2 Samel 6:5 - Maktub gə́ To gə Kəmee

⁵ Dabid gə ginkoji Israɛlje lai ndam no̰ Njesigənea̰’d gə nékimje ɓəd-ɓəd gə́ ra gə kag-siprɛs ləm, gə kṵdu-kagje ləm, gə kṵdu-ko̰déje ləm, gə dalè bajiŋ ləm, gə mbarèje ləma, gə ma̰dje gə́ sa səgə-səgə ləm tɔ.

2 Samel 6:5 ပူးပေါင်းရင်းမြစ်များ

2 Mbaije 3:15

Ɓasinè, maji kar sí reeje gə njenékim. Loo gə́ njenékim neelé aar im né bèe-bèe ndá Njesigənea̰ ila jia dɔ Elije’g.

1 Sôrta Gḭka-Israɛlje 13:8

Dabid gə Israɛlje lai la no̰ Ala’g lé gə sḭgarɔ dee bura gə pakɔs ləm, gə kṵdu-kagje ləm, gə kṵdu-ko̰déje ləm, gə dalè-bajḭgje ləm, gə ma̰dje gə́ sa səgə-səgə ləma, gə to̰to̰je ləm tɔ.

1 Sôrta Gḭka-Israɛlje 15:28

Israɛlje lai d’ar dee ree gə sa̰duk-manrɔ lə Njesigənea̰ lé ɓée gə ndu rɔlel ləm, gə ndu tébé ləm, gə ndu to̰to̰ ləma, gə ndu ma̰dje gə́ sa səgə-səgə ləm tɔ ndá deḛ d’im kṵdu-ko̰déje gə kṵdu-kagje tɔ.

2 Sôrta Gḭka Israɛlje 20:28

Deḛ d’andə Jerusalem mee kəi’g lə Njesigənea̰ gə ndu kṵdu-kagje ləm, gə kṵdu-kaje ləma, gə to̰to̰je ləm tɔ.

Pakɔsje 47:5

Yeḛ unda kəm nénduba lə sí ar sí, Yee ɓa to rɔnduba lə Jakob gə́ yeḛ undá dan kəmee’g.

Loo gə́ killa rea kəm Daniel’g 3:10

Ndukun gə́ i nja un lé wɔji mba kar deḛ lai gə́ d’a koo ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd tɔ ndá d’a kunda barmba mba kwa néndaji gə́ ra gə larlɔr lé meḛ dee’g.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Loo gə́ killa rea kəm Daniel’g 3:5

Loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, a kwaje néndaji gə́ ra gə larlɔr gə́ mbai Nebukadnesar uree tar lé meḛ sí’g ləm tɔ.

Loo gə́ killa rea kəm Daniel’g 3:7

Togə́bè ɓa loo gə́ dəwje lai d’oo ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləma, gə nékimje ɓəd-ɓəd ləm tɔ ndá koso-dəwje lai ləm, ginkoji dəwje gə raŋg ləma, deḛ gə́ takɔji dee ɓəd-ɓəd ləm tɔ lé d’unda barmba ləm, d’wa néndaji gə́ ra gə larlɔr gə́ mbai Nebukadnesar uree tar lé meḛ dee’g ləm tɔ.

Amɔs 5:23

Ndu paje lə sí lé Ɔdje ne rɔ neḛ’g gə́ raŋg ləm, Kṵduje lə sí gə́ ɓar lé kara Neḛ n’un mbi neḛ dɔ’g ndogo ne lel ləm tɔ.

Amɔs 6:5

Deḛ d’ɔs pa gə mḭdé ba gə kṵdu-ko̰dè ləm, Deḛ d’oo rɔ dee gə́ njégoso nékimje to gə́ Dabid bèe ləm tɔ.

1 Samel 10:5

Gée gə́ gogo ndá i a teḛ Gibea-Elohim, loo gə́ kudu njérɔje lə Pilistije d’isi keneŋ lé. Loo gə́ i a gə kandə mee ɓee-boo’g lé ndá i a kiŋga kudu-njéteggintaje gə́ d’ḭ dɔdərloo’g ləm, d’ɔr no̰ dee gə kṵdu ləm, gə dalè ləm, gə tébé ləma, gə kṵdu-ko̰dè ləm tɔ, tɔɓəi deḛ kara d’isi tegginta ləm tɔ.

1 Samel 16:16

Maji kar mbai lə sí pata! Kuraje ləi d’aar nɔḭ’g ndá d’a kaw saŋg dəw gə́ gər kim kṵdu-ko̰dè ɓó loo gə́ ndil gə́ yèr gə́ Ala ulá lé ree dɔi’g ndá yeḛ a kim né kari si ne lɔm ya.