2 Samel 7:14 - Maktub gə́ To gə Kəmee

¹⁴ M’a to bɔbeeje ləm, yeḛ a to ŋgonəm ləm tɔ. Ɓó lé yeḛ ra majel ndá m’a kundá gə ndəi kwɔjee ne kəmkàr ləm, gə ndəi kunda ŋganje ya ləm tɔ.

2 Samel 7:14 ပူးပေါင်းရင်းမြစ်များ

1 Mbaije 11:34

M’a kɔr ɓeeko̰je lai jia’g el, ləb si kəmba ləa lé m’a karee to gə́ mbai ya mbata Dabid, kura ləm gə́ m’ɔree kəm’g lé yeḛ to njekaa dɔ godndumje gə torndumje.

1 Mbaije 9:6

Nɛ ɓó lé seḭ ubamje ya̰’mje, seḭ əsé ŋgan síje ləm, ɓó lé seḭ aaje dɔ godndumje gə torndumje gə́ ma m’un m’ar sí lé el ləm, ɓó lé seḭ aw poleje magəje ləma, gə undaje barmba no̰ dee’g ləm tɔ ndá,

1 Sôrta Gḭka-Israɛlje 17:13

Ma m’a to bɔbeeje ləm, yeḛ a to ŋgonəm ləm tɔ ndá m’a kya̰ goo meenoji ləm gə́ wɔji dəa to gə́ m’ya̰ ne gée m’ar mbai gə́ nɔḭ’g kédé lé el.

1 Sôrta Gḭka-Israɛlje 22:10

Yeḛ ɓa a kunda kəi gə mbata rim. Yeḛ a to ŋgonəm ndá ma m’a to bɔbeeje, tɔɓəi m’a kar kalimbai ɓeeko̰ ləa to njaŋg mbuna Israɛlje’g saar gə no̰.

1 Sôrta Gḭka-Israɛlje 28:6

Tɔɓəi yeḛ ulam togə́bè pana: Ŋgoni gə́ Salomo̰ ɓa a kunda kəi ləm ləm, gə gadlooje ləm gə́ gugu dəa ləm tɔ, mbata m’a mbəree gə mba karee to ŋgonəm ləm, ma kara m’a to gə́ bɔbeeje ləm tɔ.

Maktub gə́ wɔji dɔ Jɔb 5:17

Rɔlel nai gə dəw gə́ Ala wɔjee kəmkàr, Maji kari ɔs takwɔji-kəmkàr lə Bao-siŋgamoŋ rəw el.

Pakɔsje 2:7

Godndu lé m’a kila mberee, Njesigənea̰ ulam pana: Ma m’to ŋgon neḛ! Ɓogənè ɓa n’ojim ya.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

1 Njé gə́ Kɔrḭtə 11:32

Loo gə́ Mbaidɔmbaije gaŋgta dɔ sí’g ndá yeḛ ra gə mba kula sí ne kəmkàr ɓó mba kar tuji gə́ wa dɔ naŋg neelé wa dɔ sí el.

2 Njé gə́ Kɔrḭtə 6:18

N’a kwa sí gə́ rɔ neḛ’g, n’a to bɔ síje ləm, Seḭ a toje ŋgan neḛje gə́ diŋgam gə njé gə́ dené ləm tɔ Mbaidɔmbaije gə́ njesiŋgamoŋ ɓa pa bèe.

Tel tura Godndu 8:5

Maji kar sí gərje gao to gə́ Ala lə sí gə́ Njesigənea̰ wɔji sí kəmkàr, to gə́ dəw wɔji ne ŋgonee kəmkàr bèe tɔ.

Ǝbrəje 1:5

See na̰ ɓa mbuna dəwje gə́ dara lé Ala ulá ta nee pana: I to Ŋgonəm, Ɓogənè ɓa m’ojii ya. See yeḛ pa bèe wa. Esé see yeḛ pa pana: M’a to Bɔbeeje ləm, Yeḛ a to Ŋgonəm ləm tɔ See yeḛ pa bèe wa.

Loo gə́ killa rea kəm Ja̰’g 21:7

Yeḛ gə́ a kun baŋga ndá a kiŋga néje neelé: n’a to gə́ Ala ləa ləm, yeḛ a to gə́ ŋgon neḛ ləm tɔ.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.