2 Samel 6:14 - Maktub gə́ To gə Kəmee

¹⁴ Dabid ndam gə siŋgarea bura no̰ Njesigənea̰’g ləm, yeḛ tɔ kubu gə́ d’ṵji gə kúla palégal ɓa rḛgee’g ləm tɔ.

2 Samel 6:14 ပူးပေါင်းရင်းမြစ်များ

2 Samel 6:15

Dabid gə deḛ lai gə́ to gə́ ginkoji’g lə Israɛlje lé ree gə sa̰duk-manrɔ lə Njesigənea̰ lé gə ndu rɔlel ləm, gə ndu to̰to̰je ləm tɔ.

2 Samel 6:20

Dabid tel aw gə mba kaw tɔr ndia dɔ njémeekəije’g ləa ndá Mikal, ŋgolə Sawul gə́ dené lé teḛ iŋgá. Yeḛ dəjee pana: Rɔnduba gə́ ban ɓa d’ula dɔ mbai lə Israɛlje’g ɓogənè ɓa aree tɔr ne kubu rəa’g kəm ŋganjélookisije’g ləa gə́ dené gə diŋgam to gə́ lə dəw gə́ kari ba ɓa tɔr kubu rəa’g bèe nee wa.

1 Sôrta Gḭka-Israɛlje 15:27

Dabid ula kubu gə́ d’ṵji gə kúla palégal rəa’g, Ləbije lai gə́ d’odo sa̰duk-manrɔ ləm, gə njékɔspaje ləma, gə Kenania gə́ to njekɔrno̰ njékim néje mbuna njékɔspaje’g ləm tɔ kara d’ula kubuje gə́ togə́bè rɔ dee’g tɔ. Dabid ula kubu gə́ d’ṵji gə kúla palégal gə́ wɔji dɔ njékinjanéməsje rəa’g tɔ.

Pakɔsje 149:3

Maji kar dee pidee gə ndam lə dee ləm, D’ila riɓar dəa’g gə dalè bajiŋ gə kṵdu-kag ləm tɔ.

Pakɔsje 150:4

Pideeje gə dalè-bajiŋ gə ndamje ləm, Pideeje gə nékimje gə́ gə kuláje gə buulaje ləm tɔ.

Pakɔsje 30:11

Njesigənea̰, maji kari tuga mbii oo ne ndum ndá Oo ne kəm lootondoo’g ya! Njesigənea̰, maji kari ree la səm ya kari.

Pakɔsje 87:7

Deḛ gə́ d’ɔs pa gə deḛ gə́ ndam lé Ra né gə ndu dee gə́ boi wəl pana: Gin rɔlel lə sí lai ḭ rɔi’g ya!

Teḛ-Raga 15:20

Miriam, njetegginta gə́ dené gə́ to kɔnan Aaro̰je lé un dalè bajiŋ jia’g, ar denéje lai kara ree gə dalè bajḭgje gée’g ndá deḛ ndam ne.

Teḛ-Raga 15:21

Miriam lé ila Israɛlje keneŋ pana: Ɔsje pa arje Njesigənea̰ Mbata yeḛ ar rɔnduba ləa kila rəa kɔd. Yeḛ wa kundaje gə njékal deeje na̰’d Ɓugu dee dan mán baa-boo’g.

Teḛ-Raga 19:6

seḭ a toje njékinjanéməsje gə́ gin sí to gə́ mbai ləm, a toje ginkoji dəwje gə́ toje gə kəmee ɓəd ləm tɔ. Yee ɓa gə́ ta gə́ i a kula Israɛlje ya.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Ejekel 46:10

Mbai gə́ njeɓee a kandə sə dee na̰’d loo gə́ d’a kandə kəi ləm, yeḛ a kunda loo teḛ raga loo gə́ d’a teḛ raga ləm tɔ.

Lugu 15:25

Nɛ ŋgondər lé nai loo-ndɔ’g walá ɓəi. Loo gə́ yeḛ ḭ ndɔ’g lé unda dɔ kəi dəb ndá yeḛ oo ndu nékimje ləm, gə ndu dəwje gə́ njéndamje ləm tɔ.

Tel tura Godndu 6:5

I a kunda Njesigənea̰ Ala ləi lé dan kəmi’g ndigee dɔ ɓəŋgəri’g ləm, gə ŋgaw məəi bura ləma, gə sḭgarɔi bura ləm tɔ.

Njé gə́ Kolosə 3:23

Kula gə́ rara gə́ seḭ raje lé raje gə meḛ sí gə́ maji mbata lə Mbaidɔmbaije ɓó gə mba kar dəwje gə kar dee el,

Njéga̰g-Rəwtaje 11:34

Loo gə́ Jepte aw tel ree gə́ kəi ləa gə́ Mispa ndá aa oo, ŋgonee gə́ dené unda loo teḛ tila kəmee gə dalè gə ndamje. To ŋgonee gə́ kára ba kiao ya, yeḛ aw gə ŋgon gə́ diŋgam əsé ŋgon gə́ dené gə́ raŋg el.

Njéga̰g-Rəwtaje 21:21

Seḭ a kaaje loo gərərə ndá aa ooje, loo gə́ ŋgama̰dje gə́ Silo d’a teḛ mba ndam ndá seḭ a kundaje loo mee ndɔ-nduúje’g teḛje, tɔɓəi nana kara a kwa ŋgoma̰də kára mba karee to dené ləa-ləa ndá seḭ a kawje sə dee mee ɓee’g lə Bḛjamije tɔ.

1 Samel 2:18

Samel ra kula no̰ Njesigənea̰’g. Ŋgon neelé ula kubu gə́ ŋgal gə́ d’ṵji gə kúla palégal rəa’g.

1 Samel 2:28

To ma nja m’ɔree mbuna ginkoji’g lə Israɛlje lai mba karee to njekinjanéməs ləm ləm, mba karee aw loo-nékinjaməs’g ləm ləm, mba karee roo né gə́ ə̰də sululu ləma, mba karee ula kubu épod kaar ne no̰m’g ləm tɔ. Tɔɓəi ma nja m’ar ŋgaka bɔbije lé nékinjanéməsje lai gə́ ka̰ roo gə́ Israɛlje d’un d’ar lé tɔ.

1 Samel 22:18

Togə́bè ɓa mbai tel ula Doɛg pana: Tel kəmi tɔl njékinjanéməsje lé. Ndá Doeg, dəw gə́ Edɔm lé tel kəmee ndá yeḛ nja tɔl njékinjanéməsje lé. Mee ndəa’g neelé yeḛ tɔl dee rɔ-jinaijoo-gir-dee-mi gə́ d’ula épod gə́ ra gə kúla palégal rɔ dee’g lé.