2 Samel 6:18 - Maktub gə́ To gə Kəmee

¹⁸ Loo gə́ Dabid tɔl ta kula nékinjanéməsje gə́ ka̰ roo ləm, gə ka̰ kɔm na̰’d ləm tɔ ndá yeḛ tɔr ndia dɔ koso-dəwje’g gə ri Njesigənea̰ gə́ njeboo-néje lé tɔ.

2 Samel 6:18 ပူးပေါင်းရင်းမြစ်များ

Gḭ-Néje 14:19

Yeḛ tɔr ndia dɔ Abram’g pana: Maji kar Ala gə́ Njekurdɔloo, yeḛ gə́ to mbai dɔ dara gə naŋg nee lé tɔr ndia dɔ Abram’g!

2 Samel 6:19

Tɔɓəi yeḛ kai koso-dəwje gə́ Israɛl lai, diŋgamje gə denéje lé nana kara yeḛ aree pil muru kára ləm, gə kɔr da ləm, gə mbə gə́ d’ila ləma, gə Kandə-nduú ləm tɔ. Ndá koso-dəwje lai d’ḭ d’aw, nana kara aw kəi ləa kəi ləa ya.

1 Mbaije 8:14

Mbai tel kəmee wagəsa, tɔr ndia dɔ koso-dəwje gə́ Israɛl, ndá koso-dəwje gə́ Israɛl lai d’aar tar ya gə gɔl dee tɔ.

1 Mbaije 8:15

Tɔɓəi yeḛ pana: Maji kar dɔ ri Njesigənea̰, Ala lə Israɛlje ai səgərə, yeḛ gə́ pata gə təa ar bɔm Dabid ndá yeḛ aree aw lée’g béréré gə goo siŋgamoŋ ləa gə́ yeḛ pa ne njaŋg pana:

1 Mbaije 8:55

Yeḛ aar tar, ila boo-ndia naŋg tɔr ne ndia dɔ koso-dəwje gə́ Israɛl pa ne pana:

1 Sôrta Gḭka-Israɛlje 16:2

Loo gə́ Dabid tɔl ta kula nékinjanéməsje gə́ ka̰ roo ləm, gə yeejé gə́ ka̰ kɔm na̰’d ləm tɔ ndá yeḛ tɔr ndia dɔ koso-dəwje’g gə ri Njesigənea̰ tɔ.

2 Sôrta Gḭka Israɛlje 30:27

Njékinjanéməsje gə Ləbije d’ḭta tɔr ndu dee dɔ koso-dəwje’g ndá ndu dee ɓar wəl ar tamaji ra lə dee aw njal teḛ dara saar teḛ kəi’g lə Njesigənea̰ gə́ to gə kəmee lé tɔ.

2 Sôrta Gḭka Israɛlje 31:8

Ejekias gə ŋgan-mbaije ree d’oo kudu néje neelé ndá deḛ pidi ne Njesigənea̰ ləm, deḛ tɔr ne ndu dee dɔ koso-dəwje’g ləa gə́ Israɛl ləm tɔ.

2 Sôrta Gḭka Israɛlje 6:3

Mbai lé tel kəmee gə́ dɔ koso-dəwje gə́ Israɛl tɔr ndia dɔ dee’g ndá koso-dəwje gə́ Israɛl lai d’aar tar.

Pakɔsje 129:8

Njédəntarje lé kara pa taree pana: Maji kar Njesigənea̰ tɔr ndia dɔ sí’g lé pa bèe el ləm tɔ. Jeḛ lé n’tɔrje ndu sí dɔ sí’g gə ri Njesigənea̰ ya.

Teḛ-Raga 39:43

Moyis tən kulaje neelé lai, ndá aa oo, deḛ ra to gə́ Njesigənea̰ un ne ndia ar dee lé deḛ ra togə́bè ya. Bèe ɓa Moyis tɔr ne ndia dɔ dee’g ya.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Jujé 22:6

Togə́bè ɓa Juje tɔr ndia dɔ dee’g ndá ya̰ dee ar dee tel d’aw gə́ kəi-kubuje’g lə dee.