2 Samel 7:13 - Maktub gə́ To gə Kəmee

¹³ Yeḛ nja ɓa a ra kəi gə mba rim ləm, tɔɓəi m’a kar kalimbai ɓeeko̰ ləa to njaŋg saar gə no̰ ləm tɔ.

2 Samel 7:13 ပူးပေါင်းရင်းမြစ်များ

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

2 Samel 22:51

Yeḛ ra néje gə́ boo mbata mbai ləa Gə́ yeḛ ɔree undá gə kəmee lé Yeḛ gə́ yeḛ wa dəa gə ubu Gə́ to Dabid gə ŋgakeaje saar gə no̰ lé Yeḛ ra sə dee gə goo meekɔr jol-jol ləa.

2 Samel 7:16

Kəi ləa gə ɓeeko̰ ləa d’a to njaŋg gə no̰ ləm, kalimbai ləa kara a to njaŋg gə no̰ ləm tɔ.

2 Samel 7:27

Mbata i Njesigənea̰ gə́ njeboo-néje lé ya, Ala lə Israɛlje lé ɓa riba dɔ rɔi ar kura ləi pana: I a ra kəi kam! Gelee gə́ nee ɓa ma kura ləi m’wa ne rɔm kɔgərɔ m’ra ne tamaji nee tai’d gə mbəa.

1 Mbaije 2:24

Ɓasinè Njesigənea̰ gə́ to njesikəmba lé ɓa am m’isi dɔ kalimbai’g lə bɔm gə́ Dabid ləm, yeḛ nja ɓa to njetum gin kəi ləm gə goo ndukun ləa ləm tɔ. Ɓogənè ya Adonija a kwəi.

1 Mbaije 2:4

Bèe ɓa ta nee gə́ Njesigənea̰ pa wɔji ne dɔm lé a kaw ne lée’g béréré mbata yeḛ pana: Ɓó lé ŋganije d’unda kəmkàr dɔ panjaa dee’g njaa ne gə ŋgonkoji no̰m’g gə ŋgaw meḛ dee bura ləm, gə rɔ dee bura ləm tɔ ndá i a lal njetaa tori dɔ kalimbai’g lə Israɛlje nda̰ el.

1 Mbaije 2:45

Nɛ dɔ mbai Salomo̰ a kai səgərə ləm, kalimbai lə Dabid kara a to njaŋg no̰ Njesigənea̰’g saar gə no̰ ya ləm tɔ.

1 Mbaije 5:5

Judaje gə Israɛlje un kudee Dan saar teḛ Beer-Seba lé d’isi gə meekulɔm, ar nana kara si gel kag-nduú’g ləa ləm, gə gel kag-kodé’g ləa ləm tɔ, mee ndɔje lai gə́ Salomo̰ si ne gə kəmee lé ya.

1 Mbaije 6:12

Ɓó lé i njaa gə goo godndumje ləm, ɓó lé i ra né gə goo torndumje ləma, ɓó lé i aa dɔ ndukunje ləm njaa keneŋ ləm tɔ ndá m’a kar ta ndukun ləm gə́ m’un m’ar bɔbije Dabid m’wɔji ne dɔi lé a kaw lée’g béréré ya,

1 Mbaije 8:13

Nɛ ma lé m’ra kəi gə́ a to loo-sii, gə́ i a si keneŋ saar-saar gə no̰ ya.

1 Mbaije 8:15

Tɔɓəi yeḛ pana: Maji kar dɔ ri Njesigənea̰, Ala lə Israɛlje ai səgərə, yeḛ gə́ pata gə təa ar bɔm Dabid ndá yeḛ aree aw lée’g béréré gə goo siŋgamoŋ ləa gə́ yeḛ pa ne njaŋg pana:

1 Mbaije 8:19

Né kára ba lé to i ɓa a ra kəi lé el, nɛ ŋgoni gə́ a kḭ məəi’g ɓa a ra kəi lé kar rim ɓar dɔ’g tɔ.

2 Mbaije 21:4

Kédé lé Njesigənea̰ pa pana: Jerusalem ɓa to loo gə́ rim a ɓar keneŋ. Nɛ lé bèe kara Manasə ra loo-nékinjanéməsje mee kəi’g lə Njesigənea̰ ya.

2 Mbaije 21:7

Yeḛ unda magə-Astarté gə́ yeḛ ra lé mee kəi gə́ Njesigənea̰ ula Dabid gə ŋgonee Salomo̰ pana: To mee kəi gə́ nee gə mee Jerusalem gə́ ma mbəree mbuna ginkoji Israɛlje’g lai gə mba kunda rim dɔ’g saar gə no̰ lé.

2 Mbaije 8:19

Nɛ Njesigənea̰ ndigi tuji Juda el mbata Dabid, kura ləa, gə goo ndukun gə́ yeḛ un aree gə mba karee iŋga ne néndogó mbuna ŋganeeje’g lé.

1 Sôrta Gḭka-Israɛlje 28:10

Oo ɓasinè, Njesigənea̰ ɔri gə mba kari unda kəi gə́ to gə kəmee. Maji kari wa rɔi kɔgərɔ, gə́ ra né ya.

2 Sôrta Gḭka Israɛlje 33:4

Tɔɓəi yeḛ unda loo-nékinjanéməsje mee kəi’g lə Njesigənea̰ gə́ yeḛ un ndia dɔ’g pana: Jerusalem ɓa ri neḛ a ɓar dɔ’g saar-saar gə no̰ lé.

2 Sôrta Gḭka Israɛlje 6:16

Ɓasinè Njesigənea̰, Ala lə Israɛlje, maji kari aa dɔ ndukun gə́ i un ar bɔm Dabid gə́ to kura ləi lé loo gə́ i ulá ne pana: Ɓó lé ŋganije d’unda kəmkàr dɔ panjaa dee’g d’aa ne dɔ godndum kər-kər to gə́ i ra bèe no̰m’g ndá i a lal njetaa tori dɔ kalimbai’g lə Israɛlje nda̰ el.

Maktub gə́ wɔji dɔ Jɔb 36:7

Yeḛ un kəmee rəw dɔ njémeekarabasurje’g el. Yeḛ unda dee na̰’d gə mbaije dɔ kalimbaije’g ləm Yeḛ ar dee d’isi keneŋ saar gə́ no̰ mba kar dee d’iŋga ne rɔnduba ləm tɔ.

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Pakɔsje 89:21

Neḛ n’iŋga Dabid, kura lə neḛ N’wa dəa gə ubu lə neḛ gə́ to gə kəmee,

Pakɔsje 89:29

N’a ra səa meemaji gə́ kédé-kédé Ɓó n’a kya̰ gée el ləm, Manrɔ gə́ neḛ man ne rɔ neḛ n’aree lé N’a karee to njaŋg gə no̰ ləm tɔ.

Pakɔsje 89:4

Yeḛ gə́ m’ɔree m’undá gə kəmee lé Ma man rɔm m’aree ya, Aa oo, né gə́ ma man ne rɔm m’ar Dabid, kura ləm lé ɓa nee:

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 33:17

Mbata Njesigənea̰ pa togə́bè pana: Dabid a lal dəw gə́ njetaa toree mba si dɔ kalimbai’g mee kəi’g lə Israɛlje nda̰ el.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Jakari 6:12

Maji kam m’ulá m’pana: Njesigənea̰ gə́ njeboo-néje pa togə́bè pana: Aa oo, dəw kára gə́ ria lə Barkəm-kag-gə́-uba lé A kuba loo’g ləa teḛ bər ndá Yeḛ a tel kunda kəi lə Njesigənea̰ gə́ to gə kəmee.

Jakari 6:13

Yeḛ a tel kunda kəi lə Njesigənea̰ gə́ to gə kəmee ya. Tɔɓəi yeḛ a kɔm nétɔjije gə́ wɔji dɔ rɔnduba lé rəa’g, Yeḛ a si dɔ kalimbai’g ləa gə mba ko̰ɓee ləm, Yeḛ a to njekinjanéməs dɔ kalimbai’g ləma, Kankəm kɔm na̰’d gə́ maji ɔr njoroŋ A to mbuna dee-deḛ’g joo bɔr ləm tɔ.

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Ǝbrəje 3:3

Mbata rɔnduba gə́ d’ula dɔ Jeju’g lé ur dɔ ka̰ Moyis’g, to gə́ rɔnduba gə́ d’ula dɔ njekunda kəi’g lé ur dɔ ka̰ kəi nee gə́ yeḛ unda lé bèe.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.