: Godndu lé ndoo sí ar sí j’oo to gə́ Kristi lé a si gə no̰ ya. See ban ɓa i pana: Lé riri kara d’a kun Ŋgon-dəw kundá tar ɓəi wa. See Ŋgon-dəw neelé to gə́ na̰ ɓəi wa.

Ǝbrəje 1:8

Nɛ aa ooje, ta gə́ yeḛ ula Ŋgonee lé ɓa nee: Ǝi Ala, kalimbai ləi to saar gə no̰. Kag-mbai gə́ ka̰ ko̰ɓee ləi lé ɓa to kag-mbai gə́ ka̰ meekarabasur.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

1 Samel 25:28

M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.