2 Samel 7:10 - Maktub gə́ To gə Kəmee

¹⁰ Ma m’ar koso-dəwje ləm gə́ Israɛl loo-si dee ləm, ma man dee mba kar dee d’isi loo’g lə dee gə no̰ gə mba kar dee d’aw gə́ yo gə́ nee el ləma, gə mba kar njémeeyèrje d’ula kəm dee ndòo to gə́ kédé

2 Samel 7:10 ပူးပေါင်းရင်းမြစ်များ

2 Mbaije 21:8

Ɓó lé d’unda kəmkàr dɔ rɔ dee’g gə mba ra néje lai gə́ m’un ndum dɔ’g m’ar dee ləm, gə godnduje lai gə́ kura ləm Moyis ar dee ləm tɔ ndá m’a kar Israɛlje d’un gɔl dee d’aw yo-yo nee-nee gir ɓee gə́ m’ar bɔ deeje raga lé el ŋga.

1 Sôrta Gḭka-Israɛlje 17:9

Ma m’ar koso-dəwje ləm gə́ Israɛl loo-si dee ləm, ma man dee mba kar dee d’isi loo’g lə dee gə no̰ ɓó kar dee d’aw gə́ yo-yo nee-nee el ləma, gə mba kar njémeeyèrje tuji dee to gə́ kédé

2 Sôrta Gḭka Israɛlje 33:8

Ɓó lé deḛ d’aa dɔ godnduje lai gə ndukunje gə́ m’un m’ar dee gə ndu Moyis lé ra née ndá ɓee gə́ ma m’wɔji m’ar bɔ deeje-je lé m’a kar dee d’ḭ keneŋ d’unda loo teḛ d’aw raŋg el ŋga.

Pakɔsje 44:2

Ǝi Ala, jeḛ j’oo ta gə mbi sí ləm, Bɔ síje-je d’ɔr gée d’ar sí j’oo Kula raije gə́ i ra tɔl bém mee ndɔje’g lə dee Gə mee ndəaje gə́ ləw lé ləm tɔ.

Pakɔsje 44:4

Mbata kiambas lə dee ɓa deḛ taa ne ɓee el ləm, Kag ji dee ɓa aji dee el ləm tɔ, Nɛ to jikɔli gə kag ji gə́ ɓar mèr-mèr ləm, To kəmi gə́ ndogó wər-wər ləm tɔ ɓa d’aji ne Mbata i unda dee dan kəmi’g.

Pakɔsje 80:8

Ala gə́ njeboo-néje maji kari tel un sí ur sí tar ləm, Ar kəmi to jḛ̀ dɔ sí’g ləm tɔ Ndá j’a kaji ne ya.

Pakɔsje 80:9

I ɔr kag-nduú mee ɓee gə́ Ejiptə ləm, I tuba ginkoji dəwje gə raŋg lé ləm tɔ Ndá ya̰ tor dee ma̰a nduú lé keneŋ.

Teḛ-Raga 1:22

Togə́bè ɓa Parao̰ un ndia ar koso-dəwje ləa lai pana: Ŋganje gə́ diŋgam lai gə́ to Ǝbrəje gə́ d’oji dee lé seḭ a kɔm deeje dan mán baa’g nɛ ŋganje gə́ dené ɓa seḭ a kya̰ deeje kəmba ya.

Teḛ-Raga 15:17

I a ree sə dee, i a kunda dee dɔ mbal gə́ to nénduba ləi, Loo gə́ i wa dɔ gɔlee mba karee to loo-sii lé! Ǝi Njesigənea̰. Loo gə́ to gə kəmee doi gə́ jii-i Mbaidɔmbaije ɓa ra.

Esai 5:2

Yeḛ tel gel naŋg ləm, Yeḛ tɔr kɔr mbalje ləma, Yeḛ ma̰a kag-nduú gə́ ka̰dee lel keneŋ ləm tɔ. Yeḛ la pala mee ndɔ’g ləm, Yeḛ ur bwa gə́ ka̰ mbula mán-nduú keneŋ ləm tɔ. Tɔɓəi mée to yel dɔ kiŋga kandə nduú gə́ maji’g Nɛ nduú lé andə gə ka̰dee gə́ majel.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Jeremi 18:9

Loo gə́ na̰je m’pata m’wɔji ne dɔ ginkoji dəwje gə dɔ ɓeeko̰ gə mba kun dee kunda dee tar ləm, gə ma̰a gɔl dee naŋg ləm tɔ.

Jeremi 24:6

M’a koo dee gə kəm gə́ maji ləm, m’a tel ree sə dee mee ɓee’g neelé gogo ləm tɔ. M’a kunda dee lée’g ɓó m’a tuji dee el ŋga ləm, m’a ma̰a dee ɓó m’a tɔr dee el ŋga ləm tɔ.

Ejekel 28:24

Bèe ɓa yeḛ a to kun gə́ njekɔs gɔl loo el ləm, a to ŋgar mba tuga ne gel-bɔje lə Israɛl gogo el ŋga ləm tɔ mbuna deḛ lai gə́ gugu dəa sub gə́ d’ə̰jee bəḭ-bəḭ lé. Ndá d’a gər to gə́ neḛ n’to Mbaidɔmbaije gə́ Njesigənea̰ ya.

Ojee 2:18

Njesigənea̰ pana: Mee ndəa’g neelé Yeḛ a ɓarm ŋgabeeje Ɓó yeḛ a ɓar rəa ɓər ləm el ŋga!

Amɔs 9:15

N’a ma̰a dee mee ɓee’g lə dee ndá Dəw a kɔr dee mee ɓee gə́ neḛ nja n’ar dee Mba kaw sə dee raŋg el ŋga, Njesigənea̰, Ala ɓa pa bèe.

Loo gə́ killa rea kəm Ja̰’g 21:4

Yeḛ a bɔr mán-no̰ kəm dee’g ləm, yoo a ɓar ri dee gogo el ləm, kəmndooyoo kara a godo ləm, no̰ yoo a godo ləma, meeko̰ kara a godo ləm tɔ mbata néje gə́ dɔtar lé sané pá mba̰.

Njéga̰g-Rəwtaje 4:3

Israɛlje no̰ ɓar Njesigənea̰ mbata Jabḭ aw gə pusu-rɔje gə́ ra gə larndul tɔl-jinaikara (900) ndá yeḛ ra sə dee néje gə́ kərm-kərm gə́ al dɔ dee sula as ləb rɔ-joo.

1 Samel 13:17

Kudu-dəwje gə́ njékaw waije munda d’ḭ loo-si Pilistije’g gə mba kaw wai ndá njé gə́ kudu kára d’aw gə rəw gə́ a teḛ Opra par gə́ ɓee gə́ Sual tɔ.